Mark 2:2 - Iñupiatun Mumiksat Uqalugiksuat

² Tavra iñugiaktuat katinŋarut atautchimun, sumikunnii iniksraiġutivlutiŋ, paakkaluamiunnii. Tavra alġaqsruiŋaruq ilaiññun.

Mark 2:2 Iomraidhean Croise

Psalms 40:9

Katirvianni iñugirapayaaqpich, Ataniiq, Uqaġigitka tusaayugaalluatat Ilignun annautinivḷuta. Iḷisimagiñ uqausiġiŋaiġumiñaitchaġa.

Matthew 5:2

Aasii ilaan iḷisautirraqsiŋagai, uqaqłuni,

Mark 1:14

Tavra John tigutaaqtauganiŋman, Jesus Galilee-muŋaruq alġaqsruivḷuni tusaayugaaġiksuanik God-miñ,

Mark 1:33

Tavra iñupayaaŋi iniqpaum katinŋarut sivuġaanun iglum.

Mark 1:37

aasii paqinnamirruŋ uqallautiŋagaat, Iñupayaat ivaqłiarut iliŋnik.

Mark 1:45

Aglaan aullaqami quliaqtuaqsautigillaġmi piŋaruq sumulliqaa. Quliaqtuaqpaił̣ł̣uni Jesus isiġumiñaiŋagaa iniqpaŋnun takkuqsraġlugich iñuich. Tavra nunagluktuamiinŋaruq, aasii iñuich qaiguŋarut ilaanun sumiḷḷiqaa.

Mark 2:1

Tavra Jesus utitqiŋaruq Capernaum-mun uvluġaaġruurat pianiŋmata. Aasii tusaaŋaniġaat aiŋatilaaŋanik.

Mark 2:13

Tavra Jesus saavitqiŋaruq tatchim siñaanun, aasii iluqaġmiŋ iñusalaich ullautiŋarut ilaanun. Tavrani ilaan iḷisautiŋagai.

Mark 6:34

Jesus niukami, tautuŋagai iñusalaich suli nagliksratchaŋaruq iliŋiññik, qanuq imnaisun inŋarut munaqsraitchuatun. Tavra ilaan iḷisautirraqsiqpaŋagai.

Luke 12:1

Iñuich iñugiaksiqpapiaġataqłutiŋ iḷimmata katittuat atautchimun tunmautillasiḷaaqamik unnii, Jesus uqautirraqsiŋagai iḷitchitqurani, Qaunagisitchi imaksrautiŋiññiñ Pharisees, sivuniġigiga ukpiŋŋuaġutaat.

Luke 5:17

Tavra tamatkua uvlut iḷaŋanni, Jesus iḷisaurripkaqtillugu, iḷaŋich Pharisees-lu iḷisaurriḷḷu pitquranik aquppiŋarut saniġaani, qaiŋaruat nunaaqqipayaaŋiñiñ Galilee-m Judea-vlu, Jerusalem-miḷḷu, tavra Atanġum God-im suaŋŋasiŋagaa Jesus iłuaqsiyumiñaqsivḷugich naŋittuat.

Luke 8:1

Taavruma aquuraŋagun Jesus kukiḷuŋaruq iniqpaktigun nunaaqqiuratigullu, alġaqsruivḷuni tusaayugaaġiksuanik God-im atanniqsimmataagun iñuŋnun. Suli qulit malġuk kukiḷuqatigiŋagaat.

Luke 8:11

Uuktuun inna sivuniqaqtuq. Nautchiaksrat palauvaksraġuġniaqtuat God-im uqaluatun ittut.

Acts 11:19

Tavra ukpiqtuat siamitauŋarut pisigivlugu nagliksaaqtitauniq isagutiruaq Stephen-qaŋa tuqutaumman. Iḷaŋich aullaŋarut ayuuqtigivlutiŋ Phoenicia-mun Cyprus-mullu Antioch-mullu, quliaqtuaġivlugich tusaayugaaġiksuat Jew-nun kisiiññun.

Acts 14:25

Tavra alġaqsruutigianikamitku tusaayugaaġiksuaq Perga-mi, aullaŋaruk Attalia-mun.

Acts 16:6

Tavra kukiḷuŋarut nunaŋigun Phrygia-m Galatia-vlu. Ilitqusiġiksuam alġaqsruitquŋaitkai tusaayugaaġiksuamik nunaaqqiŋiñi Asia-m.

Acts 8:25

Tavra uqalugaaġutigianikamitku uqautigivlugulu uqalua Atanġum, Peter-lu John-lu utiŋaruk Jerusalem-mun. Alġaqsruutigiŋagaak tusaayugaaġiksuaq iñugiaktuanun nunaaqqiŋiññun Samaria-ġmiut.

Romans 10:8

Uqaluk nalaunŋasiñikun ukpiġutikuaqtuaq alġaqsruutigigikput. Taamna uqaluk kaŋiqsiñaqtuq, iḷisimalluataġiksi, uvva inna ittuq,

2 Timothy 4:2

alġaqsruutigitquvlugu God-im uqalua ataramik. Uqautiginiapiaġlugu piviksraq nalautitkaluaqpan naagga nalautinŋaitkaluaqpan, maliksuktinniaġlugich iñuich, suakkaluaġlugich, qapiŋaisaaġlugich qapiŋaisaagaksrauruat, iḷisaurriḷutin qimmaksaliyaipiaġlutin.