Luke 8:10 - Iñupiatun Mumiksat Uqalugiksuat

¹⁰ Jesus kiuŋagai, God-im kaŋiqsipkaŋagaa ilivsiññun kaŋiqsiñaiñŋaruaq sivuani atanniqsimmatini iñuŋnun, aglaalli allat iñuich tusaqsraġigaat uuktuutitigun, qiñiġaluaqłutiŋ iḷisaqsriḷaitquvlugich, suli naalaġnigaluaqłutiŋ, kaŋiqsiḷaitquvlugich.

Luke 8:10 Iomraidhean Croise

Psalms 25:14

Ataniq avilaitqatauruq inmiñik kamaksriruanun tunulliḷiqsuqługulu sivunniuġutini iliŋiññun.

Matthew 11:25

Tavrani Jesus uqallaŋaruq, Quyyavigigikpiñ, Aapaaŋ, Atanġuruatiin qiḷaŋmun nunamullu, iriqsimaŋakapkich iḷumun ittuat pisin isumatunasugiruaniñ iḷisimanasugiruaniḷḷu, aasii satqummiqł̣ugich iñuŋnun miqłiqtutun ittuanun.

Matthew 16:17

Jesus kiuŋagaa, Quviatchaktitaugiñ Simon iġñiŋa John, qanuq iñuum satqummiŋaitkaa iliŋnun taamna uqallautin, aglaan Aapama qiḷaŋmiittuam.

Mark 4:11

Tavra ilaan uqallautiŋagai, God-im kaŋiqsipkaŋagaa ilivsiññun kaŋiqsiñaiñŋaruaq atanniqsimmatini iñuŋnun. Aglaalli allat iñuich tusaqsraġigaat uuktuutitigun.

Mark 4:12

Tamatkua iñuich taŋŋiġaich Isaiah-m uqaluŋi Bible-ni, “Tautukkaluaqłutiŋ iḷisaqsriḷaitchut, tusaagaluaqłutiŋ kaŋiqsiḷaitchut; Kaŋiqsiñiġumiŋ, saannasugalutiŋ God-mun, aasii ilaan suliqutigiŋaiġḷugich itqaumayumiñaiġḷugich piḷuutiŋich.”

John 12:40

“God-im ayaupkaġmatun piŋagai. Ilaan sivuniqsiḷguiḷiŋagai isumaŋich, iḷisaqsriḷḷaiqł̣ugich tautukkamiŋnik puttuqsriḷḷaiqł̣ugiḷḷu isumaŋich, aasii saallutiŋ uvamnun iłuaqsitqulutiŋ.”

Romans 16:25

Qaitkivsi God-im munaqqutaanun, suaŋasiḷaaġiḷḷaruamun ukpiġutivsiññik nalaułługu tusaayugaaġiksuat uqautaat, uvaŋa uqausivsun ilivsiññun. Taamna tusaayugaaġiksuaq Christ-kun kaŋiqsiñaiñŋaruaq aippaapak.

1 Corinthians 12:11

Iluqaġmiŋ tamatkua ikayuusiat aitchuutaurut uvaptiŋnun atiruamiñ Ilitqusiġiksuamiñ atausisualuuruamiñ, aasii autaaqługich atausiullaavluta uvaptiŋnun, aitchuutit isummatigikkani pigiraksraġivlugich uvaptiŋnun.

Deuteronomy 29:4

Aglaan uvva uvlupagmuaglaan puttuqsripkaŋaitkaasi nalautchaaŋaravsiññik.

Colossians 2:2

Qapiŋaisaaqtautqugitka atautchimuktitauŋammata piviuttaqqutikun avanmun. Tavra nalupqigiŋaipiaġniaġaat kaŋiqsiḷḷuataġlugulu suna God-im salapqiŋakkaŋa sivuniġivlugu Christ kaŋiqsiñaiñŋaruaq qaŋapak.

1 Timothy 3:16

Kialiqaa piiḷaaġiyumiñaitkaa qanutun kamanaġniŋa kaŋiqsiñaiñŋaruam ukpiġikkapta. Christ qiñiġnaqsiŋaruq timiqaqłuni iñuktun, iḷumun inniŋagaa Ilitqusiġiksuam, tautuŋagaat isaġulgich. Ilaa alġaqsruutauŋaruq akunġanni nunauruat, ukpiġiŋagaat iñuich, mayuurrauŋaruq qiḷaŋmun.