Luke 7:25 - Iñupiatun Mumiksat Uqalugiksuat

²⁵ Suna tautugiaqtaġuuvisiuŋ? Tautugiaqtaqpisiuŋ iñuk annuġaaġiksuaq akisuruanik? Iḷisimarusi tamatkua annuġaaġipiaqtuanik annuġaaqaqtuat suli iñuuruat sunik ayuqsraŋił̣ł̣utiŋ umialgich igluqpaŋiññiittut.

Luke 7:25 Iomraidhean Croise

2 Samuel 19:35

Uvva sisamakipiatun (80) ukiutun iñuuganiktuŋa, aasii supayaaq qaamagiŋaiŋagiga. Naisiḷḷaiŋaruŋa niġigama naagga imiġama, suli tusaallaiŋagitka atuqtuat. Piñaiḷutausiññaġniaqtuŋa iliŋnun Umialikpaak.

1 Kings 10:5

Qiñiŋagaich niqit niġiraŋich niġġiviŋani, inauraŋiḷḷu atanauraŋisa, igluqpaŋaniḷu savaktiŋich suli savallaġmiŋ annuġaat atuqtaŋich, kivgaŋiḷḷu pamatchiruat ilaanik niqinaqimmata, suli ikipkautitigun aitchuutiŋich Aŋaiyyuvikpagmi. Qaallaummiŋaruq suli aliuġusukłuni.

2 Kings 1:8

“Qaliġuaqaġniqsuaq niġrutit amiŋiñik, tavsiaqaqłuni qisigmik,” kiugaat. “Elijah-aumaruq!” umialik uqallaktuq.

Esther 1:11

Piraksriŋagai umialgum qaġġisitquvlugu tuvaaqatini Vashti, niaquġutiqaġlugu. Umialgum tuvaaqataa aġnaġipiaŋaruq, aasii umialgum qiñiyunaqtilaaŋa tuvaaqanmi manivanŋagaa atanauramiñun suli aiyugaaqtamiñun.

Esther 1:3

Piŋayuanni ukiut umialguvianni niqinaqiutiŋagai atanaurani suli piraksriqsuqtiŋit qaukłiŋi umialgum. Aŋuyaktiŋich Persia-mlu, Media-mlu tavraniinŋammiut, tainna suli kavanauruat suli umialiŋnat kaŋiqaqtuat nunaŋiññi.

Esther 4:2

tikiḷġataqhuni sivuġaanun umialgum upkuaqpaŋata. Isiŋiñmiuq qanukkii iñuk miitchugnik annuġaaqaqtuaq isiġumiñaił̣ł̣uni.

Esther 5:1

Piŋayuanni uvlut niġiŋaiḷaġniġmiñi Esther-m atiŋagai umialguniġmiñi qaliġuani aasii aullaqikami qikaġiaŋaruq iḷulliġmi umialgum iniqpaŋata, saanŋavlugu inauraq umialgum aquppivia. Umialik isiġmiuŋaruq, aquppiutaqpamiñi aquppivḷuni, saanŋavlugu isiġiaq.

Esther 8:15

Mordecai aniŋaruq umialgum igluqpaŋaniñ, annuġaaqaqhuni umialgum qaliġuaŋiññik suŋauraaqtaaligaanik suli qatiqtaaligaanik, quppiġaaqaqhuni maptukisuuramik tigluuraaqtaamik ukił̣haamik, suli qiññaġipiaġataqtuamik manigmiñ kaviqsuamiñ piḷiaguruamik niaquġunmik. Tavraasii apqutiŋi Susa-m nipaallaŋarut quviasuktuat suli quviasuutikun nipauqhutik.

Matthew 11:8

Summanmi aullaġuuniqpisi? Tautugiaqpisiuŋ iñuk annuġaaqaqtuaq akisuruanik annuġaanik? Iḷisimarusi tamatkua akisuruanik annuġaaqaqtuat umialgich igluqpaŋiññiittut.

Matthew 3:4

Tavra John annuġaaqaŋaruq kakaktim pikukturuam amianik, suli qisiŋmik tavsiqaqłuni, aasii niqigivlugich nuttagayuich qupilġut igutchaiḷḷu honey-ŋannik paqinnaqtuamik nunagluktuami.

Matthew 6:29

uqallautigivsi, Solomon unnii qanutun kamanaqtigigaluaqłuni annuġaaŋaitchuq atautchisun-unnii tamatkunatun nauriatun qiñiyunaqtigiliġḷuni.

Luke 16:19

Suġalliruaqaŋaruq annuġaaqaqtuamik akisupiaġataqtuanik, suli uvlutuaġman niqinaqiugaqłuni iḷaŋaniñ.

Luke 7:24

Tavra John iḷitchitquraŋik aullaaniŋmaŋnik, Jesus uqautirraqsiŋagai iñugiaktuat iñuich sivuniġivlugu John. Sunaimña tautugiaqtaġuuvisiuŋ nunagluktuamun? Tautugiaqtaqpisiuŋ iñuk maliksuktaqsiññaqtuaq ivigruatun anuġim aulataġikkaŋatun? Naumi.

Luke 7:26

Suna tavra tautugiaqtaġaġniqpisiuŋ? Tautugiaqtaġuuvisiuŋ God-im uqaqtiŋa? Aaŋ. Nalupqinaitchuq, kamanałhaaqtuq unnii uqaqtiŋiñiñ God-im.