Luke 9:16 - Iñupiatun Mumiksat Uqalugiksuat

¹⁶ Tavra tiguvlugich tallimat punniġich malġuglu iqalluk, Jesus qiviaŋaruq qiḷaŋmun, aasii quyyavigivlugu God. Aasii avguqqaaqługich aitchuutigivlugich iḷitchitquranun niqłiqsuutigitquvlugich iñusalaŋnun.

Luke 9:16 Iomraidhean Croise

Matthew 14:19

Tavra ilaan piraksriŋagai iñusalaich aquvitquvlugich iviŋnun, aasii tiguvlugich tallimat punniġich malġuglu iqalluk aaġluŋaruq qiḷaŋmun, aasii quyyavigivlugu God. Tavraasii avguqługich aitchuutigiŋagai punniġich iḷitchitquranun, aasiiḷi iḷitchitqurat aitchuutigivlugich iñusalaŋnun.

Matthew 15:36

Ilaan tiguŋagai tallimat malġuk punniġich iqaluiḷḷu, aasii quyaanikami God-mun avguqługich qaiñŋagai iḷitchitquranun, aasiiḷi iḷitchitqurat qaił̣ł̣ugich iñusalaŋnun.

Mark 7:34

Tavra aaġluqłuni qiḷaŋmun, Jesus aniqsaapaŋaruq aasii uqallautivlugu, Ephphatha, sivuniqaqtuamik, aŋmaġiñ.

Luke 22:19

Jesus tiguŋagaa punniq, aasii quyaanikami God-mun, aviŋagaa aitchuutigivlugu ilaiññun uqallakłuni, Tavra taamna timiga aitchuutauruaq ilivsiññun. Taamna pisiuŋ itqaummatigilugu uvamnun.

Luke 24:30

Tavra Jesus niġiqatigisaaqsikamigik, tiguŋagaa punniq aasii aŋaiyyuqqaaqłuni aviŋagaa punniq, aasii aitchuutigivlugu iliŋiŋnun.

Luke 9:15

Tavra aquvitinŋagaich iluqaisa.

Luke 9:17

Tavra iluqaġmiŋ iñuich niġiŋarut niqinŋuqłutiŋ. Aasii iḷitchitqurat katinŋagaich iḷakut, qulit malġugnun aguummaŋnun.

John 6:11

Tavra Jesus tiguŋagai punniġich, aasii quyaanikami God-mun, autaaŋagai aquppiruanun, tainnatun suli iqalluk, qanutun niġisuktilaaŋatiktun.

John 6:23

Aasiivsauq allat umiaqpaurat Tiberias-miñ nunaliñŋarut qaniŋanun inim niġġivigiŋaraata iñuich punniġnik Atanġum quyyatiŋaraiññik.

Acts 27:35

Taamna uqallausiġianikamiuŋ, Paul-gum tiguŋagaa punniq, aasii quyyavigiqqaaqługu God takkuanni, avikługu niġirraqsiŋaruq.

Romans 14:6

Iñuich aŋaiyyuruat Ataniġmun nalunaiqsauruani uvluni, aŋaiyyurut nanġaġukługu Ataniq. Iñuich niġiḷḷaruat qanusipayaanik niqinik, niġirut iviġagniaqługu Ataniq, qanuq quyyavigigaat God niqitiŋ quyyatigivlugich. Aasiivsauq iñuich niqiqaqtuat naurianik kisiŋiññik, niġimmiut iviġagniaqługu Ataniq, qanuq iliŋisa quyyavigimmigaat God niqimikkun.

1 Corinthians 10:30

Niġiḷḷaanigniġuma supayaamik quyyatigiŋakkamnik God-mun, summan iñuich pasiñiaqpanŋa niqitigun niġikkapkun?

1 Corinthians 11:24

aasii quyyatigiqqaaqługu God-mun, ilaan avguŋagaa aasii uqallakłuni, Tavra taamna ittuq timiptun aitchuutigikkaptun tuqqutivlusi. Tainna pisiuŋ itqautigilugu uvamnun.