Luke 3:11 - Iñupiatun Mumiksat Uqalugiksuat

¹¹ Tavra John kiuŋagai, Iñuk una malġugnik quppiġaaqaqtuaq, aitchuiḷi igḷuanik piitchuamun, suli iñuk niqautiqaqtuaq, tainnatuttauq piḷi.

Luke 3:11 Iomraidhean Croise

Matthew 25:40

Tavrali Umialgum kiuniaġai, Iḷumun uqallautigivsi, savaaġikavsiuŋ atautchimununnii naglignaġniqsramun makua aniqatiima iḷaŋannun, ilivsi savaaġiŋagiksi uvamnun.

Luke 11:41

Savaaġisigik nagliktuiñisi uummativsiññiñ iluqaaniñ. Tainna piguvsi, iḷisimanaqtinniaġiksi uummativsi salumatilaaŋa.

Luke 18:22

Tavra Jesus taamna tusaakamiuŋ, ilaan uqallautiŋagaa, Atautchimik piraksraqavsaaqtutin suli. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin maliŋŋa.

Luke 19:8

Aglaalli Zacchaeus makiłłuni sivuġaanun uqallaŋaruq Ataniġmun, Ataniiq, avvaŋich suġaliġma aitchuutiginiaġitka iḷiappauruanun, suli saglutaġniġupku kiñapayaaq supayaakun, utiqtitchiviginiaġiga sisamaŋŋuġlugu.

John 13:29

Judas pigimmagu maniqaġviŋat, iḷaŋich isumaŋarut Jesus-mun uqallautinasugalugu, tauqsiġiaquvlugu pigiraksraġikkaġmiŋnik niqinaqikpata, naaggaqaa aitchuiyaqtuqunasugalugu iḷiappauruanun.

Acts 10:2

Taamna Cornelius god-iliqiruaguruaq, suli ilaalu qitunġaniḷu qiksigivlugu God. Ilaa ikayuiŋaruq atqunaq Jew-guruat iḷiappaŋiññik, suli ataramik aŋaiyyuvluni God-mun.

Acts 10:31

uqallakłuni, Cornelius, aŋaiyyutin God-im tusaaŋagaa, suli itqaqługich savaatin nagliktuutit.

Acts 10:4

Tavra takunnaakkiutiŋagaa isaġulik iqsiḷḷaġmi, aasii uqallakłuni, Suna Ataniiq. Isaġulgum kiuŋagaa, God-im akuqtuŋagai aŋaiyyutitin, savaatillu nagliktuiñikun, suli itqaŋagaatin.

Ephesians 4:28

Tavraŋŋaaglaan tigligaqti tigligaŋaiġḷi, aglaan savagli saglutaġautaitchuakun, aitchuutiksranikkumauq piiḷḷiuqtuanun.

1 Timothy 6:17

Suġallirualli mattumani nunami piraksrikkich kamasaaġutigitquŋiḷḷugich suġalitiŋ, naaggaunnii arguaŋŋatiqaquŋiḷḷugich nalupqinaqtuanik suġaliġnik, aglaan God-mik atqunaqługu piqaqtitchiruamik uvaptiŋnun supayaanik quviasuutigitquvlugich.

1 Timothy 6:18

Piraksrikkich suġalliruat nakuurualiqitqulugich nauttaaŋaiġḷugu nakuuruanik savaaqaġniq, suli anniqsraŋaiġḷutiŋ piyummatiqaqulugich, saqqiqutiqallaatqulugich piiḷḷiuqtuanun.

Hebrews 6:10

Qanuq God nalaunŋaruq. Naluruuraaġniaŋitkaa ikayuutiksi, piviuttaqqullu iḷisimanaqtitaqsi savautikavsigik ukpiqtuat ilaa pisigivlugu, piḷġusivsisun paŋmapak.

James 1:27

Uvva innaittuq God-im nalaunŋarualikkaŋa iḷumutullu ittualivḷugu ukpiqtuaguniq, takulugich aŋayuqaagiŋaruat, uiḷgaŋaruallu piiḷḷiuqpata, suli qaunagiluni inmiñik piḷuksisuŋiḷḷuni nunam iñuŋisun.

James 2:14

Aniqatiimaaŋ, iñuk uqaqtuaq ukpiġutiqaġnivḷuni aasii anniqsuiñiaŋiḷḷuni allanik, ukpiġutaata anniqsuġumiñaqpauŋ? Ukpiġutaan tainnaittuam annautiyumiñaitkaa.

1 John 3:17

Kiñaliqaa suġalliruaq aasii iḷitchuġivlugu aniqatini piiḷḷiuqtuaq, aasii nagliksrautaił̣ł̣uni ilaanun, pimaaqtuġumiñaitkaa God-im piviuttaqqutaa iḷumiñi inniḷugu.

1 John 4:20

Kiñaliqaa uqallakkumi, Piviuttaġigiga God, aasii uumigilugu aniqatini, sagluruq, qanuq iñuk piviuttaqsriŋitchuaq aniqanmiñik tautuŋakkaġmiñik, qanuġluni piviuttaqsriyumiñaitchuq God-mik tautuŋaisamiñik.