Luke 7:22 - Iñupiatun Mumiksat Uqalugiksuat

²² Tavra ilaan uqallautiŋagik John iḷitchitqurak, Aullaġlutik quliaqtuaġutiyaqtuatku John sunik tautukkaptiŋnik tusaaŋaraptiŋniglu, ayauŋaruat qiñillasirut, tusiattuat pisuallasirut, kiḷḷiġruaqtuqtuat mamittut, suli tusaalaitchuat tusaallasirut, tuquruat aŋipkaqtaummiut, piqaqtuksrauruat tusaayugaaġiksuaq alġaqsruusiaġigaat.

Luke 7:22 Iomraidhean Croise

Makpiġaaŋa Job-gum 29:15

Iriummatun ayauŋaruanun ittaqtuŋa, isigauvluŋalu tusiattuanun.

Psalms 146:8

Suli qiñillasipkaqługich ayauŋaruat. Makititchuugaich tamatkua ulġuŋasiruat; nakuaġigaich iluaqtualiqirauruat.

Matthew 11:5

Ayauŋaruat tautullasirut, tusiattuallu pisuaqtut, kiḷḷiġruaqtuqtuat mamititaurut, tusiḷḷaqtuatsuli tusaallasirut, tuquŋaruallu aŋipkaqtaurut, suli piqaqtuksrauruat tusaayugaaġiksuanik alġaqsruusiaqaqtut.

Matthew 21:14

Tavra ayauŋaruallu tusiattuallu ullautiŋarut Jesus-mun aŋaiyyuvikpaŋmi, aasii ilaan iłuaqsiŋagai.

Luke 4:18

“Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

Luke 7:21

Taavrumani ikarraġmi Jesus iłuaqsiŋagai iñugiaktuat naŋirrutiniñ, suaqłiuġutiniḷḷu, ilitqusiqł̣uŋniḷḷu, suli iñugiaktuat ayauŋaruat qiñillasipkaŋagai.

Luke 7:23

Quviasugli iñuk ukpiŋaiŋitchuaq uvamnun.

John 1:46

Nathanael-gum uqallautiŋagaa, Sunapayaaq nakuuruaq qaiyumiñaqpa Nazareth-miñ? Philip-gum kiuŋagaa, Qaiḷutin tautugiaġuŋ.

Acts 26:18

Tavra iḷisautiniaġitin tusaayugaaġiksuanik mumikkumiñaqsiḷugich taaqtuamiñ qaummaġiksuamun, aŋalatinŋaiġḷutiŋ Satan-mun aglaan God-mun, ukpiliġḷutiŋ piḷuutitiŋ suliqutigiŋaiqsautqulugich, suli iḷaliutiyumiñaqsiḷutiŋ God-im iñuksraqtaaŋiñun.

Acts 8:7

Qanuq ilitqusiqł̣uich aniŋarut iñugiaktuaniñ ilitqusiqł̣uqaqtuaniñ nipaalavlutiŋ, suli iñugiaktuat avatiŋich tuquŋaruat tusiattuallu iłuaqsirauŋarut.

James 2:5

Piviuttaġikkavsii aniqatiit, naalaġnisitchi, God-im piksraqtaaġiŋagai piiḷḷiuqtuat mattumani nunami piiḷḷiuquŋił̣ł̣ugich ukpiġunmi, kiŋuvaannaquvlugiḷḷu atanniqsimaviŋmiñi unniqsuqłiisauŋaruamik ilaan piviuttaġirimiñun.