Luke 8:13 - Iñupiatun Mumiksat Uqalugiksuat

¹³ Allalli iñuich ittut nautchiaksratun kataktuatun uyaġauruamun nunamun. Tusaapqauraqamirruŋ uqaluk, quyyatigivlugu akuqtuġaat. Aglaan akuqtuaġiŋiññiġaat uqaluk naamasiḷugu tuniqsimmatiksraqtiŋ, nautchiaksratun maŋŋuqavigruaŋitchuatun iłłutiŋ. Ukpiliḷḷakkaluaqłutiŋ uuktuaġusiat qaimmata nikatchaktut aasii qapiqłutiŋ.

Luke 8:13 Iomraidhean Croise

Makpiġaaŋa Job-gum 19:28

“Qanuq aasii nagliksaaqtillakput?” Ivaqłiŋarusi patchisiksravsiññik akiḷḷiqsruġukłuŋa.

Proverbs 12:12

Pigiiḷḷiqirauruat iñuich ivaqłiasiññaġuurut pigiitchualiqisukłutik, aglaan nalaunŋaruaguruat tuniqturut.

Proverbs 12:3

Pigiitchualiqiniq tuniqsimmataitchuq, aglaan nalaunŋaruat iñuich tuniqturut.

Mark 6:20

Qanuq Herod-gum John sivuuġagiŋagaa, iḷisimavluni iñulluatautilaaŋanik suli nalaunŋavluni iñuk, piyaqquqtaiḷiŋagaa. Herod-gum John naalaġniḷḷatuŋagaa tutqiiḷiqpaguugaluaŋŋaġmi naalaktuapayauraqamiuŋ.

Luke 8:12

Nautchiaksrat iḷaŋich kataŋmatun apqutinun, tainnatuttauq iñuich iḷaŋich tusaaruat uqaluanik God-im siqquqsimmiraqtut. Tuunġaum qaivḷuni, piiguipkaġai tusaakkaŋannik, ukpiġlutiŋ annaurrautquŋił̣ł̣ugich.

Luke 8:14

Allalli iñuich ittut nautchiaksratun kataktuatun akunġannun kakiḷḷaġnat nauruat. Tamatkua iñuich tusaagaluaqtuat uqaluŋmik, uŋiarrisit mattumuuna iñuuniaġnikun, piviuttaqsriñġuvlu suġaliġnik, aliasuŋisaaġutiniglu nagguviksraiġaat uqaluk, aasii iliŋisa iñuusiŋich allaŋŋuqtauŋił̣ł̣utiŋ.

John 15:2

Qisiqsiutipayaaq uvamniittuaq siiġñiḷaiñman, ilaan piiġaa. Aasii qisiqsiutipayaaq siiġñisuuruaq nauyumiññaksaġuugaa siiġñivsaaquvlugu.

John 15:6

Iñuk atausiŋŋuqatauŋaitchuaq uvamnun qisiqsiutitun igitauvluni palliġuqtuatun ittuq. Palliich qisiqsiutit katitchuugaich aasii igiłługich igniġmun aasii ikirauvlutiŋ.

John 5:35

John inŋaruq ikualaruatun qaummaġiksuatullu qulliqsun, aasii quviasuutigillakkaluaġiksi qaummaŋa.

1 Corinthians 13:2

Suli aitchuusiaqaġmiguma uqaqtauniġmik God-mun, kaŋiqsiḷḷalugich iluqaisa sivuani kaŋiqsiḷaisaŋich iñuich iḷisimaluŋa supayaanik, naaggaqaa suaŋapiaġataqtuamik ukpiġutiqaġaluaġuma nuktallalugich iġġich aasii piviuttaqqutaiḷḷuŋa iñuŋnun, anniqsuutauŋitchuŋa.

1 Corinthians 15:2

Annaurrauyumaaqtusi ukpiġituiññaġuvsigik taapkua tusaayugaaġiksuat, aglaan annaurrauyumiñaiñmiusi iḷumun ukpiŋisuaġuvsi.

Galatians 3:1

Ilivsi isumalaaŋitchuasii Galatians, kia alapititpasi? Uqaluuruat kikiaktuurrauniŋagun Jesus Christ nalunaipiaqługich alġaqsruutauŋagaluaqtut ilivsiññun.

Galatians 3:4

Nalupqinaitchuamik, iluqaġmiŋ nagliksaaqtirrusiasi piuŋiḷauŋaitchut.

