Luke 7:7 - Iñupiatun Mumiksat Uqalugiksuat

⁷ Uvva isummatigiŋił̣ł̣uŋa nalliummatiluŋa ullakkumiñaġlutin uqallaksiññaġiñ uqaluŋmik, aasii kivgaġa iłuaqsirauniaqtuq.

Luke 7:7 Iomraidhean Croise

Psalms 107:20

Uqalugmiñik piraksriivḷuni, iłuaqsiŋagaich suli annautivlugich suksraunġiunmiñ.

Psalms 33:9

Uqallagman, nuna savaaguŋaruq; piraksriimman sunapayaaq niptaŋaruq.

Exodus 15:26

Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”

Mark 1:27

Tavra iluqaġmiŋ kamanniuŋarut, kamasukpaił̣ł̣utiŋ apiqsruqtuutiŋarut ilimiŋnun, Sunauna? Nutauruaq iḷisaurrun? Ataniġnaqutiqaqłuni piraksriḷḷagai ilitqusiqł̣uich, aasii ilaisa kamagillavlugu.

Luke 4:36

Tavra iluqaġmiŋ aliuŋarut aasii avanmun uqaagaqsivḷutiŋ, Sunauna uqallaun? Qanuq sumiñ ataniġnaqutiqaqłuni suaŋŋatiqaqłuniḷu piraksriḷḷagai ilitqusiqł̣uich, aasii ilaisa kamagillavlugu.

Luke 5:13

Tavra Jesus isaaqłuni aksiuŋagaa uqallakłuni, Piyummatiqaqtuŋa. Mamittin. Tavraŋŋatchiaq kiḷḷiġruaŋi maminŋarut.

Luke 7:6

Tavra Jesus aullaqatigiŋagai. Tavra qallimman iglumun, aŋuyaktit atanauraŋata tiliŋagai avilaitqatit ilaanun, uqallautitquvlugu, Ataniiq, isumaalluksaaġnak iliŋnik, qanuq uvaŋa nalliummatiŋitchuŋa qaiguvich isiġlutin iglumnun.

Luke 7:8

Uvvaliuvaŋa ataniqaġmiuŋa atanauranik, aasii aŋuyaktiqaġmiuŋa aŋalatamnik. Uqallakama iḷaŋannun, Aullaġiñ, tavra aullaqtuq, suli allamun, Qaġġiiñ, qaimmiraqtuq, suli kivgamnun uqallakama, Una piuŋ, ilaan pisuummigaa.

Deuteronomy 32:39

“‘Uvaŋa kisimatualuk, God-auruŋa; Allamik god-aitchuq iḷumun ittuamik. Tuqupkaiḷḷaruŋa iñuggusiqsivḷuŋalu, Ikiḷḷiisuuruŋa iłuaqsirivḷuŋalu, suli kia unnii paaqłakkumiñaitkaaŋa savaapkun.

1 Samuel 2:6

Ataniq tuqutchisuuruq suli iñuguqtitchisuuruq; iñuich nunaŋanuktitchuugaich tuquŋaruat aasii utiqtinmivḷugich.