Luke 24:4 - Iñupiatun Mumiksat Uqalugiksuat

⁴ Qanuqsausiitchaġataviksillugich taavrumuuna, tavraŋŋatchiaq iññuk malġuk makinniqsuk saniġaannun qiŋŋaġnaqtuanik annuġaaqaqtuak.

Luke 24:4 Iomraidhean Croise

Genesis 18:2

aaġluqami tupaŋaruq tautukkamigi piŋasut aŋutit makitaruat tavrani. Tautuksaqługiḷḷu, aqpamik kasuġiaŋagaich tupiġmiñ. Pułłuni kiiñani aksiutivlugu nunamun,

Mark 16:5

Tavra isiqłutiŋ iḷuvviviŋmun, tautuŋagaat nukatpiaq aquppiruaq taliqpiata tuŋaani, annuġaaqaqłuni akuqturuamik qatiqtuamik, aasii iqsitchakłutiŋ.

Luke 2:9

Tavra Atanġum isaġulgata niptaġvigiŋagai, suli qaumanġa Atanġum qaummaġiksinŋaruq avataannun, aasii iqsiḷiŋarut.

Luke 24:5

Tavra iqsitchakłutiŋ aġnat punŋarut nunamun. Iññuk uqallaŋaruk ilaiññun, Summan ivaqpisiuŋ iñuuruaq akunġanni tuquŋaruat? Uvaniinŋitchuq. Aŋiŋaruq tuqqunmiñ.

Acts 1:10

Tavra takunnaġataviksillugich qiḷaum tuŋaanun aullaġvianun, iññuk malġuk makitaaniŋaniqsuk saniġaanni qatiqtuanik annuġaaqaqtuak,

Acts 12:7

Tavraŋŋatchiaq isaġulga Atanġum makinŋaruq tavruŋa, suli qaummaq qaummaġiksiŋaruq tigutaaġviŋmi, aasii isaġulgum saqiñŋagaa Peter tuiqqaŋagun, aasii itiqsaqługu, uqallakłuni, Makittin qilamik. Suli tavrauvvaa kalimñat kataŋarut tayaġniŋiñiñ.

1 Timothy 3:16

Kialiqaa piiḷaaġiyumiñaitkaa qanutun kamanaġniŋa kaŋiqsiñaiñŋaruam ukpiġikkapta. Christ qiñiġnaqsiŋaruq timiqaqłuni iñuktun, iḷumun inniŋagaa Ilitqusiġiksuam, tautuŋagaat isaġulgich. Ilaa alġaqsruutauŋaruq akunġanni nunauruat, ukpiġiŋagaat iñuich, mayuurrauŋaruq qiḷaŋmun.