Luke 21:12 - Iñupiatun Mumiksat Uqalugiksuat

¹² Aglaan tamatkua iluqaġmiŋ sivuanni, iñuich tiguniaġaasi nagliksaaqtillusiḷu. Aitchuutiginiaġaasiḷu aŋaiyyuviŋñun tigutaaġviŋñullu, qaġġirrauraġaġniaġmiusi sivuġaannun umialgich atanaurallu pisigiluŋa.

Luke 21:12 Iomraidhean Croise

Matthew 22:6

Iḷaŋisuli tigguġluŋagaich kivgaŋi, anaumikł̣ugich, suli tuquġaqługich.

Matthew 24:8

Tamarra tamatkua aullaqisaaŋich isumaaġutit piruksrauruat Christ-guruaq qaiŋaiñŋaan.

Luke 21:11

Nunalu aulaviñaqtaġniaqtuq, suli sumiḷiqaa inini niqaiḷḷiuqtaġniaqtut naŋirrutiqpaiḷḷu, suli piñiaqtut iqsiñaqtuat kamanaqtuallu allayuaġnaqtuat siḷami.

John 15:20

Itqaumasigik uqaluich uqallautitka ilivsiññun, kivgaq kamanałhaaŋitchuq ataniġmiñiñ. Iliŋisa nagliksaaqtinŋakpanŋa, nagliksaaqtinniaġmigaasivsauq. Iliŋisa kamagiŋakpatigik uqalutka, kamaginiaġmigaitchauq uqalusi.

John 15:21

Aglaan tamarra tamatkua piñiaġaich iluqaisa ilivsiññun uvaŋa pigikkavsi, qanuq ilaisa naluvlugu taamna tilisiruaq uvamnik.

Acts 22:30

Tavra uvlaakumman aŋuyaktit qaukłiat kipiġniuqłuni iḷisimasukługu nalupqinaiġḷugu sumik Jew-guruanun pasisilaaŋanik Paul. Qiḷiġutaiŋagaa Paul, aasii piraksriqł̣ugich aŋaiyyuliqsiqpaich iluqaisalu uqaqsitaaqtitchirit katitquvlugich. Tavra ilaan qaġġisiŋagaa Paul ilaiññun aasii inillakługu sivuġaannun.

Acts 5:40

Tavra uqaqsitaaqtitchirit kamagiŋagaat Gamaliel piraksriutaa. Aasii ququaqqaaqługich tiliraunikun iḷitchitqurat, ipiġaqtuqtinŋagaich, suli piraksriqł̣ugich uqaquŋił̣ł̣ugich suuramikunnii quliaqtuaġilugu Jesus, aasii anipkaqługich.

Acts 8:3

Tavra Saul nagliksaaqtiqpaŋagai aŋaiyyuliqiruat, suli isauġiqł̣ugich iglut, piaqłuktaqługich aullautiŋagai aŋutillu aġnallu tigutaaġviŋmuksimmaisa.

Acts 9:4

Aasii Saul ulġuŋaruq nunamun, suli tusaaŋaruq nipimik uqallaktuamik inmiñun, Saul, Saul, summan nagliksaaqtitpiŋa?

1 Peter 2:13

Kamakkutiqaġitchi iñupayaanun ataniġnaqutiqaqtuanun Ataniq pisigilugu, Rome-miut umialgannun qaukłiuruamun,

Revelation 2:10

Sivuuġaginagu nagliksaaġutigiyumaagaqsikkaqsi. Uvva, Tuunġaum isiqtaupkaqsaġumaagaqsigai iḷasi, uuktuaqtautquvlusi. Tavraasi uvluni qulini iłuiḷḷiuġutiqpaqaġniaqtusi. Ukpiġutiqaġitchi tuqunivsiññun aglaan, aasiiḷi akiḷiññiaġivsi iñuggusiġḷusi isuitchuamik niaquġusiġmatun.