Luke 23:9 - Iñupiatun Mumiksat Uqalugiksuat

⁹ Tavra Herod-gum sivisuuraqtuami apiqsruqtuŋagaa Jesus, aglaan ilaan kiulaiñŋagaa.

Luke 23:9 Iomraidhean Croise

Psalms 39:9

Nivliraġniaŋitchuŋa. Uqallagniaŋitchuŋalu, ilvich kiuvva tainnatchikun nagliksaaqtitkigma.

Matthew 27:12

Tavra ilaa saŋutkaluaġmanni aŋaiyyuliqsiqpaiḷḷu umialiŋnallu, kiulaiñŋagai.

Matthew 27:14

Tavra Jesus kiuŋaitkaa sumikunnii, kavanauruaq aliuġutchapiaġataqługu.

Matthew 7:6

Iḷisautiniatagnagich uumisuglutiŋ paaqsaaŋaruat God-mun qanuq qimmisun ittut saallusi ugiaġniaqsaġumaruatun ilivsiññik. Iḷisautiniaqsaġaluaqtuni ittut iḷisimmatun uyaġagnik akisuruanik tuttuqłuich sivuġaannun. Puttuqsrisaitchut akisutilaaŋanik aasii tunmalugigiññaqługich.

Mark 15:5

Tavra Jesus kiuŋiḷgitchuqsuli. Tavra Pilate kamatchaktuq.

Luke 13:32

Tavra ilaan uqallautiŋagai, Aullaġlusi uqallautiyaqtuqsiuŋ taamamna pisukkaaq, anittaiñiḷuŋa ilitqusiqł̣uŋnik suli iłuaqsiriñiḷuŋa naŋirrutinik uvlupak uvlaakullu, aasii uvluk piŋayuaŋni naallugu savaaġa.

Luke 23:10

Tavra aŋaiyyuliqsiqpaich iḷisaurriḷḷu pitquranik makitaruat tamaani, suammakłutiŋ saŋunŋagaat Jesus.

John 19:9

Isitqiŋaruq isivġiġviŋmun aasii apiġivlugu Jesus, Sumiñ qaivich? Jesus kiuŋaitkaa.

Acts 8:32

Tavra uqaluuraq Bible uqaluat taiguaġinikkaŋa uumiŋauniqsuq, “Imnaisun tasikuaqtauruatun tuqutchiviŋmun naagga imnaiyaatun sivuġaani salirimi nivliḷaitchuatun, ilaaptauq uqallaŋaiñmiuq.

1 Peter 2:23

Uqamaqłuurraukami, uqamaqłuunmik kiummatiŋaitchuq. Nagliksaaqami, sivuuġasaaqłiŋaitchuq, aglaan ukpiġiŋagaa God, isivġiiruaq nalaunŋaruakun.