Luke 9:41 - Iñupiatun Mumiksat Uqalugiksuat

⁴¹ Jesus uqallaŋaruq. Qanutun ukpiġutaisigirusi killukuaqtigirusiḷu. Qanutun sivisutigiruamik nayuġniaqpisi igḷutuġlusiḷu? Qaġġitchuuŋ iġñiġiñ uvuŋa.

Luke 9:41 Iomraidhean Croise

2 Kings 5:8

Uqaqtaa God-im Elisha tusaagami uqalugmik, kiligiaqtinŋagaa umialik: “Summan imña annuġaatin aligaqpigich? Tilliuŋ aŋun uvamnuqulugu, aasii iḷitchuġipkaġumagiga God-im uqaqtiŋa Israel-miitilaaŋanik!”

Psalms 78:8

Irrusiqaġniaŋitchut maŋŋuumiktitun, sivunmuusuuruatitun suli paaqłaktaġuuvlutiŋ, uummatimigni iḷumutuuviuraġlutiŋ inŋaitchut God-mun ukpiġunmigmi tunŋaviuraŋaitchuatun ilaanun.

Exodus 10:3

Tavra Moses-lu Aaron-lu Pharaoh-muŋaruk aasii uqallautivlugu, “Ataniq, God-iŋat Hebrew-guruat, innaqtuq, ‘Qanutuaglaan imña kamaksrisiqaġniaŋitpich uvamnun? Aullaqtitkich iñugiratka, nanġautiqaġumaut uvamnun.

Exodus 16:28

Tavraasii Atanġum uqallautigaa Moses, “Qanutun imña sivisutigiruamik ilivsi iñuit kamaginiaŋitpisigik piraksriutitka?

Numbers 14:11

Ataniq uqallaktuq Moses-mun, “Qanutun imña sivisutigiruami pisaaŋŋatikun aŋalanniaqpanŋa ukua iñuich? Ukpiġutiqaġugniaŋitpat uvamnun qanutun sivisutigiruami, savaŋagaluaqtilluŋa aliuġnaqtuanik akunġanni iñugiaktuanik?

Numbers 14:27

“Qanutun imña sivisutigiruami ukua piḷuusiqirich iñuich uqamayugniaqpat akiḷḷiġiluŋa? Tusaġnaġisugruanikkitka uqamayuutiŋich!

Matthew 11:28

Iluqasi uqumaiḷḷiraqtuasii uŋiarrisaġivlugich piḷuutisi akuqtuqtauniksraqsiḷu God-mun, qaisitchi uvamnun unaŋuiqsiqsitchumagivsi.

Matthew 12:39

Tavra ilaan kiugiññaŋagai, Qanutun pigiisigirut god-aitchuat makua iñuich savaquriruat uvamnik aliuġnaqtuanik. Aliuġnaqtuatualuk savaaguniaqtuaq piñiaqtuq Jonah-tun uqaqtiŋatun God-im.

Matthew 12:45

Tavraasii aullaqłuni qaġġirriruq tallimat malġugnik allanik ilitqusiqł̣ugnik pigiił̣haaqtuanik inmiñiñ, aasii isiqłutiŋ iñuuvigiaqsivḷugu. Tainna pimmata, iñuk taamna pigiiḷił̣haaŋaruq aqulliġmi sivulliġmiñ. Tainnaġniaġmiusi pigiitchuasii iñuuruasii paŋmapak.

Matthew 16:4

Qanutun pigiisigirut god-aitchullu iñuich, makua savaquriruat uvamnik aliuġnaqtuanik. Aliuġnaqtuatualuk savaaguniaqtuaq piñiaqtuq Jonah-tun uqaqtiŋatun God-im. Tavra ilaan qimaŋagai aasii aullaqłuni.

Matthew 17:17

Tavra Jesus kiuŋagai, Qanutun uvva ukpiġutaisigirusi killukuaqtigivlusiḷu iñuich. Qanutun sivisutigiruamik nayugaksraġivisi ukpiliġataqtillusi? Qanutun igḷutugaksraġivisi? Qaġġitchuuŋ nukatpiaġruk uvamnun.

Matthew 23:36

Iḷumun uqallautigivsi, tamatkunuuna iluqaisigun tatavsaqtauniaqtusi ilivsi iñuuruasii paŋmapak.

Matthew 3:7

Tavra iḷitchuġikamigich iñugiaktuat Pharisees Sadducees-lu paptaiqsauyyaqtuat, ilaan uqallautiŋagai, tuqunaliktun nimiġiatun ittusi, pisaasuqtusi. Isumanasi paptaiqsaugiññaġlusi pillugniaġasugalugu God-im tatavsautaa.

