Luke 6:8 - Iñupiatun Mumiksat Uqalugiksuat

⁸ Tavra Jesus iḷisimaŋagai ilaisa isumaŋich, aasii uqallautiŋagaa iñuk argakisuurauniqsuaq, Qaiñ. Makittin uvuŋa. Tavra tavruŋa makinŋaruq.

Luke 6:8 Iomraidhean Croise

Makpiġaaŋa Job-gum 42:2

Iḷisimaruŋa sunapayauraq ilvich piḷḷagiñ; kia unnii nutqaqtitchumiñaitkaatin.

Psalms 44:21

iḷumutupiaq iḷitchuġiniaġaluaqtusi, atakkii iḷisimagitin isumavut suiḷaurrisit unnii.

Matthew 9:4

Tavra Jesus iḷisimavlugich isumaŋich uqallaŋaruq, Summan pigiitchuanik isumavisi?

Mark 3:3

Tavra Jesus uqallautiŋagaa iñuk argakisuuraq, Qaiñ uvuŋa.

Luke 13:12

Tavra Jesus tautukamiuŋ aġnaq, ququaŋagaa aasii uqallautivlugu, Aġnaaq, atanġiqsitaurutin naŋirrutiŋniñ.

Luke 5:22

Tavra Jesus puttuqsrikami tainna isumaniġmata, uqallautiŋagai, Summan isumavisi tamatkuniŋa?

Luke 6:9

Tavra Jesus uqallautiŋagai. Apiġigivsi uumiŋa, pitquratiguaŋava Savaiññiġmi nakuurualiqiruni naagga pigiitchualiqiruni? Ikayugaksraġivisigik iñuich naagga iḷatchiġḷugich Savaiññiġmi?

John 2:25

Iñuŋmik uqallaurrituŋitchuq qanuq iñuich isummatiqaqtilaaŋannik inmigun, inmiñi iḷisimavluni qanuq isumaqaqtilaaŋannik.

John 21:17

Jesus uqallautiŋagaa piŋayuaŋni, Simon iġñiŋa John, nakuaġiviŋa? Peter atqunaqłuni ipiqtutchaŋaruq pisigivlugu Jesus apiqqutaa piŋayuaŋni, Nakuaġiviŋa? Tavra Peter-m uqallautiŋagaa, Ataniiq, iḷisimarutin supayaanik. Iḷisimarutin uvamnun nakuaġitilaaġnik. Jesus uqallautiŋagaa, Niġipkakkich imnaitka.

John 9:4

Savaktuiññaqtuksraurugut savaaŋiñik tilisiruam uvamnik uvluuŋŋaan. Taaqsimman iñuk savakkumiñaitchuq.

Acts 20:24

Aasii tamatkua sivuuġagiŋitkitka. Sugiŋitkigalu tuqutkaluaqpanŋa. Naatchisuktuŋa tiliraunimnik alġaqsruiñimniglu Atanġum Jesus piraksriŋammaŋa quliaqtuaġutitquvlugich iñuich tusaayugaaġiksuanik, God-mun annautiyumiñaġnivḷugich nagliktuutiqpaŋmigun.

Acts 26:26

Umialiik Agrippa, uqautiyumiñaġikpiñ taluqsrautaiḷḷuŋa qanuq iḷisimagitin tamatkua iluqaisa. Nalupqisuŋitchuŋa iḷisimammiutin iluqaiññik, qanuq taamna piŋaitchuq nalunautchiaġilugu.

Philippians 1:28

Iqsitchaktinnasi akiḷḷiḷiqsuqtivsiññun. Qulluaŋairrutivsi qanuqpisiiḷḷiñiaġai suksraunġiqsauniaqtilaaŋannik, suli ilivsi annaurrauyumaaqtilaavsiññik, qanuq God-im akimmasiġaasi.

Hebrews 4:13

Suli God-im sivuġaani qanusipayaaq uumaruaq iriqsimaŋitchuq, aglaan supayaat aŋmarut tallutaitchullu irraŋnun ilaan isivġiiyumaaqtuam uvaptiŋnik.

1 Peter 4:1

Tavra Christ nagliksaaqtuksrauŋamman timimiñi nalaunŋarualiqiniq pisigivlugu, ilaatun ilivsi isumaqaqtuksraummiusi, aasii itqanaiḷḷusi nagliksaaġutigiraksraġuqpan nalaunŋarualiqiniq. Kiñaliqaa nagliksaaġumi tainnatun tasamma piḷuusiqiuraaŋaiqsuq,

Revelation 2:23

Suli uvaŋa tuqunniaġitka miqłiqtuŋi. Aasii aŋaiyyuliqiruapayaat nunallaani iḷitchuġiniaqtut uvaŋautilaamnik iḷisimaruaq iñuich isumaŋiññik piyummatiŋiññiglu. Suli paaqłiġñiaġivsi atausiullaalusi sutigun piŋaravsigun.