Luke 23:4 - Iñupiatun Mumiksat Uqalugiksuat

⁴ Tavra Pilate uqallaŋaruq aŋaiyyuliqsiqpaŋnun iñusalaŋnullu, Patchisiksramik iḷitchuġiŋitchuŋa uumani iñuŋmi.

Luke 23:4 Iomraidhean Croise

Matthew 27:19

Tavra Pilate isivġiipkaqtillugu isivġiġvium aquppiutaŋiñi, nuliaŋan tilisivigiŋagaa uqaluŋmik, Iḷaksianagu taamna nalaunŋaruaq iñuk, qanuq iłuiḷḷiuġutigillakkiga ilaa unnuapak siññaktuġivlugu.

Mark 15:14

Tavra Pilate-gum uqallautiŋagai, Summan? Sumik pitquramik navgiŋava? Tavra saqłautivsaaqsiññaŋagaat atqunapiaġataq, Kikiaktuutili.

Luke 23:22

Piŋayuaŋni Pilate-gum uqallautigalualgitkai, Summan? Sumik pigiitchuamik piŋava? Iḷitchuġiŋitchuŋa ilaani qanusipayaamik patchisiksramik tuqurrutauyumiñaqtuamik. Tavra ipiġaqtuqtisiññaġlugu tigutaaqtauŋaiqsinniaġiga.

John 18:38

Pilate apiġiŋagaa, Suuva iḷumun ittuaq? Taamna uqallausiġiqqaaqługu, anitqiŋaruq Jew-guruanun, aasii uqallautivlugich, Iḷitchuġiruŋa patchisiksraisilaaŋanik.

Acts 25:25

Aasii iḷitchuġiŋaitchuŋa sumik ilaan savaaŋanik tuqqutauyumiñaqtuamik. Aasii isivġiqumman Caesar-mun umialiŋmun, sivunniutiŋagiga taamuŋaqtitchukługu.

Acts 3:13

God-tiŋata Abraham Isaac-guvlu Jacob-lu, God-iŋata maŋŋuupta kamanaqsiḷiŋagaa kivgani Jesus. Ilivsi aitchuutigiŋagiksi ataniġnaqutiqaqtuanun, pisuŋił̣ł̣ugulu Pilate takkuani, ilaan tigutaaqtauŋaiqsitchukkaluaġmagu.

Hebrews 7:26

Qanuq nalaunŋaruq tainnatchimik aŋaiyyuliqsiqpaich qaukłiannik piqaġupta, ilaaguaqtauruamik God-mun, pasiñaġumiñaitchuamik, piġuaġniġitchuamik, ilaaguaŋaruamik piḷuusiqiriniñ, kamanaqsipkaqtauruamik qiḷaŋmi.

1 Peter 1:19

Atanġiqsitauŋarusi akisupiaġataqtuamik aitchuutauŋaruamik Christ-mik, aitchuutauruaq imnaiyaatun qilluutaitchuatun.

1 Peter 2:22

Ilaa piḷuusiqiŋaitchuq sumikunnii. Qaŋaunnii sagluŋaitchuq.

1 Peter 3:18

Christ nagliksaaŋammiuq. Ilaa tuquŋaruq atausiaqłuni pisigivlugich iluqata piḷuusiqirinii piḷuutivut, iñuk nalaunŋaruaq pisivlugich nalaunŋaitchuat, akuqtuġnaqsisaqłuta God-mun. Ilaan timaa tuqutauŋagaluaqtuq ilitqusia iñuuruq-suli.