Luke 7:47 - Iñupiatun Mumiksat Uqalugiksuat

⁴⁷ Tavraasii uqallautigikpiñ, kamanaqtuaq piviuttaqqutaa iḷitchuqqutauruq iñugiaktuat piḷuutiŋi suliqutigiŋaiqsautilaaŋannik itqaumayumiñaiqł̣ugich. Iñuk isumaruaq piḷuutiqapiaŋiññasugaluni suliqutigiŋaigaksranik piviuttaqsripiaġniaŋitchuq.

Luke 7:47 Iomraidhean Croise

Matthew 10:37

Iñuum piviuttaġiłhaaġumiuŋ aapani naagga aakani uvamniñ nalliummatiŋitchuq uvamnun, suli iñuum piviuttaġiłhaaġumiuŋ iġñini naagga paniñi uvamniñ nalliummatiŋitchuq uvamnun.

Luke 7:39

Tavra Pharisee-m aiyugaaqłiqsuam Jesus-mik taamna tautukkamiuŋ, isumallaŋaruq, Iñuk una iḷumutun uqaqtaugumi God-mun, iḷisimayumiñaŋagaluaqtuq qanusiutilaaŋanik una aġnaq aksiugniktuaq ilaanik, qanuq piḷuusiqirauruq.

Luke 7:46

Ilivich uqsruġutiksriñŋaitkiŋma niaqqumnun piḷġusikaatun, aglaalli uuma aġnam tivraġiksaŋagai isigatka.

Luke 7:48

Tavraasii Jesus uqallautiŋagaa aġnaq, Piḷuutitin suliqutigiŋaiqsaurut itqaumayumiñaiqł̣ugich.

Acts 5:31

God-im kamanaqsipkaŋagaa inillakługu taliqpiŋmi tuŋaanun Aullarriġuqługu Annaurriġuqługulu, iñuich Israel-guruat isumalitqikkumiñaqsivḷugich, piḷuutitiŋ suliqutigiŋaiqsaupkaġlugich itqaumayumiñaiġḷugich.

Romans 5:20

God-im aitchuutigimmagich pitqurani Moses-kun, iñuich iḷitchuġivsaaŋarut piḷuun kamaksriŋirrutautilaaŋanik God-im pitquraŋiñik. Tavra kamasuŋirrun aglimman, tainnatuttauq God-im nagliktuutiqpaŋa aglił̣haaŋaruq.

2 Corinthians 5:14

Iluqaisa savaavut pigivut, pisigivlugu Christ piviuttaqqutiqpaŋa uvaptiŋnun. Nalupqigiŋaiŋagikput Christ tuqqurriŋatilaaŋa iñupayaanik, tavraasii iluqaġmiŋ tuquŋarut.

Galatians 5:6

Niġiugikaptigu nalaunŋasipkaqtauniksraqput Christ-kun, nalunaiñŋutchiqsauniq Jew-guruatun naagga nalunaiñŋutchiqsauŋaiññiq anniqsuutauŋitchuq uvaptiŋnun, aglaan ukpiġun kisimi piviuttaqsripkairuaq allanun uvaptiŋnik.

Ephesians 6:24

Nagliktuutiqpak illi iluqaiññun piviuttaqsriruanun Ataniptiŋnik Jesus Christ-mik nuŋulaitchuamik piviuttaqqunmik.

Philippians 1:9

Uvva aŋaiyyutigivsi inna. Aŋaiyyutigivsi piviuttaqqutiliqsaiññaquvlusi, iḷumun ittuaġlu iḷitchuġisaiññaquvlugu, suli nalaunŋaniqsrauruamik sivunniutiksravsiññik,

1 Timothy 1:14

Ataniqput naglikkutiqpaqaŋaruq uvamnun, suli ukpiliqsiłłuŋa piviuttaġipkallasivḷugiḷḷu allat iñuich pigillakkaptiŋnik atausiŋŋuqatigiŋavlugu Christ Jesus.

1 John 1:7

Aglaan iñuuniaqtuagugupta qaummaġmi, ilaatun qaummaġmiittuatun, piqaqtugut iḷammiuġunmik avanmun, suli auŋata Jesus ilaan Iġñiŋan salummaqsimaaġaatigut piḷuutipayaaniñ.

1 John 3:18

Miqłiqtutkaa, piviuttaqsriñata uqalułhiñami, aglaan taŋŋipiaġlugu piḷġusikun.

1 John 4:19

Piviuttaqsrirugut qanuq God-im piviuttaġiqqaaŋagaatigut.

1 John 5:3

Aasii piviuttaqsriñiq God-mik sivuniqaqtuq inna, uvagut kamagilugich pitquraŋi. Aasii pitquraŋi siġḷiġnaitchut.