Luke 3:1 - Iñupiatun Mumiksat Uqalugiksuat

¹ Tavra una piŋaruq akimiaŋanni ukiut umialguniŋani Tiberius Caesar-m, Pontius Pilate kavanaupkaqługu Judea-mi, aasiiḷi Herod atanauraumman Galilee-mi, ilaan aniqataa Philip atanauraumman nunaŋiññun Ituraea-m Trachonitis-lu, suli Lysanias atanauraumman Abilene-mi.

Luke 3:1 Iomraidhean Croise

Genesis 49:10

Judah-m tigummiñiaġaa umialguruam ataniġnaqutaa, Suli kiŋuvaaŋich atanniqsimanniguuniaqtut. Nunaqpauruat qaġġirriñiaqtut ilaanun nanġautauruanik; Suli pullutiŋ sivuġaanun kamakkutiqaġlutiŋ.

Matthew 14:1

Tavrani Herod atanaurauruaq Galilee-mi, tusaakami kamanautaanik Jesus,

Matthew 14:3

Qanuq Herod-gum tigupkaŋagaa John aasii qiḷiqsruipkaqługu isiqługu tigutaaġviŋmun, pisigivlugu Herodias, aniqanmi Philip nuliaŋa.

Matthew 14:6

Tavra Herod annivia tikiñman, pania Herodias kanaakkiuŋaruq sivuġaanni tuyuġmiami, aasii iviġaŋagaa Herod.

Matthew 22:17

Uqallauttutigut qanuq isumatilaaġnik. Paaqsaaŋava uvagut pitquraptiŋni naagga nalaunŋava akiḷiiruni taxes-nik Caesar-mun Rome-miut umialgannun?

Matthew 27:2

Tavra qiḷiqsruiŋagaat, aasii aullautivlugu aitchuutigiŋagaat Pilate-mun kavanauruamun.

Mark 6:17

Qanuq Herod tilisivḷuni aŋuyaktinik tigupkaŋagaa John, aasii qiḷiqsruivḷugu tigutaaġviŋmi pisigivlugu Herodias, aniqanmi Philip nuliaŋa, ilaan nulialiutikkani.

Mark 6:21

Kiisaimmaa Herodias piviksraŋa nalautitpuq. Herod annivia tikiñman niqinaqutimmagich iluqaisa qaukłiich kavamauruat, aŋuyaktillu qaukłiŋich, suġalliruallu Galilee-mi.

Luke 13:31

Taavrumanipiallak ikarraġmi iḷaŋich Pharisees qaiŋarut, aasii uqallautivlugu Jesus, Aullaġiñ maaŋŋa, qanuq amma Herod tuqutchukkaatin.

Luke 2:1

Taipkunani uvluni Caesar Augustus pitquraliŋaruq nunam iñupayauraŋi atanniqsimakkani atchiitquvlugich.

Luke 23:24

Tavra Pilate sivunniiŋaruq piruksraġuqługu kipiġniuġutaat.

Luke 3:19

Tavra John uqautigiŋagaa naġġuksruqługu atanauraq Herod pisigivlugu tuvaaqasiutimmagu Herodias aniqanmi tuvaaqataa, suli sutigun allatigun iluqaisigun pigiitchuatigun Herod piraŋigun.

Luke 9:7

Tavra Herod Atanaurauruaq Galilee-mi, tusaakami iluqaiññik savaaguruanik, ilaa alapinŋaruq, pisigivlugu iñuich iḷaŋisa uqautigikkaŋat John Paptaiqsi aŋipkaqtaunivḷugu tuqqunmiñ,

Acts 23:26

Claudias Lysias, Kamanaqtuamun kavanamun Felix-mun, paġlan.

Acts 24:27

Tavra ukiuk malġuk naanmaŋnik, Felix kavanauruaq simmausiŋagaa Porcius Festus-gum, aasii Felix-gum iviġallagumavlugich Jew-guruat, qimaŋagaa Paul tigutaaqtauvlugu.

Acts 26:30

Tavrani umialik kavanauruaġlu Bernice-lu iluqaġmiglu allat iñuich makinŋarut,

Acts 4:27

Tavra tainnatun iḷumun Herod-lu Pontius Pilate-lu kasimaŋaruk atautchimi uumani iniqpaŋmi, piqatigivlugich Jew-guŋitchuallu Israel-guruallu akiḷḷiḷiqł̣ugu Jesus, Piḷuutaitchuaq kivgan, Christ-guqtinŋaran.