Luke 23:2 - Iñupiatun Mumiksat Uqalugiksuat

² Tavra iliŋisa uqautigirraqsiŋagaat uqaqłutiŋ, Iḷitchuġigikput una iñuk asiñuurriñiaqtuaguvlugu iñuptiŋnik, suli aitchuitquriŋił̣ł̣uni akiḷiutinik taxes-nik Caesar-mun, uqaqłuni ilaa Christ-gunivḷuni umialik.

Luke 23:2 Iomraidhean Croise

1 Kings 18:17

Ahab-gum tautukkamiuŋ, uqallaktuq, “Uvaniittutilliqaa—iłuiḷḷiuqtitchiriqpak Israel-mi!”

Psalms 35:11

Piḷuktuat uqausiġisuugaanŋa akiḷḷiqsruqłuŋa pasivḷuŋalu savamaqłuutinik nalukkamnik.

Psalms 62:4

Uvva anmuksruġniataksiññaġiñ qiksigñaqsisaaniñ; qaamasuuttaġigitin sagluuġutit. Uqaluktin quviasaaġutaugaluaqtut, qammaaglaan uummatigni uqamaqłuun.

Matthew 17:27

Tainnailluqtuqunnii iłuigutchaguŋiḷḷugich, niksiḷiġiaġiñ immamun, aasii tigulugu niksiksan sivulliq qakitkupku aatchaqtitkupku paqinniaqtutin naamaruamik maniŋmik tax-iutiksraptiŋnik aŋaiyyuvikpaŋmun. Tigulugu manik aitchuutigiyumagiñ ilaiññun aitchuisilunuk.

Matthew 22:21

Iliŋisa kiuŋagaat, Caesar. Tavrali Jesus uqallautiŋagai, aitchuutigisigik Caesar-mun sut pigikkaŋi Caesar-m aasii God-mun sut pigikkaŋi God-im.

Matthew 27:11

Tavra Jesus makitaŋaruq sivuġaani kavanauruam, aasii kavanauruam apiġiŋagaa, Umialigivatin Jew-guruat? Jesus kiuŋagaa, Tainna uqallaktutin.

Mark 12:17

Tavra Jesus uqallautiŋagai, Aitchuutigisigik Caesar-mun sut pigikkaŋi Caesar-m, aasii God-mun sut pigikkaŋi God-im. Tavra ilaa kamasuutigiŋagaat.

Mark 15:2

Tavra Pilate apiġiŋagaa, Umialigivatin Jews? Tavra Jesus kiuŋagaa, Uqallausiġigiñ.

Luke 23:14

aasii uqallautivlugich, Qaġġirriŋagivsiŋa uumiŋa iñuŋmik asiñuurriñiaqtualivḷugu iñuŋnik. Aasii qanuġitilaaqqaaqługu sivuqqavsiññi, iḷitchuġiŋitkiga una iñuk piḷuutiqaġlugu nalliannik unnii pasikkutivsi ilaanun.

Luke 23:5

Tavra iliŋich katchuŋaiñŋarut uqaqłutiŋ, Ilaan aŋalayyauġai iñuich, iḷisaurrivḷuni iluqaani Judea-mi, Galilee-miñqaŋa uumuŋaaglaan inimun.

John 18:29

Tavra Pilate anniqiŋagai aasii uqallautivlugich, Sumik pasikkutiqaqpisi uumuuna iñukun?

John 18:30

Ilaisa kiuŋagaat, Una iñuk pitquranik navguirauŋitpan aitchuutiginayaitkikput iliŋnun.

John 19:12

Taapkua uqaluich pisigivlugich Pilate-gum tigutaaqtauŋaiqsinniaŋagaluaġaa Jesus, aglaan Jew-guruat nipaallaksiññaŋarut, tigutaaqtauŋaiqsitkupku una iñuk, Caesar-m avilaitqatigiŋitkaatin. Iñupayaaq iḷiuqtuaq inmiñik umialiguqtiqłuni akiḷḷiḷiqsuutiruq Caesar-mun umialguruamun Rome-mi.

Acts 24:13

Naaggaunnii ukpiġnaqsiḷiġumiñaitkaat iliŋnun paŋmapak pasikkutigikkaqtiŋ uvamnun.

Acts 24:5

Una iñuk iḷitchuġigikput iññuqłuuvlugu, ilaan aullaqisuugai tuavaallatit Jew-guruani nunami iluqaani, aullarrauvluniḷu Nazarene-guruanun.

Romans 13:7

Akiḷiisitchi iluqaiññun ataniġnaqusiraqtuanun qanutupayaaq piqaqtuksraukpata. Akiḷiisitchi akiḷiutinik kavammanun suli akiḷiġḷugich tax-iutit tauqsiqavsi suġauttanik. Qiksigilugich tamatkua qiksigiraksrauruat, suli isummatigilluataġlugich isummatigilluatagaksrauruat.