Luke 7:34 - Iñupiatun Mumiksat Uqalugiksuat

³⁴ Iġñiŋa iñuum qaiŋaruq niġivḷuni imiqłuniḷu allatun iñuktitun, aasii uvyauġiksi, Marra niġġiqsuruaq wine-tuqtiqpaglu, avilaitqataat tax-iñik katitchirit, piḷuusiqirillu.

Luke 7:34 Iomraidhean Croise

Matthew 11:19

Iġñiŋa Iñuum qaiŋaruq niġivḷuni imiqłuniḷu allatun iñuktitun, aasii uvyauġiksi, Marra niġġiqsuruaq wine-tuqtiqpaglu, avilaitqataat tax-iñik katitchirit, piḷuusiqirillu. Suliqutauŋitchuq qanuq uqaġaluaġuvsi, qanuq isumaturuat iñuich puttuqsriḷḷagaat God-im isumattutaa.

Matthew 5:46

Qanuq piviuttaġiguvsigik tamatkua piviuttaġirisi, summan niġiukpisi God-mun akiḷiġñiaġasugalusi? Tainnaptauq tax-iñik katitchirit pisuummiut.

Matthew 9:11

Tavra Pharisees iḷitchuġikamirruŋ taamna, uqallautiŋagaich iḷitchitquraŋi, Summan iḷisaurriksi niġiqatiqaġuuva tax-nik katitchirinik piḷuusiqiriniglu?

Luke 11:37

Jesus uqaaniŋman taapkuniŋa, Pharisee-m tuyuġmiaqsaŋagaa niġiqatigitquvluni. Tavra isiqłuni aquvinŋaruq niġisaqłutiŋ.

Luke 14:1

Iḷaŋanni Jew-guruat savairvianni, Jesus niġiqatauyaqtuġman igluanun atanaurauruam iḷauvluni Pharisee-ñun, iñuich Jesus naipiqtupiaŋagaat.

Luke 15:2

Tavra Pharisees iḷisaurriḷḷu pitquranik uqamayuŋarut uqaqłutiŋ, Uuma iñuum paġlasuugai piḷuusiqirit niġiqatigivlugiḷḷu.

Luke 19:7

Tavra iñuich tautukamirruŋ taamna iluqaġmiŋ uqamayurraqsiŋarut, Taamna iñuk tuyuġmiaguyyaqtuq piḷuusiqirimun.

Luke 5:29

Tavra Levi-m niqinaqusiuġutiqpaŋagaa Jesus iglumiñi. Aasii tavrani iñusalaich inŋarut tax-iñik katitchirit iḷaqaqłutiŋ allaniglu aquppiqatauruanik niġġiviŋñi piqatigivlugich.

Luke 7:33

John Paptaiqsi qaiŋaruq. Qaikami niġiḷaitqataŋaruq imiġaluaġnaniḷu wine-mik, aasii uqautigigiksi ilaa ilitqusiqł̣uqaġnivḷugu.

Luke 7:35

Suliqutauŋitchuq qanuq uqaġaluaġuvsi, qanuq isumaturuat iñuich puttuqsriḷḷagaat God-im isumattutaa.

Luke 7:36

Iḷaŋata Pharisees aiyugaaŋagaa niġiqatigitquvluni. Jesus aiyugaaqtauŋaruq Pharisee-m igluanun, aasii aquvinŋaruq niġiñiaqłuni.

John 12:2

Nullautchiuġutiŋagaat Jesus tavrani. Martha savakłuni, suli Lazarus iḷauvluni taapkunuŋa niġiruani piqatigivlugu ilaa.

John 2:2

Jesus-tauq iḷitchitquraniḷu aiyugaaqtauŋammiut katirrusiqiruanun.