Luke 4:22 - Iñupiatun Mumiksat Uqalugiksuat

²² Tavra iluqaġmiŋ uqautigilluataŋagaat, suli kamasuutigiŋagaich uqalulluatat uqautigiraŋi. Uqallaŋammiut, Uvvauna Joseph-gum iġñiġigaa.

Luke 4:22 Iomraidhean Croise

Psalms 45:2

Aŋutigigñiqsraurutin uvva aŋutiniñ; uqayuġmiutin. God-im ataramik piḷḷuatautiqaqtitchuugaatin,

Psalms 45:4

Kakaksiġiñ qutchiksiḷutin akimayyaġutin akimmatisaġlugu iḷumun ittuaq pitqiksiġautairrullu. Suaŋaniqpich akimmasiqsuaġisigaatin!

Proverbs 10:32

Nalaunŋaruat iñuich iḷisimarut nakuuruamik uqaluksramiŋnik, aglaan pigiiḷḷiqirauruat uqaluŋich killukuaġutausuurut.

Proverbs 16:21

Isumaturuaq, qatqiñŋaruaq iñuk iḷisimanaġuuruq kaŋiqsimmatiqaqtuaq. Uqaluŋich iviġaumanaqtuat piyumisaałhamaaqtut.

Proverbs 25:11

Uqalulluatauruaq ittuq maniksun kaviqsuatun iḷuani qatiqtaam manium.

Luke 2:47

Tavra iluqaġmiŋ tusaaruat ilaanik kamasuŋarut kaŋiqsisuġniŋanik kiggutiŋiñiglu.

Luke 2:48

Tavra aŋayuqaakisa tautukamitku, niġiiḷḷaqtauŋaruk. Aasii aakaŋata uqallautiŋagaa, Iġñiiŋ, summan inna piŋiksraqtitpisiguk? Uvva, aapallu uvaŋalu ivaŋagiptigiñ uŋiarrisigivlutin.

Luke 21:15

Qanuq aitchuġniaġivsi uqaluksravsiññik isumattutiksravsiññiglu. Nalliataunnii uumigirivsi igḷutuġumiñaisaŋannik qapiqtaġumiñaisaŋanniglu.

Luke 4:21

Tavra uqautirraqsiŋagai, Uvlupak taamna tusaakkaqsi Bible-niñ taŋŋiqsauganiktuq.

John 1:45

Tavra Philip paqinŋagaa Nathanael, aasii uqallautivlugu, Paqinŋagikput iñuk Moses-gum pitqurani uqaqtiŋisalu God-im aglautiŋaraat. Taamnauruq Jesus Nazareth-miu, Joseph-gum iġñiŋa.

John 6:42

Iliŋich uqallaŋarut, Jesus-guŋitpauna, iġñiŋa Joseph-gum? Iḷisimagivut aapaŋalu aakaŋalu. Suvluniasii paŋmapak uqaqpa, Uvaŋa atqaŋaruŋa qiḷaŋmiñ?

John 7:46

Tigurit kiuŋagaich, Qaŋaunnii iñuk uqaŋaitchuq taavrumatun iñuktun.

Acts 6:10

Tavra Ilitqusiġiksuam isumattusiŋagaa Stephen uqaġman, aasii iliŋisa qapiqtalguiñŋagaat.

Titus 2:8

Uqaluqaġlutin naġġuksruġnaġumiñaitchuamik, akiḷḷiḷiqsuqtitin kanŋutchaktitauyumaut, sumik pigiitchuamik uqaksraiḷḷutiŋ uvaptigun.