Luke 8:2 - Iñupiatun Mumiksat Uqalugiksuat

² Suli iḷaŋisa aġnat kukiḷuqatigiŋammigaat iłuaqsirauŋaruat iḷitqusiqł̣uŋniñ suaŋairrutiniḷḷu. Iḷagiŋagaat Mary, tairauruaq Magdalene, ilitqusiqł̣uiqsauŋaruaq tallimat malġugnik,

Luke 8:2 Iomraidhean Croise

Matthew 4:24

Tavra Jesus tusaaŋagaat aliuġnaġniŋa siamiłłuni iluqaiññun nunaaqqiŋiñun Syria-m. Aasii iñuich qaġġirriŋarut ilaanun iluqaiññik naŋittuanik, tamatkuniŋa nagliksautiqaqtuanik qanusiḷimaanik naŋirrutinik kiiqsiuġutiniglu, iḷitqusiqł̣uqaqtuallu, qiiqsruġuuruallu, avatiŋiḷḷu tuquŋaruat, aasii ilaan iłuaqsiŋagai iluqaisa.

Mark 16:1

Tavra Jew-guruat Itchaksriġmata Savaiññiŋat qaaŋiġman, Mary Magdalene Mary-ḷu aakaŋa James Salome-ḷu tauqsianiŋaniqsut tivraġiksautinik iḷuvviuġutikaanik, iḷuvviuġutigisukługich Jesus timaanun.

Mark 16:9

[Tavra Jesus aŋikami uvlaatchaurami Savaiññiġmi, niptaqqaaŋaruq Mary Magdalene-mun, ilitqusiqł̣uikkamiñun tallimat malġugnik.

Luke 23:27

Tavra iñusalaich, maliŋagaat aquagun aġnallu qiaqpakługu Jesus.

Luke 23:49

Suli iluqaġmiŋ Jesus aunniuqsimakkaŋisa, aġnallu maliktuat ilaanik Galilee-miñ, makitaŋarut taavaniqpani qiñiqłutiŋ tamatkuniŋa.

Luke 23:55

Tavra aġnat maliŋaruat Jesus-mik Galilee-miñ piqasiŋagaat Joseph, aasii tautukługu iḷuvvivik, qanuġlu Jesus timaa iḷisilaaŋanik.

Luke 8:30

Jesus tavrani apiġiŋagaa, Kiña atqiñ. Aasii ilaan kiuŋagaa, Uvaŋa atiġa Legion. Qanuq iñugiaktuat ilitqusiqł̣uich isiġmiuvigiŋagaat.

John 19:25

Tavra taamna aŋuyaktit piŋagaat. Aasiivsauq makitaŋarut saniġaani aŋarrauraŋan Jesus, aakaŋa, aakaŋallu aniqataa, Mary-ḷu nuliaŋa Clopas, Mary-ḷu Magdalene.

Acts 1:14

Taapkua iluqaġmiŋ katitkayuŋarut aŋaiyyuqatigiikł̣utiŋ akulaił̣ł̣ugu, piqatigivlugich aġnat, Mary-ḷu aakaŋa Jesus, aniqatiiŋiḷu.