Luke 4:8 - Iñupiatun Mumiksat Uqalugiksuat

⁸ Tavra Jesus kiuŋagaa, [Aullaġiñ Satan.] Aglausimaruq Bible-ni inna, Aŋaiyyuvigisaġiñ Ataniq God-in, suli kisian savautilugu.

Luke 4:8 Iomraidhean Croise

2 Kings 19:15

aasii aŋaiyyuaqsivḷuni, “Atanġuruatiin, God-iŋa Israel, aquppiruatin aquppiutaqpagni qulaanni isaġuligaat cherubim, kisivich God-aurutin, aŋalatchivḷutin umialgutiŋiñik nunam. Ilvich savaŋagikiñ nunalu qiḷaglu.

Psalms 83:18

Iḷitchuġiyumaut kisivich Atanġutilaaġnik, qutchigñiqtauvlutin aŋalatchiruagurutin nunapayaurami.

Matthew 16:23

Tavra Jesus qiviaqługu Peter uqallautiŋagaa, Satan, piiġiñ uvamniñ. Piñaiḷutaurutin uvamnun, qanuq isumaŋitchutin God-im isummasianik aglaan iñuich isumaŋannik.

Matthew 4:10

Tavrani Jesus uqallautiŋagaa, Aullaġiñ Satan, qanuq aglausimaruq Bible-ni inna, “Aŋaiyyuvigisaġiñ Ataniq God-in, suli kisian savautiniaġiñ.”

Luke 4:4

Jesus kiuŋagaa, Aglausimaruq Bible-ni, Iñuk iñuuniaŋitchuq niqikun kisiagun, [aglaallu ukpiġilugich uqalupayaaŋi God-im.]

Luke 4:7

Tavraasii ilivich sitquġlutin aŋaiyyuvigigumŋa, iluqaisa aitchuutiginiaġitka tamatkua iliŋnun.

Deuteronomy 10:20

Qutchiksuaġisaġiksi Ataniq God-iksi kisian nanġaaġilugu. Iḷumutuuġvigilugu unniqsuqłiutiqaġlusi ilaan kisian atqagun.

Deuteronomy 6:13

Qutchiksiḷiġlugu Ataniq God-iksi, nanġaġlugu kisiatualuk, unniqsuqłiiḷusi atiŋagun kisian.

James 4:7

Aŋalallisi God-im. Akiḷḷiḷiqsuqsiuŋ Tuunġaq aasii pigruġniaqtuq ilivsiññiñ.

1 Peter 5:9

Akiḷḷiḷiqsuqsiuŋ ukpiġutiqaqtuiññaġlusi suaŋaruamik, qanuq iḷisimarusi ukpiqtuaguqatisi nunami iluqaani nagliksaaġmiuttauq ilivsisun.

Revelation 19:10

Tavrani punŋaruŋa isaġulgum isigaŋiñun qiksigivlugu, aasii ilaan uqallautiŋagaaŋa, Tainna piññak. Uvaŋa kivgauqatigigiŋma suli aniqatiiviḷḷu iḷagigaanŋa kamaksriruat iḷumun ittuamik Jesus salapqikkaŋanik. Qiksigilugu nanġaġuŋ God. Qanuq iḷumun ittuam Jesus salapqikkaŋata puttuqsripkaŋammigai uqaqtiŋi God-im quliaqtuaġitquvlugu iḷumun ittuaq.

Revelation 22:9

aasii ilaan uqallautiŋagaaŋa, Tainna piññak. Uvaŋa kivgauqatauruŋa iliŋnun aniqatiŋnullu uqaqtiŋiñun God-im, suli piqatigivlugich tamatkua kamaksriruat uqaluŋiññik ukua makpiġaat. Qiksigilugu nanġaġuŋ God.

1 Samuel 7:3

Samuel-gum uqallautigaich Israel-miuguruat, “Saanniaġuvsiuŋ Ataniq iluqaan uummativsiññi, igittuksraġigisi iluqaisa allaniŋŋaqtat god-iliat arriqaqtuat aġnam god-im Astarte-gum. Qaiḷḷusi iluqaaġlusi Ataniġmun suli kisian aŋaiyyuvigilugu, aasii ilaan annautiniaġaasi suaŋŋataaniñ Philistia-ġmiut.”