Luke 20:1 - Iñupiatun Mumiksat Uqalugiksuat

¹ Uvlut iḷaŋanni, Jesus iḷisaurripkaqtillugu iñuŋnik aŋaiyyuvikpaŋmi suli alġaqsruivḷuni tusaayugaaġiksuamik, aŋaiyyuliqsiqpaich iḷisaurriḷḷu pitquranik, piqatigivlugich Jew-guruat umialiŋnaŋich ullaŋagaat Jesus.

Luke 20:1 Iomraidhean Croise

Matthew 26:55

Tavrani Jesus uqallautiŋagai iñusalaich, Qaiŋavisi tigligayuktimik pisaġmatun, savikpagnik anauttaniglu satkuqaqłusi tigusaqtuqłuŋa? Uvlumiñ uvlumun aquppigaluaġaqtuŋa aŋaiyyuvikpaŋmi iḷisaurrivḷuŋa, aasii tigguġlulaitkivsiŋa.

Luke 20:2

Aasii apiġivlugu, Uqallautitigut sum ataniġnaqutaagun tamatkua pivigich? Kia taavrumiŋa ataniġnaqusiqpatin tamatkua pitquvlugich?

Luke 8:1

Taavruma aquuraŋagun Jesus kukiḷuŋaruq iniqpaktigun nunaaqqiuratigullu, alġaqsruivḷuni tusaayugaaġiksuanik God-im atanniqsimmataagun iñuŋnun. Suli qulit malġuk kukiḷuqatigiŋagaat.

John 18:20

Jesus kiuŋagaa, Uqaŋaruŋa iñuŋnun salapqiruakun, ataramik iḷisaurrisuuruŋa aŋaiyyuviŋiññiḷu aŋaiyyuvikpaŋmiḷu, iluqaġmiŋ Jew-guruat katirvikaaŋannun. Uqaŋaitchuŋa sumik nalunautchiḷuŋa.

Acts 4:1

Tavra Peter-lu John-lu uqaġataviksillugik iñuŋnun aŋaiyyuliqsiqpaich, atanauraŋallu aŋaiyyuvikpaum munaqsriŋisa, Sadducees-lu ullaŋagaich,

Acts 6:12

Tavra ilaisa tainnaqłutiŋ aŋalayyauŋagaich iñuich, umialiŋnallu, iḷisaurriḷḷu pitquranik. Tavra Stephen ullakługu tigguġluŋagaat, aasii qaġġisivlugu uqaqsitaaqtitchiriñun.