Luke 6:1 - Iñupiatun Mumiksat Uqalugiksuat

¹ Jew-guruat savairvianni, Jesus-lu iḷitchitquraniḷu pisuallaġmiŋ palauvaksrat nautchiaqaġviatigun, ilaan iḷitchitquraŋisa nutchugaŋagaich nauganiktuat palauvaksrat, amiġaiyaqługich argaŋmiŋnik, aasii niġivḷugich.

Luke 6:1 Iomraidhean Croise

Exodus 12:15

Ataniq uqallaktuq, “Tallimat malġugni uvluni niġiñiaŋitchusi punniġnik imaksraligaanik—niġiḷusi kisian imaksraiḷaanik punniġnik. Sivulliġmi uvlumi igittuksraġigisi puvlaksautipayaat igluvsiññiñ, qanukkii kiñapayaaq taapkunani tallimat malġugni uvluni niġiruaq imaksraligaamik punniġmik, iḷauŋaiġñiaqtuq iñugiramnun.

Leviticus 23:15

Tallimat malġuk savaiññiġit qaaŋianikpata Sabbath-miñ, aitchuivivsiññiñ qaġġirriyumausi qipitanik palauvaksranik aitchuutiksravsiññik Ataniġmun.

Leviticus 23:7

Sivulliŋanni taapkua uvlut katillusi nanġaiñiaqtusi suli sut savaakkaluasi savaŋiḷḷaglugich.

Luke 5:39

Suli iñuktun kipiġniuŋitchuatun imiġugluni nutauruamik wine-mik imianiŋavluni utuqqauruamik wine-mik, tainnatun iñuich uqaġuurut utuqqauruat piḷġutchich nakuułhaaġnivḷugich nutauruaniñ piḷġutchiñiñ.

Luke 6:6

Allamisuli Jew-guruat savairvianni, Jesus isiġman aŋaiyyuviŋmun suli iḷisaurrivḷuni, iñuk tavraniinŋammiñiqsuq taliqpia argakisuuraq.

Deuteronomy 16:9

“Kivluisaġnivsiññiñaglaan palauvaksranik, kisitchiyumausi tallimat malġugnik minġuiqsiġñiġnik,

Deuteronomy 23:25

Pisuaġuvich apqugaatchiaŋisigun iñuum palauvaksraqaġviata, argaŋnik nutchugaiḷutin niġiyumiñaqtutin aglaan kivriḷutin piksraġniaġnak.