Luke 3:9 - Iñupiatun Mumiksat Uqalugiksuat

⁹ God-im isivġiutaa qallipiaġataqtuq, iñuktun itqanaiqsuatun kipisałhiñaaġuqługu napaaqtuq kaŋiagun. Napaaqtupayaaq siiġñiḷḷuatalaitchuaq kipirausuuruq, aasii qirugivlugu igniġmun. Tainnatun God-im suksraunġiġñiaġai iñuich nalaunŋarualiqiŋitchuat.

Luke 3:9 Iomraidhean Croise

Matthew 3:10

God-im isivġiutaa qallipiaġataqtuq, iñuktun itqanaiqsuatun kipisałhiñaaġuqługu napaaqtuq kaŋiagun. Napaaqtupayaaq siiġñiḷḷuatalaitchuaq kipirausuuruq, aasii qirugivlugu igniġmun. Tainnatun God-im suksraunġiġñiaġai iñuich nalaunŋarualiqiŋitchuat.

Matthew 7:19

Napaaqtupayaaq nauriḷaitchuaq siiġñaġiksuanik kipisuugaat aasii qirriutivlugu igniġmun.

Luke 13:6

Tavra Jesus quliaqtuaġutiŋagai uumiŋa uuktuunmik sivuniġivlugu uqautigianikkani. Iñuk fig napaaqtuanik nautchirriŋaruq siiġñaqaġviŋmiñun, aasii qaivḷuni ivaqłiavigiŋagaa siiġñanik aasii paqinŋaitchuq.

Luke 13:7

Tavra ilaan uqallautiŋagaa napaaqtumik qaunaksri, Uvva, piŋasuni ukiuni ullaguugaluaġiga ivaqłiavluŋa siiġñanik mattumaŋŋa fig napaaqtuaniñ, aasii paqilaitchuŋa. Kippuuŋ. Summan nunaiġutchautauniaqpa?

Luke 13:9

Aasii siiġñikpan ukiutqigu piḷḷuataġniaqtuq, aglaan siiġñiŋiḷgitpan, kipiyumiñaġniaġiñ.

John 15:6

Iñuk atausiŋŋuqatauŋaitchuaq uvamnun qisiqsiutitun igitauvluni palliġuqtuatun ittuq. Palliich qisiqsiutit katitchuugaich aasii igiłługich igniġmun aasii ikirauvlutiŋ.

Hebrews 10:28

Iñuk kamaksriŋitchuaq Moses pitquraŋiñik tuqutaugayuŋaruq nagligiriqayuitchuq, uqaġiriqaġman malġuŋnik piŋasuniglu iḷisimaruanik piḷuusiqimman.

Hebrews 12:29

qanuq God-ikput ikinnillaruatun igniqtun ittuq.