Luke 4:32 - Iñupiatun Mumiksat Uqalugiksuat

³² Tavra iñuich kamasuutiqaŋarut iḷisaurriñiŋanik, qanuq ilaan uqaluŋi kamanaŋarut.

Luke 4:32 Iomraidhean Croise

Mark 1:22

Tavra iñuich kamasuŋarut iḷisaurrutiŋigun, qanuq ilaan iḷisaurrutiŋi kamanaŋarut. Iḷisaurriŋaitchuq pitquranik iḷisaurritun.

Luke 2:47

Tavra iluqaġmiŋ tusaaruat ilaanik kamasuŋarut kaŋiqsisuġniŋanik kiggutiŋiñiglu.

Luke 4:33

Tavra aŋaiyyuviŋmi inŋaruq iñuk ilitqusiqł̣uqaqtuaq, aasii nipatutilaamisun nivliŋaruq,

Luke 4:36

Tavra iluqaġmiŋ aliuŋarut aasii avanmun uqaagaqsivḷutiŋ, Sunauna uqallaun? Qanuq sumiñ ataniġnaqutiqaqłuni suaŋŋatiqaqłuniḷu piraksriḷḷagai ilitqusiqł̣uich, aasii ilaisa kamagillavlugu.

John 6:63

Ilitqusiq aitchuiruq iñuggunmik, timi aitchuiḷaitchuq iñuggunmik. Uqaluich uqautigiŋaratka ilivsiññun sivuniqaqtut ilitqusivsiññun aasii aitchuivḷutiŋ iñuggunmik.

John 7:46

Tigurit kiuŋagaich, Qaŋaunnii iñuk uqaŋaitchuq taavrumatun iñuktun.

2 Corinthians 4:2

Paaqsaaŋagiga kiñaliqaa alġaqsruiruaq suqpanaqsiḷiqłuni naagga iḷumun inŋitchuamik, naagga pisaasuġmiaġutikun, naagga allaŋŋuqtiqługu God-im uqalua. Tainna uvaŋa piḷaitchuŋa. Aglaan alġaqsruisuuruŋa iḷumutun, sivuġaani God-im pimmatun. Iluqaġmiŋ iḷisimaruat uvamnik, taamna aŋiġumiñaġaat iḷumun inniḷugu.

1 Thessalonians 1:5

qanuq alġaqsruutigikaptigu tusaayugaaġiksuaq ilivsiññun, uqalułhiñakun piŋaitchuq, aglaallu Ilitqusiġiksuam suaŋŋataagun, nalupqinaiqsruutipiaġatakullu. Iḷisimammiusi qanuq iñuuŋatilaaptiŋnik akunnavsiññi ilivsi pisigivlusi.

Titus 2:15

Iḷisautigikkich tamatkua, atuġlugu iluqaan ataniġnaqutin. Qapiŋaisaakkich suaglugiḷḷu naalaġniruat iliŋnik. Kialiqaa suuŋiḷaġiŋaiḷḷisin.