Luke 9:44 - Iñupiatun Mumiksat Uqalugiksuat

⁴⁴ ukua uqaluich piiguġnagich uqautigikkatka ilivsiññun, qanuq Iġñiŋa Iñuum aitchuutauniaqtuq iñuŋnun tuqutqulugu.

Luke 9:44 Iomraidhean Croise

Acts 2:23

God-im ilaan pisuutigivlugu, iḷisimavluniḷu, sivunniutianiŋagaa Jesus aitchuutautquvlugu ilivsiññun. Aasii ilivsi tuqunŋagiksi, piḷuusiqirinun kikiaktuutipkaqługu aŋarrauramun.

Luke 9:22

Tavra ilaan uqallautiŋagai, Iġñiŋa iñuum nagliksaaqtuksrauruq atqunaq, suli umialiŋnallu aŋaiyyuliqsiqpaiḷḷu iḷisaurriḷḷu pitquranik pisuŋiññiaġaat suli tuqutauluni. Aasii aŋipkaqtauniaqtuq uvluk piŋayuaŋni.

Hebrews 2:1

Tavra tamatkua ukpiġiŋakkavut naalaġnimmaġiksaapiagaksraġigivut taapkunaŋŋa tusaagayukkaptiŋniñ asiñuurrauŋitchumaugut.

Luke 2:19

Mary-vḷiasii itqaumagiŋagai isumalaaġutigivlugich iluqaisa piruat.

John 19:11

Jesus kiuŋagaa, Ataniġnaqutiqaġumiñaitkaluaqtutin qanuġumiñaġluŋa aitchuusiaġiŋisuaġupku ilivich God-miñ. Tavra taamna iñuk aitchuutiginniktuaq uvamnik iliŋnun piḷuusiqiłhamaaqtuq.

John 16:4

Aasiuvva tamatkua uqallausiġiŋagitka ilivsiññun, taimña piviksraq tikitpan, itqaquvlugich uqalutka ilivsiññun. Uqautiŋaitkivsi tamatkuniŋa isuaniñqaŋa, qanuq uvaŋa nayuqłusi.

Luke 24:44

Tavrani ilaan uqallautiŋagai, Tamarra uqalutka uqautigiŋaratka ilivsiññun nayuŋŋavsi, supayaat aglausimaruat uvapkun pitqurani qaisauŋaruani Moses-kun, uqaqtiŋisigullu God-im, Psalms-niḷu nalauttuksraupiaġnivḷugich.

Luke 18:31

Tavra asivaqtaaġutivlugich qulit malġuk iḷitchitqurat, Jesus uqallautiŋagai, Uvva, Jerusalem-muksaaqsirugut, aasii supayaat uqaqtiŋisa God-im aglaaġiŋaraŋich Iġñiŋagun iñuum nalautitauniaqtut.

Luke 2:51

Tavra Jesus utiqatigiŋagik Nazareth-mun. Suli kamakkutiqaŋaruq iliŋiŋnun, aasiiḷi aakaŋan tamatkua iluqaisa itqagiŋagai.

Luke 1:66

Tavra iluqaġmiŋ tusaaruat tamatkuniŋa piiguitkaaġiŋagaich, uqaurrutiŋarut avanmun, Qanutun aliuġnaqtiginiaqpa una miqłiqtuq. Qanuq nalunaiñŋaruq Ataniġmun itqatigitilaaŋa.

Mark 9:31

qanuq iḷisautiŋagai iḷitchitqurani, suli uqallautiŋagai, Iġñiŋa Iñuum aitchuutauniaqtuq iñuŋnun, aasii tuqunniaġaat. Tuqutauganikkumi, ilaa aŋiñiaqtuq piŋayuagni uvluk.

Mark 8:31

Tavra Jesus iḷisautirraqsiŋagai iḷitchitqurani, Iġñiŋa Iñuum nagliksaaqpaktuksrauruq, pisuŋiññiaġaallu Jew-guruat atanauraŋisa, aŋaiyyuliqsiqpaiḷḷu, iḷisaurriḷḷu pitquranik. Aasiisuli tuqutauluŋa, piŋayuagniasii uvluk aŋiḷuŋa.

Matthew 26:2

Iḷisimarusi uvluk malġuk pianikpaŋnik Qulaurrusiqiviŋmun itqaun tikiññiaqtuq, aasii Iġñiŋa Iñuum aitchuutauniaqtuq kikiaktuurrautqulugu aŋarrauramun.

Matthew 16:21

Tavraŋŋaaglaan Jesus iḷisautirraqsiŋagai iḷitchitqurani aullaqtuksraupiaġnivḷuni Jerusalem-mun aasii nagliksaaġutiqaġluni iñugiaktuanik umialiŋnaŋiññiḷḷu Jew-guruat aŋaiyyuliqsiqpagniḷḷu iḷisaurriñiḷḷu pitquranik, aasii tuqutauluni, aasiisuli uvluk piŋayuanni aŋipkaqtauluni.

2 Samuel 24:14

David-gum kiugaa, “Siġġaġnamiittuŋauvva! Aglaan tatavsaqtausuŋitchuŋa iñugniñ. Atanġum ilaata tatavsaġlisigut, qanukkii nakliksrauturuq.”

John 16:31

Jesus kiuŋagai, Paŋmapak ukpiliqpisi?