Luke 9:5 - Iñupiatun Mumiksat Uqalugiksuat

⁵ Suli sumipayaaq tukkuliŋitpasi, aullaġuvsi taavrumaŋŋa nunaaqqimiñ, ivsuktuġumagiksi avyuq isigavsiññiñ kiliksaġlugich killuliqitilaaŋannik.

Luke 9:5 Iomraidhean Croise

Matthew 10:18

Suli pisigiluŋa qaġġirrauniaqtusi sivuġaŋiññun kavanauruat umialgiḷḷu, uqaqulusi tusaayugaaġiksuanik inmiŋnun Jew-guŋitchuanullu.

Mark 6:11

Aasii iñuich paġlaŋitpasi naalaġnisuŋitpatigiglu uqalusi, qimakkisigiksi taamna ini aasii piiyaġlugu avyuq isigavsiññiñ. Taamna kilgutauniaqtuq ilaiññun pisuŋisilaaŋanik tusaayugaaġiksuaq.

Mark 9:37

Iñuum paġlakpauŋ miqłiqtuuraq uvaŋa pisigiluŋa, uvaŋa paġlagaaŋa. Kialiqaa paġlakamiŋa uvaŋałhiñaq paġlaŋitkaaŋa aglaallu tilisiŋaruaq uvamnik.

Luke 10:16

Tavra Jesus uqallautiŋagai iḷitchitqurani, kialiqaa naalaġnigumisi naalaġnimmigaaŋa. Suli kialiqaa pisuŋitchuam ilivsiññik pisuŋiñmigaaŋa. Aasiisuli kialiqaa pisuŋiññamiŋa, pisuŋiñmigaa tiliriga.

Luke 5:14

Tavra Jesus uqaullaapiaŋagaa quliaqtuaquŋił̣ł̣ugu kimulliqaa, aglaan uqallautivlugu, Aŋaiyyuliqsiqpaŋmugiñ qanuqitilaaġiaġlutin, aasii aitchuiḷutin ikipkautinik Moses piraksriutiŋiñik, ukpiġnaqsisaaġlugu paŋmapak salumasisilaan.

Luke 9:4

Suli kisumulliqaa iglumun tukkuliqpasi, tavraniitchumausi, aullaġnivsiññunaglaan.

Luke 9:48

Aasii uqallautiŋagai, Kialiqaa paġlakpagu piaqłuktaŋiḷḷugu una miqłiqtuq uvaŋa pisigiluŋa, paġlagaaŋa uvaŋa. Aasiisuli kialiqaa paġlagumiŋa paġlammigaa tiliriga. Iñuk kamasaaŋiññiqsrauruaq iluqavsiññiñ kamanaġniqsrauruq.

Acts 13:51

Tavra piiyaŋagaak nunam avyua isigagmiŋniñ kiliktuutausaqługu ilaiññun ayyaiñiŋatigun, aasii aullaqłutiŋ Iconium-mun.

Acts 18:6

Tavraasii akiḷḷiḷiqsuġmanni uqamaqłuutivluniḷu, ilaan ivsuktuŋagai annuġaani aasii uqallautivlugich, Annaurrauŋitkuvsi ilivsiññik pasiruksraurusi. Uvaŋa patchisauŋitchuŋa. Paŋmapaŋmiñ alġaqsruiñiaqtuŋa Jew-guŋitchuanun.