Luke 7:6 - Iñupiatun Mumiksat Uqalugiksuat

⁶ Tavra Jesus aullaqatigiŋagai. Tavra qallimman iglumun, aŋuyaktit atanauraŋata tiliŋagai avilaitqatit ilaanun, uqallautitquvlugu, Ataniiq, isumaalluksaaġnak iliŋnik, qanuq uvaŋa nalliummatiŋitchuŋa qaiguvich isiġlutin iglumnun.

Luke 7:6 Iomraidhean Croise

Genesis 32:10

Nalliummatiŋitchuŋa iluqaanun nakuuniġnun suli piŋitqataaŋiññiġnun maniraġnun uvamnun, kivgauruamun iliŋnun. Ikaaŋagiga Jordan sumik piqaŋił̣ł̣uŋa allaagun ayauppiaġiraġma, tavraasii uvva utiqtuŋa piqatigivlugich ukua malġuiguruat.

Proverbs 29:23

Arguaŋaniqpich kanŋunaqtuamun tikisinniaġaatin, aglaan qiñuitkuvich qiksiginiaġaatin.

Matthew 20:28

Qanuq Iġñiŋaunnii Iñuum qaiŋaruq kivgaqaġiaqsaŋaiqł̣uni. Ilaa qaiŋaruq kivgauyaqtuqłuni tuquyaqtuqłuniḷu tasuġukługich iñugiaktuat iñuich.

Matthew 3:11

Uvaŋa paptaiġivsi imiġmik isumalitqikavsi, aglaan imma qaiñiaqtuaq aqupkun sapiġñałhaaqtuq uvamniñ, nalliummatiŋitchuŋaunnii aluġutik saagaġumiñaġlugik. Iḷiñiaġaa Ilitqusiġiksuaq iḷuvsiññun, aasii piiġḷugu piḷuun.

Mark 5:24

Tavra Jesus piqasiŋagaa. Suli iñugaaġruich malikługu tatiŋagaat.

Luke 5:8

Tavra Simon Peter-m iḷitchuġikamiuŋ taamna, sitquŋaruq sivuġaanun Jesus aasii uqallakłuni, Aullaġiñ uvamniñ Ataniiq, qanuq uvaŋa piḷuktuaguruŋa iñuk.

Luke 7:4

Tavra tikiññamirruŋ Jesus, apiġiŋagaat kipiġnaqsivḷugu, uqaqłutiŋ, Ilaa nalliummatiruq ilivich ikayuġupku taavrumiŋa,

Luke 7:5

qanuq ilaan nakuaġipiallakkai iñuvut, suli aŋaiyyuviḷiŋagaatigut.

Luke 7:7

Uvva isummatigiŋił̣ł̣uŋa nalliummatiluŋa ullakkumiñaġlutin uqallaksiññaġiñ uqaluŋmik, aasii kivgaġa iłuaqsirauniaqtuq.

Luke 8:49

Jesus uqaġataviksillugusuli, kivgaŋa umialiŋnam igluaniñ qaiŋaruq aasii uqallakłuni, Paniiñ tuquruq. Iḷaksianagu Iḷisaurri.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

James 4:10

Kamanaiġitchi ilivsiññik sivuġaani God-im, aasiiḷi ilaan kamanaqsipkaġniaġaasi.

James 4:6

Aglaan taavrumaŋŋa kipiġniuġunmiñ suaŋałhaaqtuq God-im nagliktuutiqpakun ikayuun aitchuutaa. Taamna pisigivlugu Bible uqaluŋich uqaqtut inna, “God-im akiḷḷiḷiqsuġai kamasaaqtuat, aglaan aitchuiruq nagliktuutiqpaŋmik kamasaaŋitchuanun.”