Luke 23:5 - Iñupiatun Mumiksat Uqalugiksuat

⁵ Tavra iliŋich katchuŋaiñŋarut uqaqłutiŋ, Ilaan aŋalayyauġai iñuich, iḷisaurrivḷuni iluqaani Judea-mi, Galilee-miñqaŋa uumuŋaaglaan inimun.

Luke 23:5 Iomraidhean Croise

Psalms 22:16

Pigiiḷḷiqirit katiłłutiŋ avatkaanŋa; qimmitun atautchikuaqhutiŋ qalliuraġvigigaanŋa; kapiŋagaich argatka isigatkalu.

Psalms 57:4

Avatkaanŋauvva akiḷḷiima, laiyaqpaktun iñuktuqsiññaatun. Panatullu qaġruŋisullu pisiksit kigutiŋich ittut; uqaqaqtut ipiktigiruanik igḷuktuuliktun.

Psalms 69:4

Uumikłiqsuat uvamnik patchisaitkaluaŋŋaġmiŋ iñugiałhaaqtut nutchamniñ. Akiḷḷiima sagluuġutigiraġigaanŋa; suaŋałhaqhutiglu tuqutchumavluŋa. Utiqtitchipkaqłuŋa sunik tigliŋaitkaluaqtilluŋa.

Matthew 11:1

Tavra Jesus naatchikami iḷisaurrunmiñik qulit malġuk iḷitchitquramiñun, tavraŋŋa aullaŋaruq iḷisaurriyaqtuqłuni alġaqsruiyaqtuqłuniḷu nunaaqqiñun tamaaniittuanun.

Matthew 2:1

Jesus aniŋaruq Bethlehem-mi Judea-miittuami, Herod umialgumman. Tavra Iḷitchiruat iñuich paaŋŋamiñ tikiññamiŋ Jerusalem-mun, apiqsriŋarut.

Matthew 27:24

Tavra Pilate iḷitchuġikami qanuġluni piyumiñaiññiqami, piallagniksraŋat isagutiniuraaqsiññaaqsimman, ilaa tigusiŋaruq imiġmik aasii iqaġivlugich argagni takkuanni iñusalaich, uqallakłuni, Uvaŋa patchisauŋitchuŋa uuma iñuum tuqutauniksraŋagun. Ilivsi pisiuŋ.

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Mark 1:14

Tavra John tigutaaqtauganiŋman, Jesus Galilee-muŋaruq alġaqsruivḷuni tusaayugaaġiksuanik God-miñ,

Luke 11:53

Tavra aullaġman tavraŋŋa, iḷisaurriḷḷu pitquranik Pharisees-lu suammautiniarraqsiŋagaat, suli alapitinnialavlugu apiqsruqtuqługu iñugiaktuanik apiqqutinik.

Luke 23:23

Tavra iñuich katchuŋaiñŋarut, saqłakłutiŋ Jesus kikiaktuutiraksraupiaġnivḷugu aŋarrauramun. Kiisaimmaa saqłakłutiŋ akimavut.

Luke 23:6

Tavra Pilate taamna tusaakamiuŋ, apiqsriŋaruq iñuk taamna Galilee-ġmiugummagaan.

John 1:43

Uvlaakumman Jesus sivunniŋaruq Galilee-mugukłuni. Paqiłługu Philip uqallautiŋagaa, Maliŋŋa.

John 19:15

Iliŋich nipaallaŋarut, Tuqulli. Tuqulli. Kikiaktuutilugu aŋarrauramun. Pilate uqallautiŋagai, Kikiaktuutiniaqpigu Umialiksi? Aŋaiyyuliqsiqpaich uqallaŋarut, Umialgitchugut allamik, Caesar kisian.

John 2:11

Taamna aliuġnaqtuaq Jesus pikkaŋa Cana-mi Galilee-miittuami sivulliuŋaruq nalupqinaiyautinun kamanautiqaqtilaaŋanun, aasii iḷitchitquraŋi ukpiliŋarut ilaanun.

John 7:41

Allalli uqallaŋarut, Ilaa Christ-gupiaqtuq. Aglaan iḷaŋich uqallaŋammiut, Christ qaiyumaaqpa Galilee-miñ?

John 7:52

Ilaisa kiuŋagaat, Ilivitchauq Galilee-miñ pimmivich? Taiguammaġiksaaġiñ Bible-niñ iḷitchuġiyumautin uqaqtaa God-im iñukpalliġumaaŋisilaaŋanik Galilee-miñ.

Acts 10:37

Iḷisimarusi taamna tusaayugaaġiksuaq siaminŋaruq iluqaani Judea-mi, isagutivluni Galilee-miñ John Paptaiqsi alġaqsruiganiŋman.

Acts 23:10

Tavra uqavaaqtuat suammaŋmata, qaukłiat aŋuyaktit anayatchaŋaruq Paul siquvrataġinasugalugu iliŋiññun. Tavraasii piraksriŋagai aŋuyaktini atqaquvlugich kasimaruanun aullautitquvlugu Paul, aasii itqutilugu aŋuyaktit igluŋiññun.

Acts 5:33

Uqaqsitaaqtitchirit tusaakamirruŋ taamna, qinnalipiaġataŋarut, suli tuqutchuŋagaich tilirauruat iḷitchitqurat.

Acts 7:54

Tavra iḷauruat uqaqsitaaqtitchiriñun naalaġniruat Stephen-mik, qinnalipiaġataŋarut kigutitiŋ kiggisilaallaisa.

Acts 7:57

Tavra iliŋich nipaallaŋarut nipatusivḷutiŋ, suli siutitiŋ matuuqługich, upaktuŋagaat atautchikun.