Luke 3:18 - Iñupiatun Mumiksat Uqalugiksuat

¹⁸ Tavra iñugiaktuanik allaniglu siḷġiqsuutinik, John alġaqsruiŋaruq tusaayugaaġiksuanik iñuŋnun.

Luke 3:18 Iomraidhean Croise

Luke 3:17

Ilaa arrilisauniaqtuq iñuŋmun ilaaguaqsiruamun palauvaksranik amiġaŋiññiñ. Katitchuugaich palauvaksrat aasii tutquqługich, aglaalli katitchuugaich amiġaiyaġniġich aasii ikipkaqługich. Tainnatun Ilaa qaiyasiruq isivġiġiaġlugich iñupayaurat, annautiyaqtuġlugich nalaunŋaruat aasii suksraunġiġḷugich piḷuktuat igniġmun qamilaitchuamun.

Luke 3:19

Tavra John uqautigiŋagaa naġġuksruqługu atanauraq Herod pisigivlugu tuvaaqasiutimmagu Herodias aniqanmi tuvaaqataa, suli sutigun allatigun iluqaisigun pigiitchuatigun Herod piraŋigun.

John 1:15

John quliaqtuaqaŋaruq ilaanik, suli nipatuvluni uqaqłuni, Uvva taimña quliaqtuaġiŋaraġa, iñuk qairuaq aqupkun kamanałhaaqtuq uvamniñ, qanuq sivumni inŋaruq.

John 1:29

Uvlutqiŋman John-gum tautuŋagaa Jesus qairuaq tuŋimiñun, aasii uqallaŋaruq, Avva, Imnaiyaaŋa God-im piiqsiruaq piḷuutiŋiññik nunam iñuŋisa.

John 1:34

Aasii tautuŋavlugu quliaqtuaġigiga ilaa Iġñiġinivḷugu God-mun.

Acts 2:40

Peter-m piyumasaapiaŋagai allaniglu uqaluŋnik, siḷġiqsuqługiḷḷu, uqaqłuni, Annaksaġitchi tatavsausiaksrautaanniñ ukua piḷuktuat iñuich.

Acts 20:2

Iglauganikami tamatkunuuna nunaaqqisigun, qapiŋaisaaqługich ukpiqtuat, tikiñŋaruq Greece-mun.

Romans 12:8

Allali iñuk aitchuusiaqaġniġumi siḷġiqsuiñiġmik, siḷġiqsuiḷḷuataġli. Iñuglivsauq aitchuusiaqaġniġumi maniŋñik aitchuiḷḷaluni, aitchuiḷi siŋñataiġḷuni, nanġausiaksraqsiuŋaiġḷuniḷu iñuŋniñ. Allalivsauq aitchuusiaqaġniġumi umialiŋnauniġmik aŋaiyyuliqiruanun, atanniqsimannigli piḷḷuataġluni. Iñuk aitchuusiaqaġniġumi nagliktauniġmik allanun, piḷiuŋ taamna quviasuutigilugu.