Luke 8:6 - Iñupiatun Mumiksat Uqalugiksuat

⁶ Aasii iḷaŋich nautchiaksrat kataŋammiut uyaġauruanun nunamun, aasii naummata panaqłuŋagai, qanuq nuna paliumavluni.

Luke 8:6 Iomraidhean Croise

Luke 8:13

Allalli iñuich ittut nautchiaksratun kataktuatun uyaġauruamun nunamun. Tusaapqauraqamirruŋ uqaluk, quyyatigivlugu akuqtuġaat. Aglaan akuqtuaġiŋiññiġaat uqaluk naamasiḷugu tuniqsimmatiksraqtiŋ, nautchiaksratun maŋŋuqavigruaŋitchuatun iłłutiŋ. Ukpiliḷḷakkaluaqłutiŋ uuktuaġusiat qaimmata nikatchaktut aasii qapiqłutiŋ.

Luke 8:5

Nunaliqiri aullaŋaruq kanġaqsruiyaqtuqłuni nautchiaksranik palauvaksraġuġniaqtuanik. Kanġaqsruimman nautchiaqaġviŋmun, iḷaŋich kataŋarut apqutinun, aasii iñuich tunmalugiŋagaich, tiŋmiaġruiḷḷu qaivḷutiŋ niġiŋagaich.

Luke 8:7

Aasii iḷaŋich nautchiaksrat kataŋarut kakiḷḷaġnaqtuat nauruat akunġannun, aasii kakiḷḷaġnaqtuat nauqasiqł̣ugich nautchiaksrat nagguviksraiñŋagaich.

Hebrews 3:15

Uqallautauŋamman Bible-ni, “Uvlupak, tusaaguvsigik pitquraŋi, uqaqsiġiiḷiñasi taipkunatun iñuktun paaqłaŋaruatun.”