Luke 4:41 - Iñupiatun Mumiksat Uqalugiksuat

⁴¹ Suli ilitqusiqł̣uich unnii animmiraqtut iñugiaktuaniñ iñuŋniñ nipaalavlutiŋ, Ilivich Iġñiġigaatin God-im. Tavra Jesus suagaġigai, suli uqaqtitchaiḷivḷugich, qanuq iḷisimagaat Christ-gutilaaŋanik, Iġñiŋa God-im.

Luke 4:41 Iomraidhean Croise

Matthew 26:63

Tavra Jesus nipaiñŋaruq. Tavra aŋaiyyuliqsiqpaich qaukłiata uqallautiŋagaa, Apiġipiaġikpiñ sivuġaani iñuuruam God-im, uqallauttutigut Christ-guvich, Iġñiŋa God-im?

Matthew 4:3

Tuunġaum qaivḷuni uqallautiŋagaa, Iġñiġipiaqpatin God-im, makua uyaġaich punniġuqtitkich.

Matthew 8:16

Taavrumani unnugiaqtuami iñuich qaġġirriŋarut iñugiaktuanik ilitqusiqł̣uqaqtuanik, aasii Jesus anittaŋagai ilitqusiqł̣uich uqaluŋmiñik, suli iłuaqsivḷugich iluqaisa naŋittuat.

Matthew 8:29

Tavra nipaalarraqsiŋaruk, Iġñiġuruatiin God-mun Suniaqpisiguk? Qaivich nagliksaaqtitchaqtuqłunuk nagliksaaqtitauviksraq nalautinŋaiñŋaan?

Matthew 8:4

Tavra Jesus uqallautiŋagaa, uqaqsaiḷiyumautin sumikunnii iñupayaamun, aglaan aullaġiñ, tautuktitchaktuġiñ aŋaiyyuliqsiqpaŋnun, aasii aitchuiḷutin aitchuunmik Moses-kun piraksriutauruamik, iñuich iḷitchuġiyumaut salummaqtautilaaġnik piqataullasivḷutin iñuŋnun.

Mark 1:25

Tavra Jesus suaŋagaa uqaqłuni, Nipaisaaġiñ. Anniiñ ilaaniñ.

Mark 1:32

Tavra anaqaksraaġman, siqiñiq nipianiŋman, Jesus-muutiŋagaich iluqaisa naŋirrutilgich, tamatkualu ilitqusiqł̣uqaqtuat.

Mark 1:34

Aasii ilaan iluaqsiŋagai iñugiaktuat naŋirrutilgich qanusiḷimaanik, suli aniłługich iñugiaktuat ilitqusiqł̣uich. Suli ilitqusiqł̣uich uqaqtaiḷivḷugich qanuq iḷisimaŋagaat kiutilaaŋanik.

Mark 3:11

Suli ilitqusiqł̣uqaqtuat, tautukamirruŋ, sitquġaqtut sivuġaanun, aasii nipaalavlutiŋ, Ilivich Iġñiġigaatin God-im.

Luke 4:39

Tavra Jesus makitchaqtuŋaruq siñigviŋisa saniġaannun, aasii suakługu uunnautaa, aasii uunnautaiŋaruq. Tavrauvvaa makiłłuni niqłiuġutirraqsiŋagai.

John 20:31

Aglaan makua aglaagurut ilivsi ukpiquvlusi taamna Jesus Christ-gutilaaŋanik, Iġñiŋa God-im, aasii ukpiliġḷusi iñuggutinnaquvlusi ilaan suaŋŋataagun.

James 2:19

Tavra uqaqtutin ukpiġnivḷutin atausiunivḷugu God, taamna nakuuruq. Ilitqusiqł̣uitchauq ukpiġigaat taamna, aasii iliŋich uuliksisuurut sivuuġavlutiŋ.