Luke 4:25 - Iñupiatun Mumiksat Uqalugiksuat

²⁵ Aglaan iḷumun uqallautigivsi, iñugiaktuat uiḷgaŋaruat iñuuŋarut Israel-mi Elijah iñuumman. Sialulaiñŋaruq ukiuni piŋasuni itchaksraniḷu tatqiñi, kaaksiuqpaŋmata iñuich iluqaani nunaŋanni.

Luke 4:25 Iomraidhean Croise

1 Kings 17:1

God-im uqaqtaa Elijah, Tishbe-miu Gilead-mi, uqallaktuq Umialigmun Ahab-mun, “Atqagun Atanġum, iñuuruam God-iŋata Israel, savautirapkun, uqallautigikpiñ uġġuqsraaqaġniaŋitchuq naakka sialugluni malġugni naakka piŋasuni ukiuni uqallatqigataqtilluŋa.”

Matthew 20:15

Piyumiñaitpik uvaŋa isumaptun sutigun uvaŋa pigikkapkun? Naagga sunŋusuutigiviuŋ anniqsraiññiġa?

Luke 10:21

Taavrumani ikarraġmi Ilitqusiġiksuam quviatchaktinniġaa Jesus, aasii uqallaktiłługu, Aapaaŋ, Atanġuruatiin qiḷaŋmun nunamullu, quyyavigigikpiñ tamatkua iriqsimaŋakapkich isumaturuaniñ kaŋiqsisiqaqtuaniḷḷu, aasii satqummiqł̣ugich iñuŋnun ukpiġutiqaqtuanun miqłiqtutun. Aaŋ, Aapaaŋ, taamna piŋagiñ ilivich pisuutigivlugu iviġaumagivlugulu.

Romans 9:15

Qanuq ilaa uqallaŋaruq Moses-mun, “Nagliktuutiqaġniaqtuŋa kimun pisukkuma, tuvraġlugu uvaŋa pisuutiga.”

Romans 9:20

Aŋutaunasugirutin uvvai, kiumayumiñaġlugu God? Sum uuma suliaguruam uqallautiyumiñaqpauŋ suġuqtitini inna, Summan uvva inna savakpiŋa?

Ephesians 1:11

Atausiŋŋuqataukapta Christ-mun, kiŋuvaannaŋarugut iñuggunmik isuitchuamik. Taamna piŋaruq God-im sivuniġiŋavlugu tainna piruksrauvlugu. Ilaan nalautitchuugai ataramik sivunniuġutini.

Ephesians 1:9

Qanuq God isumatupiaġataqtuaq suli kaŋiqsiŋavlugich supayaurat, salapqiŋagaa pisuutini uvaptiŋnun. Ilaan sivunniuġutigiŋakkaŋa iḷisimanaŋaitkaluaqtuaq sivuani, Christ-gum paŋmapak taŋŋiŋagaa.

James 5:17

Elijah iñuktauq uvaptiktun irrusiḷik aasii aŋaiyyuŋaruq kipiġniuqłuni sialuquŋił̣ł̣ugu, aasii ukiuni piŋasuni itchaksraniḷu tatqiñi sialuŋaitchuq nunamun.

Revelation 11:6

Suaŋŋatiqaġmiuk sialukkumiñaiḷḷavlugu uvluŋiññi alġaqsruiñiġmiŋ, suli suaŋŋatiqaqłutiŋ imiġnun auguqtillavlugich. Suli suaŋŋasiqsauŋaruk nuna qanusipayaanik iłuiḷḷiuġutiqaqtillavlugu, qanutun akulaisigilugu pisukkumik.