Luke 4:6 - Iñupiatun Mumiksat Uqalugiksuat

⁶ Aasii uqallautivlugu, iliŋnun aitchuutiginiaġiga iluqaan taamna ataniġnaqun kamanautaallu, qanuq aitchuutauŋaruq uvamnun, aasii kimulliqaa pisukkuma aitchuutigiyumiñaġiga.

Luke 4:6 Iomraidhean Croise

Esther 5:11

Uqavigaaŋaruq iliŋiññun qanutun umialgutilaamiñik, qavsiñiglu iġñiqaġnivḷuni, qanuġlu umialgum qutchiksuamun savaamun inillaŋatilaamiñik, suli nuimaruagułhaaqtilaamiñik allaniñ umialgum atanauraŋiññiñ.

Luke 4:7

Tavraasii ilivich sitquġlutin aŋaiyyuvigigumŋa, iluqaisa aitchuutiginiaġitka tamatkua iliŋnun.

John 12:31

Paŋmapak isivġiqsauniksraŋa mattuma nunam iñuata tikitchuq. Paŋmapak Tuunġaq atanniqsimariŋa mattuma nunam iñuŋisa akiiḷirauniaqtuq.

John 14:30

Tavraŋŋaaglaan uqaqatigipiaŋaiġñiaġivsi, qanuq Tuunġaq, atanauraŋat nunam iñuŋisa, qaigaqsiruq tigutaaqtitchukłuŋa. Suaŋŋataitkaluaqtuq payariyumiñaġluŋa.

John 8:44

Tuunġaq aapaksi, aasii pisuutigigiksi pisukługu aapavsi kipiġniuġutaa. Ilaa iñuaqtauruq aullaqisaamiñqaŋa, suli suksraġiŋitkaa iḷumun ittuaq, qanuq iḷumun ittuagitchuq ilaani. Saglukami ilaa uqaqtuq nanmiñiq irrutchimiñiñ, qanuq sagluturuq suli aapauruq sagluruanun.

2 Corinthians 11:14

Aasii aliuġnaitchuq, qanuq Satan unnii isaġulgatun qaummaum iḷiŋŋuaġuuruq.

Ephesians 2:2

Taimani iñuuŋagaluaqtuasii piḷuusiqutini, nunam iñuŋisa iñuusiatitun. Taimani qaukłiata ilitqusiqł̣uich piḷuusiqipkaŋavlusi, paŋmapaksuli iñuŋnik kamaksripkaiŋiñmatun God-im pitquraŋiñik.

1 Peter 1:24

Bible uqaluŋich uqaluqaqtut inna, “Iñupayaat tuqullarut, iviktun panaqłukługu tuquliruatun. Iluqaġmi kamanautaat iñuich ittuq nauriam qiñiyunautaatun tuquliruatun aasii katakłuni nunamun.

1 John 5:19

Iḷisimarugut God-mun pigitilaaptiŋnik, aasiiḷi iluqaisa nunam iñuŋi atanniqsimagai Tuunġaum.

Revelation 12:9

Tavra kamanaqtuaq nimiġiaqłuk igitauŋaruq anmun. Taamna aippaaġnisaq nimiġiaq, atiqaqtuaq Tuunġaġmik Satan-miglu, sagluqiraqtiŋat iñupayaurat nunami. Ilaa igitauŋaruq nunamun, suli isaġuliŋi igitqatauŋarut.

Revelation 13:2

Tavra niġrułłuk tautukkaġa inŋaruq leopard-tun, isigaŋiasii nannum isigaŋisun, aasii qanġa lion qanġatun iłłuni. Tavra nimiġiaqłuum aitchuŋagaa niġrułłuk suaŋŋanmiñik aquppiutaqpaŋmiñiglu kamanaqtuamiglu ataniġnaqunmik.

Revelation 13:7

Suli aŋuyaktitauŋaruq God-im iñuŋiñun suli akiiḷivḷugich. Tavraasii ataniġnaqusiqsauŋaruq tamatkunuŋa maŋŋuqatigiipayaanun iñuŋnullu uqautchiñullu nunauruanullu.