Mark 10:14

Aasiiḷi Jesus iḷitchuġikamiuŋ taamna, iviġaumaiñŋaruq atqunaqłuni, aasii uqallautivlugich, Miqłiqtuurat qaipkaqsigik uvamnun, suli pitquŋiññagich. Tainnaiḷiŋaruat God-im atanniqsimagai.

Mark 10:49

Tavra Jesus nutqaqłuni qikaŋaruq, aasii iñuich uqallautivlugich, qaitqusiuŋ. Tavra ququaŋagaat ayauŋaruaq uqallautivlugu, Quviasugiñ. Makittin. Qaitqugaatin.

Mark 9:19

Jesus uqallautiŋagai, qanutun uvva ukpiġutaisigirusi iñuich. Qanutun sivisutigiruamik nayugaksraġivisi ukpiliġataqtillusi? Qanutun igḷutugaksraġivisi? Qaġġitchuuŋ nukatpiaġruk uvamnun.

Luke 8:25

Jesus uqallautiŋagai iḷitchitqurani, Ukpiġutaipiaqtusiimña. Tavra taluqsratchaŋarut, suli kamanniuqłutiŋ uqaurrutiŋarut avanmun, Uvvauna kiuva? Anuġivlu immavlu kamagillaniġaak.

Luke 9:40

Qiññuaġvigiŋagaluaġitka iḷitchitquratin anitquvlugu ilitqusiqł̣uk, aasii anilaiñŋagaat.

Luke 9:42

Qaisaġniaqtillugu, ilitqusiqł̣uum iqł̣ataġiŋagaa nukatpiaġruk qiiqsruqtiłługulu. Tavra Jesus suaŋagaa ilitqusiqł̣uk. Aasii iłuaqsikamiuŋ nukatpiaġruk, qaitqikł̣ugu aapaŋanun.

John 14:9

Jesus uqallautiŋagaa, Itqatigiŋagaluaġikpiñ sivisuruamik, naluviŋa suli Philip? Iñuum tautuŋaruam uvamnik tautuŋammigaa Aapa. Qanuġlutin uqallakkumiñaqpich, tautuktittigut Aapamik?

John 20:27

Tavraasii ilaan uqallautiŋagaa Thomas, Iḷḷiuŋ argaiñ uvuŋa suli tautukkich argatka, isaaġutilugiḷḷu argaktin aasii iḷiḷugich saniqsumnun. Arguasuŋaiġiñ aglaan ukpiqsimaaġiñ.

Acts 13:18

Aasii malġukipiani ukiuni iglaummata nunagluktuami, ilaan igḷutuŋagai.

Acts 2:40

Peter-m piyumasaapiaŋagai allaniglu uqaluŋnik, siḷġiqsuqługiḷḷu, uqaqłuni, Annaksaġitchi tatavsausiaksrautaanniñ ukua piḷuktuat iñuich.

Romans 2:4

Isumaruksrauŋitchutin God suaŋaiññasugalugu qanutun manimmiḷgutigimmatin tatavsalaisaaqłutin. God-im qiñuirrutigaatin piaqłuktaŋitkaatillu isumalitqiquvlutin.

Deuteronomy 32:5

Ilivsiḷi aglaan uvva ukpiġnaitchusi, nalliummatiŋitchusi iñuginiaqpasi, piḷuktuaguvlusi pisaasuġmiaqtuaġuuruasii nunaat.

Hebrews 3:19

Tavra iḷitchuġirugut iliŋich isiġumiñaiñŋaniqsut ukpiġutaił̣ł̣utiŋ.

Hebrews 4:11

Tavraasii isiġniḷupiaqta taavrumuŋa unaŋuiqsiġviŋmun, nalliqputunnii suksraunġiŋitchumauq tuvrautiluni tainnatchimun ukpiġutairrunmun.

Hebrews 4:2

Qanuq tusaayugaaġiksuat tikiutiŋammiut uvaptiŋnun tainnatupiaġataq ilaiññun tikiñmatun, aglaan tusaakkaŋata anniqsuŋaitkai, qanuq ukpiġiŋaitkaat.

Hebrews 7:25

Tainnaiłłuniasii ilaan ataramik annautiyumiñaġai tamatkua qalliḷaaqtuat God-mun inmigun, qanuq iñuuruq ataramik qiññuaqtuutisukługich God-mun.