Luke 4:43 - Iñupiatun Mumiksat Uqalugiksuat

⁴³ Tavra ilaan uqallautiŋagai, Alġaqsruiruksrauruŋa tusaayugaaġiksuanik atanniqsimmataata God-im, allanullu iniqpaŋnun, qanuq God-im tiliŋagaaŋa taamna savaaġitquvlugu.

Luke 4:43 Iomraidhean Croise

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Mark 1:35

Tavra uvlaami Jesus itiqłuni uvluġiaġituŋŋaan aniŋaruq, aasii aullaqłuni iñuił̣aamun aŋaiyyuŋaruq.

John 20:21

Jesus uqallautitqiŋagai, Tutqiutiqaġitchi. Aapavli tiliŋammaŋa, tainnatulli tiligivsi.

John 9:4

Savaktuiññaqtuksraurugut savaaŋiñik tilisiruam uvamnik uvluuŋŋaan. Taaqsimman iñuk savakkumiñaitchuq.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

2 Timothy 4:2

alġaqsruutigitquvlugu God-im uqalua ataramik. Uqautiginiapiaġlugu piviksraq nalautitkaluaqpan naagga nalautinŋaitkaluaqpan, maliksuktinniaġlugich iñuich, suakkaluaġlugich, qapiŋaisaaġlugich qapiŋaisaagaksrauruat, iḷisaurriḷutin qimmaksaliyaipiaġlutin.