Ephesians 3:17

iḷisimanaġumauq Christ iñuutilaaŋa uummativsiññi sivisutilaaŋatun ukpiqsimaaġnivsi. Aŋaiyyummiuŋasuli piviuttaqsriqpaktuagukavsi, kaŋiqsiyumiñaquvlugu piqatigilugich iluqaisa ukpiqtuat iḷitchuġilugu uummativsiññiñ,

Colossians 1:23

Aglaan ukpiŋaiqsuksrauŋitchusi, ukpiġutiqaġitchi suaŋapiaqtuamik, tuniqsimaruamik, suli niġiugiŋaiġñagu annaurrauniksraqsi taŋŋiqsauniaqtilaaŋanik tusaaŋakkavsisun tusaayugaaġiksuakun. Taamna tusaayugaaġiksuaq alġaqsruutauŋaruq iñupayaamun nunamiittuamun, aasii uvaŋa Paul alġaqsruutigigiga.

Colossians 2:7

Napaaqtuq pamataummatun maŋŋuġmigun aasii nauvluni qunmun, tainnatullisuq ukpiġurri Christ-mun suaŋasisaiññaġli tuniqsimallasiḷusi, quyagiqpaglugich supayaurat ilaan piŋaraŋi. Tainna iḷisausiaqaŋarusi.

1 Thessalonians 3:5

Tavra igḷutulguiḷigaluaqapku uŋiarrisiga ilivsigun, tiliŋagiga Timothy iḷitchuġiyaqtuquvlugu ukpiġutivsiññi qapiŋaitkaluaġmagaavsisuli, piŋiksraqłuŋa iḷaanni qanutchikun Tuunġaġmun killuqsaqtinniaġasugalusi, aasii uvagut siġġaqutikput alġaqsruikapta ilivsiññun anniqsuutauŋaiġñiaġasugalugu.

1 Timothy 1:19

ukpiġnaqtuagulutin savaaġikkaġni, suli iñuullasiḷutin naġġutchaktaġnaitchuakun isumaŋni. Iñuich iḷaŋich tainna iñuuŋitchut aglaan pisaaġiugaqsiññaqłutiŋ sunik iḷisimagaluakkaġmiŋnik piḷuusiqutautilaaŋannik, aasii ukpiġutaiqsivḷutiŋ inmiŋnik.

Hebrews 10:39

Aglaan ami uvagut iḷaliqsuutiŋitchugut tamatkunuŋa tununniktuanun Ataniġmik aasii suksraunġiqsauvlutiŋ, aglaan iḷaurugut tamatkunuŋa ukpiqsimaaqtuanun aasii annaurrauvluta isuitchuamun.

James 2:26

Tavra timitun tuquŋaruatun ilitqusiq piiġman timimiñ, tainnatun ukpiġun tuquŋammiuq anniqsuiñiaŋiññami.

2 Peter 2:20

Qanuq iñuich pilluaniŋaruat tuqqutauyumiñaqtuaniñ nunam iñuŋisa piḷġusiŋiññiñ, iḷitchuġikamirruŋ Ataniqput Annaurrikpullu Jesus Christ, inataulutiŋ aŋalatitqiaqsigumiŋ piḷġusiġiitchuanun, aqulliq irrusiġiliutikkaŋat piaġiił̣haaġniaqtuq sivulliġmiñ irrusiqqaaŋanniñ.

2 Peter 2:22

Tainnaasii pikamiŋ piut iḷumutun uqalugaam uqallautaatun inna, “Qimmiq utiqtuq miġiaŋakkaġmiñun,” suli “Tuttuqłuk iqaġiuraanigniakkaŋat utiqsiññalgitchuq aksraligiaqłuni aqayamun.”

1 John 2:19

Tamatkua iñuich piqataupiaġlutiŋ uvagut iñuptiŋnun piŋaitchut, aasii tainnaiłłutiŋ qimautiŋarut uvaptiŋniñ. Piqataupiaġumiŋ uvaptiŋnun, nayuġumiñaŋagaluaġaatigut. Tavra qimaŋagaatigut iḷisimanammaġiksitquvlugu nalliat unnii piqataupiaŋisilaaŋanik uvaptiŋnun.

Jude 1:12

Tainnatchich iñuich piġuaqtaġniqtun ittut niġiqatigiigñivsiññi kanŋunaqsivḷugu suurimmaanġiqł̣utiŋ. Sunapayaaq qaunagiŋaiqł̣ugu aglaan inmiŋnun kisian qaunagivlutiŋ. Nuvuyyaqłuktun ittut anuġim tiŋitaŋisun sialuguġniaġmiñaniḷu. Napaaqtutun ittut siiġñiŋitchuatun ukiaġataqtillugu, napaaqtutun maŋŋuaqługich nutchuktatun aasii tuqulipiallakłutiŋ.