Luke 3:16 - Iñupiatun Mumiksat Uqalugiksuat

¹⁶ John-gum uqallautiŋagai iluqaisa, Ilaaguŋitchuŋa. Alla imma iñuk qaiñiaqtuq sapiġñałhaaqtuaq uvamniñ. Nalliummatiŋitchuŋa siŋiiġumiñaġlugik aluġutiŋik. Uvaŋa paptaiġivsi imiġmik, aglaan ilaan iḷiñiaġaa Ilitqusiġiksuaq iḷuvsiññun, aasii piiġḷugu piḷuun.

Luke 3:16 Iomraidhean Croise

Proverbs 1:23

Naalaġnisitchi siḷġiqsuqavsi; uqautiniaġivsi iluaqtuanik suli iḷisimaratka qaiññiaġitka.

Matthew 3:11

Uvaŋa paptaiġivsi imiġmik isumalitqikavsi, aglaan imma qaiñiaqtuaq aqupkun sapiġñałhaaqtuq uvamniñ, nalliummatiŋitchuŋaunnii aluġutik saagaġumiñaġlugik. Iḷiñiaġaa Ilitqusiġiksuaq iḷuvsiññun, aasii piiġḷugu piḷuun.

Matthew 3:12

Ilaan amiġaiyautini kakiuraqpait saagaġigai, suli suaqłuiyaġniaġaa amiġaiyaiviñi aasii katillugich palauvaksrat tutquiviŋmun, aglaan ikipkaġniaġai amiġaŋich qaminnaġumiñaitchuamik igniġmik.

John 1:26

John kiuŋagai, Uvaŋa paptaiġutiqaqtuŋa imiġmik. Akunnavsiññi imma makitaruq nalukkaqsi,

John 1:27

taimña qaiyumaaqtuaq aqupkun, aasii nalliummatiŋitchuŋa siŋiiġumiñaġlugik unnii siŋiŋik aluġutiŋikta.

John 1:33

Taamna piŋaiñŋaan, naluŋagaluaġiga kisuutilaaŋa, aglaan God-im tilisiruam uvamnik paptaiqsitquvluŋa paptaiġutiqaġluŋa imiġmik uqallautiŋagaaŋa, Iñuk tautukkupku Ilitqusiġiksuam atqaġvigikpagu aasii nayuġlugu, taamnauruq iḷisiñiaqtuaq Ilitqusiġiksuamik iḷuvsiññun.

John 7:38

Innauvva Bible uqaluŋich uqaqtut iñukun ukpiqtuakun uvamnun, Iḷuaniñ maqiniaqtut kuuŋi iñuunaqtuam imġum.

Acts 1:5

Qanuq John paptaiġutiqaŋaruq imiġmik, aglaan uvva iñukitchuat uvlut pianikpata, Ilitqusiġiksuaq iḷuvsiññun iḷiñiaġiga.

Acts 10:44

Peter taavrumiŋa uqaqtillugu suli, Ilitqusiġiksuaq atqaŋaruq iluqaiññun naalaġniruanun uqaluŋmik.

Acts 2:33

Ilaa mayuurrauŋaruq taliqpiata tuŋaanun God-im, aitchuusiaqaqłuni ilaaniñ Ilitqusiġiksuamik, Aapami unniqsuqłiisaatun. Aasii taamna paŋmapak tautukkaqsi tusaakkaqsiḷu ilaan aitchuutaa, kuvikkaŋa uvaptiŋnun.

1 Corinthians 12:13

qanuq atausiullaavluta iḷaummatun ittugut Christ timaanun. Ilitqusiġiksuam atausiuruam iluqata atausiŋŋuŋagaatigut, atautchisun timitun, paptaiġutikun Jew-gugaluaġupta naagga Jew-guŋitkaluaġupta, kivgaugaluaġupta naagga kivgauŋitkaluaġupta. Aasii atausiuruaq Ilitqusiġiksuaq aitchuutauruq atausiullaavluta uvaptiŋnun.