Luke 7:16 - Iñupiatun Mumiksat Uqalugiksuat

¹⁶ Kamatchapiaġataŋarut iluqaġmiŋ iñuich, aasii ilaisa nanġaŋagaat God uqaqłutiŋ, Kamanaqtuaq uqaqtaa God-im iñukpalliŋaruq akunnaptiŋni, uqaqłutiglu God-im annautiyaqtuġai iñuŋni.

Luke 7:16 Iomraidhean Croise

Psalms 65:9

Manisuugiñ qaunakkutin nunamun sialuktiłługu; nunalluataq nauyumiññaksaaqługu. Ulitiłługich kuuġuluurat imiġmik; inuŋaiqł̣ugu nuna nauruksrauruanik. Innauvva piraqtutin:

Exodus 4:31

Ukpiġiliŋagaik, aasii tusaakamiŋ Ataniġmun ullaŋatilaamignik suli qiñiŋatilaamignik qanuq nagliksaaqtitaukamiŋ, tavra pułłutiŋ nanġaŋagaat God.

Matthew 15:31

Tavraasii iñusalaich kamasuŋarut, tautukamisigik uqalaiḷat uqaaqsimmata, qilluutituqtuat iłuaqsiraummata, tusiattuat pisuaġmata, suli ayauŋaruat tautullasimmata. Tavra ilaisa nanġaŋagaat God-iŋat Israel.

Matthew 21:11

Tavra iñusalaich uqaŋarut, Tavra uqaqtiŋa God-im, Jesus Nazareth-miñ Galilee-miittuamiñ.

Matthew 28:8

Tavra aullaqsaaluŋaruk qilamik iḷuvviviŋmiñ iqsisigillaan quviasukpakłutiglu, aasii aqpamik uqallautiyaqtuŋagaich iḷitchitqurat.

Matthew 9:8

Iñusalaich tautukamirruŋ, kamatchaŋarut, aasii nanġaŋagaat God suaŋŋatiqaqtitchiḷḷaruaq tainnatchimik iñuŋnun.

Luke 1:65

Tavra aliuġutchaŋarut iluqaġmiŋ siḷalliŋi. Suli tamatkua iluqaisa uqautigiŋagaich iluqaani qimialuŋiññi Judea-m nunaaqqiŋisa.

Luke 1:68

Nanġaġlakput Ataniq God-iŋat Israel-guruat, qanuq ilaan ikayuġiaŋagai aasii annautivlugich iñuŋni.

Luke 19:44

Aasii iliŋisa suksraunġipiallagniaġaasi iniqpaksiḷu, katchisiḷu, suli uyaġak atausiq unnii nuunniaġaat inaaniñ, qanuq puttuqsriŋaitkiksi God qaigaluaġman annautisukłusi.

Luke 2:20

Tavra imnaiḷiqirit utiŋarut, kamanaqsiḷiqługu nanġaqługulu God iluqaisigun tusaaramikkun tautukkamikkullu uqausiusiamiktun.

Luke 24:19

Tavra ilaan apiġiŋagik. Sut piruat? Iliŋiktali kiuŋagaak, Ivrumuuna Jesus-kun Nazareth-miukun, uqaqtaagun God-im sapiġñaqtuakun savaŋniġmiñi uqaluŋmiḷu sivuġaani God-im iluqaġmiglu iñuich.

Luke 5:26

Tavra iñuich aliuġutchapiaŋarut kamatchakłutiŋ, nanġaŋagaat God uqaqłutiŋ, Qiñiŋarugut aliuġnaqtuanik sunik uvlupak.

Luke 5:8

Tavra Simon Peter-m iḷitchuġikamiuŋ taamna, sitquŋaruq sivuġaanun Jesus aasii uqallakłuni, Aullaġiñ uvamniñ Ataniiq, qanuq uvaŋa piḷuktuaguruŋa iñuk.

Luke 7:15

Tavra tuquŋaruaq iñuk aquvinŋaruq, aasii uqarraqsivḷuni. Tavra Jesus qaiñŋagaa aakaŋanun.

Luke 7:39

Tavra Pharisee-m aiyugaaqłiqsuam Jesus-mik taamna tautukkamiuŋ, isumallaŋaruq, Iñuk una iḷumutun uqaqtaugumi God-mun, iḷisimayumiñaŋagaluaqtuq qanusiutilaaŋanik una aġnaq aksiugniktuaq ilaanik, qanuq piḷuusiqirauruq.

Luke 8:37

Tavrani iluqaġmiŋ iñuich avataanni nunaaqqiŋisa Gerasenes apiġiŋagaat Jesus aullaquvlugu, qanuq iliŋich iqsitchakpaŋarut. Tavraasii ilaa ikiŋaruq umiaqpauramun aasii aullaqłutiŋ.

Luke 9:19

Tavra ilaisa kiuŋagaat, John-gunisuugaatin Paptaiqsi, aglaan allat uqaġuummiut Elijah-univḷutin, suli allat uqaqłutiŋ iḷaŋat taipkua uqaqtiŋisa God-im aŋiñivḷugu.

John 1:21

Tavra apiġiŋagaat, Kiuviñmi? Elijah-uvich? Ilaa uqallaŋaruq, Elijah-uŋitchuŋa. Uqaqtauvich God-mun Moses-tun itchumaaqtuaq? Ilaan kiuŋagai, Naagga.

John 1:25

Ilaisa apiġiŋagaat, Christ-guŋitkuvich, naaggaunnii Elijah-uŋitkuvich, naagga taimñauŋitkuvich uqaqtaa God-im, summan paptaiqsivich?

John 4:19

Tavra aġnam uqallautiŋagaa, Aŋuun, iḷitchuġiruŋa uqaqtautilaaġnik God-mun.

John 6:14

Iñuich tautukamirruŋ Jesus savaktuaq taavrumiŋa aliuġnaqtuamik nalupqinaiġutauruamik kiutilaamiñun, uqallaŋarut, Tavra iḷumun uqaqtaa God-im qaiyumaaŋaruaq nunamun.

John 9:17

Tavra Pharisees apiġitqiŋagaat ayauŋaŋaruaq, Qanuġli uqallausiġiviuŋ ilaa ayauŋaiqsinŋammatin? Ilaan kiuŋagai, uqaqtauruq God-mun.

Acts 5:5

Tavra Ananias tusaapqauraqamigich taapkua uqaluich nusiḷiŋaruq. Suli iñuich iluqatiŋ tusaaruat taavrumiŋa iqsitchaŋarut.

Acts 7:37

Taamnauruq Moses uqaŋaruaq Israel-guruanun, God-im tiliñiaġaa ilivsiññun uqaqtini aniqatiivsiññiñ uvamniktauq tilisimmatun.

Galatians 1:24

Aasii pisigivluŋa ilaisa God nanġaŋagaat.

Deuteronomy 18:15

Aglaan, tiliriñiaqtuq ilivsiŋñun God-im uqaqtaanik uvaptun ittuamik akunnavsiŋniñ, aasii kamagiraksraġigiksi.