Luke 6:7 - Iñupiatun Mumiksat Uqalugiksuat

⁷ Tavra pitquranik iḷisaurriḷḷu Pharisees-lu naipiqtuŋagaat, iłuaqsiriñiaqtilaaŋanik savaitchuani, pasisukkaluaqługu.

Luke 6:7 Iomraidhean Croise

Psalms 38:12

Tamatkuaptauq tuqutchisuktuat quviġluŋa pisaġisukłuŋa, anniaqłiġumaruat uvamnik sivuuġasaaġaanŋa maqurrutiksraqsiuqłuŋa; nutqalaitkaich uvapkun sivunniuġutitiŋ akiḷḷiġivluŋa.

Matthew 5:39

Aasiiḷi uqallautigivsi, Akisaqtuġviginagu iñuum pimaqłukpasi. Aglaan kialiqaa iqsraaviñaqpasi taliqpivsigun, mannisiuŋ igḷuanik.

Mark 3:2

Tavra Jesus naipiqtuŋagaat, iluaqsiriñiaqtilaaŋanik Jew-guruat Savaiññiŋanni, pasisukługu.

Luke 13:14

Tavrali umialiŋnaŋa aŋaiyyuvium, piavsaŋaruq pisigivlugu Jesus iłuaqsiriñiŋa Jew-guruat savaiññiŋanni. Tavra ilaan uqallautiŋagai iñuich, Itchaksrat uvlut ittut savagviksravut, qairaġutitchi taapkunani uvluni iłuaqsirauyaqtuġlusi, savaiññiġum uvluŋiḷaaŋiñi.

Luke 20:20

Tavra iliŋich nalautitchiiŋarut piviksramik. Tavra tilisiŋarut suiḷaukkirinik ukpiġnaqsisaqługich, Jesus uuktuġukługu apiqsruqtuutinik aitchuutigillasisukkaluaqługu kavanamun.

John 9:16

Iḷaŋich Pharisees uqallaŋarut, Taimña iñuk God-miŋŋaqtuaguŋitchuq, qanuq kamaksriḷaitchuq Savaiññikun pitquranik. Allalli uqallaŋarut, Qanuġluni iñuk piḷuusiqirauruaq piyumiñaqpa tainnatchiñik aliuġnaqtuanik? Tavrani atinġiŋarut.