Luke 4:18 - Iñupiatun Mumiksat Uqalugiksuat

¹⁸ “Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

Luke 4:18 Iomraidhean Croise

Genesis 3:15

Uumikkutigiiksinniaġivsik aġnaġlu; iluqasik kiŋuvaasik uumikkutigiiguuniaqtut. Kiŋuvaaŋata karugniaġaa niaqqun, aasiiḷi kiŋuvaaqpich kiiñiaġaa kimmiŋa.”

Psalms 102:20

Tusaaŋagaich iiqtuaqtuat tigutaaqtat aasii atanġiqsaupkaqługich tuquraksriakkaluat.

Psalms 147:3

Mamititchuugaich anniqsauŋaruat uummatiŋich suli nimmaaqługich kiḷḷiŋich.

Psalms 2:2

Umialiŋich aasii paaqłaŋasivḷutiŋ, Atanniqsuiriŋich atautchimukhutiŋ sivunniuġaqtut paaqłaŋaruanik Ataniġmun paaqłakługulu umialiksraqtaaġikkaŋaa.

Psalms 2:6

“Zion-mi, Uvaŋa salumaruaġivlugu qimiqqamni,” uqallaktuq, “Uvaŋa ilaaguaġiga umialiksraqtaaġa.”

Psalms 34:18

Ataniq qanittuq qapiqpaŋaliqsuanun; annautivlugich niġiukkutaipiallaktuat.

Psalms 45:7

nakuaqsrirutin iluaqtuamik aasi uumigivlugu piḷuktuaq. Tainnaqhuni God-im, ilvich God-ikpich, piksraqtaaġiŋagaatin suli quviasuutiksrił̣haaqłutin allaniñ unnii umialguruaniñ.

Psalms 51:17

God-im iviġaumagigaa aitchuun, atchiksuaq iḷitqusiq; ilvich ayyagniaŋiññiġiñ atchiksuaq isumalitqiksuaġlu.

Matthew 11:5

Ayauŋaruat tautullasirut, tusiattuallu pisuaqtut, kiḷḷiġruaqtuqtuat mamititaurut, tusiḷḷaqtuatsuli tusaallasirut, tuquŋaruallu aŋipkaqtaurut, suli piqaqtuksrauruat tusaayugaaġiksuanik alġaqsruusiaqaqtut.

Matthew 12:18

“Uvva kivgaġa piksraqtaaġiŋaraġa, piviuttaġiraġa iviġaummatigilluatakkaġa. Iḷiñiaġiga Ilitqusiġiksuaġa ilaanun, aasii ilaan quliaqtuaġutiniaġai iñupayaat uvaŋa piḷġusiġitqukkamnik.

Matthew 12:20

Ilaan suksraunġiġñiaŋitkai pasiñaqtuat iñuich, ivigruatun ittuat navviraliŋaruatun ataiḷaisaŋatun iñuum, naaggaunnii qamiyasiuraqtuaq qulliq iñuum qamilaiñmatun. God-im pitqiksiġautairrutaa akimmatitchiaġilugu,

Matthew 4:16

Iñuich taaqtuamiittuat tautugniaġaat ilaa kamanaqtuatun qaummaqtun ittuaq; suli tamatkua sivuuġaruat tuqqunmik, iñuummatun tuqqutim taġġaŋani, iñuurraqsiñiaqtut ukpiliġḷutiŋ, qausaġatautimmatun.”

Matthew 5:3

Quviasuglich tamatkua iḷisimaruat piqaqtuksrautilaamiŋnik God-im ikayuutaanik, qanuq ilaisa pigigaich God-im umialgutiŋi.

Luke 4:17

Aasii qaiñŋagaich makpiġaaŋi Isaiah-m uqaqtaata God-im. Ilaan isivinŋagai makpiġaat aasii paqiłługu aglausimaruaq inna,

Luke 6:20

Tavra Jesus qiviaŋagai iḷitchitqurani, aasii uqallakłuni, Quviasugitchi ilivsi iḷiappauruasii, qanuq pigigisi God-im umialgutiŋi.

Luke 7:22

Tavra ilaan uqallautiŋagik John iḷitchitqurak, Aullaġlutik quliaqtuaġutiyaqtuatku John sunik tautukkaptiŋnik tusaaŋaraptiŋniglu, ayauŋaruat qiñillasirut, tusiattuat pisuallasirut, kiḷḷiġruaqtuqtuat mamittut, suli tusaalaitchuat tusaallasirut, tuquruat aŋipkaqtaummiut, piqaqtuksrauruat tusaayugaaġiksuaq alġaqsruusiaġigaat.

John 1:41

Ilaan paqitqaaŋagaa aniqatini Simon, aasii uqallautivlugu, Paqinŋagikput Messiah (sivuniqaqtuaq Christ-mik).

John 12:46

Qaiŋaruŋa qaummatauvluŋa iñupayaanun, kiñaliqaa ukpiqtuaq uvamnun taaqtuamiitquŋił̣ł̣ugu.

John 3:34

Iñuk God-im tiliraŋa uqaqtuq uqaluŋiñik God-im, qanuq God-im aitchuġaa iluqaanik suaŋŋataanik Ilitqusiġiksuam.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

Acts 26:18

Tavra iḷisautiniaġitin tusaayugaaġiksuanik mumikkumiñaqsiḷugich taaqtuamiñ qaummaġiksuamun, aŋalatinŋaiġḷutiŋ Satan-mun aglaan God-mun, ukpiliġḷutiŋ piḷuutitiŋ suliqutigiŋaiqsautqulugich, suli iḷaliutiyumiñaqsiḷutiŋ God-im iñuksraqtaaŋiñun.

Acts 4:26

Umialgiḷḷu atanaurallu nunami kasimasuurut atautchimi itqanaiyaqłutiŋ akiḷḷiḷiqsuġuqługu Ataniq Christ-ŋalu.”

Acts 4:27

Tavra tainnatun iḷumun Herod-lu Pontius Pilate-lu kasimaŋaruk atautchimi uumani iniqpaŋmi, piqatigivlugich Jew-guŋitchuallu Israel-guruallu akiḷḷiḷiqł̣ugu Jesus, Piḷuutaitchuaq kivgan, Christ-guqtinŋaran.

Colossians 1:13

God-im annautiŋagaatigut atanniqsimmataaniñ Tuunġaum, iñuummatun ittuamiñ taaqtuami, nuurrutivluta atanniqsimmataanun Iġñiġmi piviuttaġirami.

James 2:5

Piviuttaġikkavsii aniqatiit, naalaġnisitchi, God-im piksraqtaaġiŋagai piiḷḷiuqtuat mattumani nunami piiḷḷiuquŋił̣ł̣ugich ukpiġunmi, kiŋuvaannaquvlugiḷḷu atanniqsimaviŋmiñi unniqsuqłiisauŋaruamik ilaan piviuttaġirimiñun.

1 Peter 2:9

Aglaan ilivsi iñuksraqtaaġirauŋarusi, Umialgum aŋaiyyuliqsiqpaŋi, ilaaguaqtauvlutiŋ Nation-guruat, God-im nanmiñiq iñuŋi, piksraqtaaguruat quliaqtuaġitquvlugich aliuġnaqtuat savaaŋi God-im, taavruma ququaġiruam ilivsiññik taaqtuamiñ ilaan aliuġnaqtuamun qaummaġmiñun.