Luke 5:12 - Iñupiatun Mumiksat Uqalugiksuat

¹² Tavra Jesus itillugu iniqpaich iḷaŋanni, iñuk qaiŋaruq kiḷḷiġruaqtuqpaktuaq. Tautukamiuŋ Jesus sitquŋaruq sivuġaanun aasii apiġivlugu, Ataniiq, pisukkuvich mamititchumiñaġiŋma.

Luke 5:12 Iomraidhean Croise

Genesis 18:14

Sumik imña piqaqpa siġġaġnaqpaitchuamik Ataniġmun? Uqallausiptun, ukiutqigu tainaiḷikpan utiġniaqtuŋa, aasii Sarah iġñiqaŋaniaqtuq.”

1 Kings 18:39

Iluqaġmiŋ iñuich tautukkamirruŋ, palluŋarut nunamun aasii uqaqłutiŋ, “Ataniq God-auruq; Ataniq kisimi God-auruq!”

2 Kings 5:1

Naaman, qaukłiat Syria-m aŋuyaktiŋisa, qutchiksuaġivlugu qiksigisuuniġaat umialgata Syria-m, qanukkii Naaman-kun Atanġum akimapkaŋamagaich Syria-ġmiut. Suaŋaruaguŋaruq aŋuyakti, aglaan naŋirrutiqaŋaruq kiḷḷiġruaqaqłuni.

2 Kings 5:27

Tavraasii Naaman-gum naŋirrutaa iliŋnugniaqtuq, aasii ilviḷḷu kiŋuvaatillu piginiaġaat taimuŋa!” Gehazi aasii aullaqami, naŋirrutiniŋaruq—uviñiŋa qatiqtigiliŋaniqsuq aputitun.

2 Kings 7:3

Sisamat iñuich naŋirrutiqaqtuat leprosy-mik siḷataaniinniqsut upkuaqpaŋisa Samaria-m, aasii avanmun uqaġniqsut, “Summan uvagut uvaniisiññaġniaqpisa tuqulġataġluta?

Psalms 50:15

Ququulaŋŋa iłuiḷḷiuġun qaikpan; annautiniaġikpiñ, ilviḷḷi nanġaġniaġigma.”

Psalms 91:15

Ququullavigikpanŋa, kiuniaġitka; isumaaluunmun tikitpata, itqatiginiaġitka. Annautiniaġitka qutchiksiḷiġlugiḷḷu.

Exodus 4:6

Ataniq uqallavsaaqtuq Moses-mun, “Argaiñ iḷuanuguŋ qaliġuaqpich.” Moses kamaksriruq; aasii amummagu, kiḷḷiġruaqtuliġñiqsuq, qatiqtuagulaaqsiŋavluni, aputitun ittuanik.

Leviticus 13:16

Kiḷḷiq aglaan mamitpan aasii qatiqsitqigḷuni, ullautigisirutin aŋaiyyuliqsiqpagmun,

Leviticus 9:24

Tavraŋŋatchiaq Ataniq qaipkaiŋaruq igniġmik, aasii ikipkaqługich aitchuutauruat qaunnaviñġiḷḷu ikipkaivigmiittuat. Iñuich tautukkamirruŋ avaallaŋarut aasi punŋarut kiiññatiŋ aksiutivlugich nunamun.

Matthew 26:6

Tavra Jesus Bethany-miinman isiġmiupkaqługu igluani Simon kiḷḷiġruaqtuqtuam,

Matthew 9:28

Jesus isiġman iglumun, ayauŋaruak ullaŋagaak, aasii Jesus apiġiŋagik, Ukpiqpisik uvamnun taamna piyumiñaġnivḷugu? Iliŋikta kiuŋagaak, Aaŋ, Ataniiq.

Mark 5:23

Aasii qiññuaqtupiaŋaruq uqaqłuni, Paniuraġa amma tuquaqsiuraqtuq. Qaiḷutin aksiugiapiaqugiga iliŋnun iłuaqsitquvlugu iñuuyumauq.

Luke 17:16

Tavra punŋaruq sivuġaanun Jesus, quyyavigivlugu. Taamna iñuk Samaria-ġmiu.

Luke 5:13

Tavra Jesus isaaqłuni aksiuŋagaa uqallakłuni, Piyummatiqaqtuŋa. Mamittin. Tavraŋŋatchiaq kiḷḷiġruaŋi maminŋarut.

Deuteronomy 24:8

“Nagliksaaġutiqaġuvich paquġnaqtuamik uviñigiirrunmik, uqaluŋich Levi-m kiŋuvaaŋich aŋaiyyuliqsauruat nalaupiaġlugich kamagiraksraġigitin; maliġilugich piraksriutitka.

Hebrews 7:25

Tainnaiłłuniasii ilaan ataramik annautiyumiñaġai tamatkua qalliḷaaqtuat God-mun inmigun, qanuq iñuuruq ataramik qiññuaqtuutisukługich God-mun.