Luke 8:1 - Iñupiatun Mumiksat Uqalugiksuat

¹ Taavruma aquuraŋagun Jesus kukiḷuŋaruq iniqpaktigun nunaaqqiuratigullu, alġaqsruivḷuni tusaayugaaġiksuanik God-im atanniqsimmataagun iñuŋnun. Suli qulit malġuk kukiḷuqatigiŋagaat.

Luke 8:1 Iomraidhean Croise

Matthew 11:1

Tavra Jesus naatchikami iḷisaurrunmiñik qulit malġuk iḷitchitquramiñun, tavraŋŋa aullaŋaruq iḷisaurriyaqtuqłuni alġaqsruiyaqtuqłuniḷu nunaaqqiñun tamaaniittuanun.

Matthew 13:19

Iñuich tusaaruat uqaluanik God-im atanniqsimmataata aglaan kaŋiqsiŋił̣ł̣ugu, nautchiaksratun ittut kataktuatun apqutinun. Tuunġaum qaivḷuni piiguipkaġai tusaakkaŋannik.

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Matthew 9:35

Tavra Jesus kukiḷuŋaruq iluqaiññi iniqpaŋni nunaaqqiuraniḷu, iḷisaurrivḷuni aŋaiyyuviŋiññi, alġaqsruivḷuniḷu tusaayugaaġiksuaŋiñik God-im atanniqsimmataata iñuŋnun, iłuaqsivḷugiḷḷu naŋirrutipayaat suaŋairrutipayaallu.

Mark 1:39

Tavra alġaqsruiŋaruq aŋaiyyuviŋiññi iluqaani Galilee-mi, anittaqługiḷḷu ilitqusiqł̣uich iñuŋniñ.

Luke 1:80

Tavra miqłiqtuq agliŋaruq suaŋasisaiññaqłuniḷu nalaunŋarualiqiniġmun. Suli nunagluktuami iñuuŋaruq uvluanunaglaan satqummiġñiksrami Israel-guruanun.

Luke 20:1

Uvlut iḷaŋanni, Jesus iḷisaurripkaqtillugu iñuŋnik aŋaiyyuvikpaŋmi suli alġaqsruivḷuni tusaayugaaġiksuamik, aŋaiyyuliqsiqpaich iḷisaurriḷḷu pitquranik, piqatigivlugich Jew-guruat umialiŋnaŋich ullaŋagaat Jesus.

Luke 4:18

“Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

Luke 9:6

Tavra iḷitchitqurat aullaŋarut aasii iglauvlutiŋ nunaaqqisigun, alġaqsruivḷutiŋ tusaayugaaġiksuamik, iłuaqsirivḷutiglu naŋittuanik sumiḷiqaa.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

Acts 13:32

Aasii tusaayugaaġiksuanik qaġġirrigivsi tamatkua God-im unniqsuqłiisigiŋakkaŋich maŋŋuuptiŋnun piñiaġnivḷugich,

Romans 10:15

Alġaqsruirit alġaqsruiyumiñaiñmiut tilirauŋisuaġumiŋ. Alġaqsruiritigun uqaluk aglausimaruq Bible-ni inna, “Qanutun aliuġnaqtigiruq alġaqsruirit kukiḷuŋniŋat alġaqsruutigivlugu tusaayugaaġiksuaq.”