Luke 9:51 - Iñupiatun Mumiksat Uqalugiksuat

⁵¹ Tavra qallimman Jesus qiḷaŋmugviksrani, qapiŋaipiaŋaruq aullaġukłuni Jerusalem-mun. Aasii tilisiŋaruq kivganik sivumiñi.

Luke 9:51 Iomraidhean Croise

2 Kings 2:11

Uqqaaġiḷḷaġmiŋ pisuaqtillugik, tavraŋŋatchiaq aksraktuuraq igniġuvluni qimuktiqaqłuni tuttuqpagnik igniġuvlutik akunnaaġutiruk iliŋigñun, aasii Elijah qiḷaŋmuurrauŋaruq uyalunakuaqłuni.

Mark 16:19

Tavra Atanġum Jesus uqaqatigianikamigich iḷitchitqurani, mayuurrauŋaruq qiḷaŋmun aasii aquviłłuni taliqpiata tuŋaanun God-im.

Luke 12:50

Nalautchaagaksraġigitka isumaaluutit paptaiġutigimmatun piḷugich, aasii qanutun iłuiḷḷiuġutigisaġataġitka pilluŋniŋannun aglaan.

Luke 13:22

Jesus iglauŋaruq nunaaqqisigun nunaaqqiuratigullu iḷisaurrivḷuni, suli iglauvluni tuŋaanun Jerusalem.

Luke 17:11

Iglauyaamiñi Jerusalem-mun, Jesus akunġakkuaŋaruq Samaria-vlu Galilee-vḷu.

Luke 18:31

Tavra asivaqtaaġutivlugich qulit malġuk iḷitchitqurat, Jesus uqallautiŋagai, Uvva, Jerusalem-muksaaqsirugut, aasii supayaat uqaqtiŋisa God-im aglaaġiŋaraŋich Iġñiŋagun iñuum nalautitauniaqtut.

Luke 19:11

Tavra tamatkua tusaaruat uqaluŋnik, Jesus quliaqtuaġutiŋagai uuktuunmik. Ilaa qalliŋaruq Jerusalem-mun, aasii iñuich isumaqaŋarut atanniqsimmataa God-im satqummiyasiñasugalugu.

Luke 19:28

Taamna uqausiġianikamiuŋ, Jesus aullaqivsaaŋaruq Jerusalem-mun sivuanni iñuich.

Luke 24:51

Aŋaiyyutiniallaisa, ilaa mayuurrauŋaruq ilaiññiñ qiḷaŋmun.

Luke 9:57

Tavra iglaupkaqtillugich, iñuum uqallautiŋagaa, Maliġuaġniaġikpiñ sumulliqaa aullaġuvich.

John 13:1

Tavra sivuani niqinaqivian Itqautim Qulaurrusiqiviŋmun, Jesus iḷitchuġiŋaruq ikarraq tikisilaaŋanik aullaġviksrani mattumaŋŋa nunamiñ Aapamun. Aasii ilaan piviuttaġivlugich nanmiñiq piñi nunamiittuat piviuttaġiŋagai isuanun-aglaan.

John 16:28

Qaiŋaruŋa Aapamiñ aasii nunamukłuŋa. Qimaaqsiḷgitkiga nuna utiqsaqłuŋa Aapamun.

John 16:5

Aasiuvva paŋmapak aullaaqsiruŋa tilirimnun, nallivsiunnii apiġiŋiñmigaaŋa sumuaqsimmagaaġma.

John 17:11

Aasii paŋmapak nunamiinŋaigaqsiruŋa, aglaan iliŋich nunamiittut, aasii ullaaqsigikpiñ. Piḷuutaitchuatiin Aapa, qaunagikkich ilivich suaŋŋatipkun iñuich qaisatin uvamnun, atautchisun itqulugich atausiŋŋuummatiptiktun.

John 6:62

Qanuq aasii piñiaqpisi tautuaqsiguvsiuŋ Iġñiŋa mayuqtuaq irvigiŋaramiñun sivuani?

Acts 1:2

uvlumun-aglaan mayuurrauvianun qiḷaŋmun. Mayuurrauŋaiñŋaan Ilitqusiġiksuam suaŋŋasiŋagaa piraksriiyumiñaqsivḷugu iñuŋnun piksraqtaaġiŋaraŋiñun tilisukługich.

Acts 1:9

Tavra taapkuniŋa uqautianikkamigich takunnaqtillugich, ilaa mayuurrauŋaruq qiḷaŋmun, suli nuvuyam tautugnaiqsinŋagaa ilaiññiñ.

Ephesians 1:20

Taavrumuuna kamanapiaġataqtuakun suaŋŋatikun God-im aŋipkaŋagaa Christ tuqqunmiñ, aasii aquvitiłługu kamanaqsipkaqtauviŋmun ilaan taliqpiata tuŋaanun qiḷaŋmi.

Philippians 3:14

Aqpaliurraqtitun siġġaqiruŋa sivunmun tikitqaurraqługu killi, akiññaktaaġisukługu iñuuniksraq paŋmani. Taamna pisigivlugu God-im ququaŋagaaŋa Christ Jesus-kun.

1 Timothy 3:16

Kialiqaa piiḷaaġiyumiñaitkaa qanutun kamanaġniŋa kaŋiqsiñaiñŋaruam ukpiġikkapta. Christ qiñiġnaqsiŋaruq timiqaqłuni iñuktun, iḷumun inniŋagaa Ilitqusiġiksuam, tautuŋagaat isaġulgich. Ilaa alġaqsruutauŋaruq akunġanni nunauruat, ukpiġiŋagaat iñuich, mayuurrauŋaruq qiḷaŋmun.

Hebrews 12:2

qiñiġlugu Jesus aullaqisaaguruaq naamasiriŋalu ukpiġutipta. Pisigivlugu quviasuun akiḷiusiaksrani, igḷutuŋagaa tuqqun aŋarraurami, sugiŋaiqł̣ugu kanŋusaaġun, aasii aquvititauŋaruq taliqpiata tuŋaanun God-im qiḷaŋmi.

1 Peter 3:22

Aasii paŋmapak Christ qiḷaŋmiittuq aquppivḷuni kamanaqsipkaqtauruam inaani taliqpiata tuŋaani, God-im atanniqsimavlugich iluqaisa isaġulgiḷḷu, qiḷaŋmiittuallu ataniġnaqutit, suaŋŋatillu.