Luke 2:9 - Iñupiatun Mumiksat Uqalugiksuat

⁹ Tavra Atanġum isaġulgata niptaġvigiŋagai, suli qaumanġa Atanġum qaummaġiksinŋaruq avataannun, aasii iqsiḷiŋarut.

Luke 2:9 Iomraidhean Croise

1 Kings 8:11

qaummatiłłuni qivliqtuamik qaumaniŋa Atanġum nayuqtauniŋata, aasii tavra isiġumiñaiñŋarut savaaksratiŋ savagiaġlugich.

Exodus 16:10

Aaron uqaqtillugu Israel-gum kiŋuvaaŋich qiviaġniqsut tuŋaanun nunagluktuam, aasii tavraŋŋatchiaq nuviyakun nuiruq qivliġruaqtun qaumaniŋa Atanġum.

Exodus 16:7

Uvlaami tautugniaġiksi Atanġum, itqatauniŋata qaumaniŋa. Tusaaŋagaasi uqaviḷuutigavsiuŋ—ii, ilaa paaqłakługu, qanukkii uvva uvaguk savaaġisiññaġivuk piraksriqsuutiŋi.”

Matthew 1:20

Tavra taavrumiŋa isumalaaġutiqaqtillugu, Atanġum isaġulga niptaŋaruq ilaanun siññaktukun, aasii uqaqłuni, Joseph, kiŋunġuruatiin David-mun, sivuuġanak Mary-mik tuvaaqatiniksaġnipkun, qanuq ilaa siŋaiyaupkaŋagaa Ilitqusiġiksuam.

Luke 1:28

[Tavra Gabriel-gum ullaŋagaa aasii uqallautivlugu, Tutqiutiqaġiñ, iviġaumagiraupiaqtuatiin, Atanġum itqatigigaatin. Quviatchaktitaurutin naamaruamik aġnapayaaniñ.]

Luke 2:8

Tavra tamaani nunami imnaiḷiqirit qaunaksriŋarut imnaimiŋnik unnuami.

Luke 24:4

Qanuqsausiitchaġataviksillugich taavrumuuna, tavraŋŋatchiaq iññuk malġuk makinniqsuk saniġaannun qiŋŋaġnaqtuanik annuġaaqaqtuak.

John 12:41

Isaiah-m uqallausiġiŋagaa taamna qanuq tautuŋavlugu Jesus kamanautaa aasii ilaa uqautigivlugu.

Acts 12:7

Tavraŋŋatchiaq isaġulga Atanġum makinŋaruq tavruŋa, suli qaummaq qaummaġiksiŋaruq tigutaaġviŋmi, aasii isaġulgum saqiñŋagaa Peter tuiqqaŋagun, aasii itiqsaqługu, uqallakłuni, Makittin qilamik. Suli tavrauvvaa kalimñat kataŋarut tayaġniŋiñiñ.

Acts 27:23

Qanuq unnuapak makitaŋaruq saniqqamni isaġulga God-im ukpiġikkaġma, aŋaiyyuvigisuukkaġmalu,

Acts 5:19

Taavrumani unnuami isaġulgan Atanġum upkuiŋagai tigutaaġvium paaqpaŋi, aasii annisikamigich tiliraunikun iḷitchitqurat uqallautiŋagai,

2 Corinthians 3:18

Tavraasii uvagut ukpiqtuaguruaguut taalutaitchugut iriġumiñaġluta Atanġum qiḷaŋmiŋŋaqtauruamiñ qaumanġaniñ. Uvagut qiñiqtuiññaqaptigu Ataniq ukpiġutikun, allaŋŋuqtuaqtugut ilaatun iḷisaiññaqłuta, suli Atanġum Ilitqusiġiksuaŋata kiikaa iḷisaiññaqtitkaatigut ilaatun.

2 Corinthians 4:6

God-im uqallaŋaruam uumiŋa, “Qaummaum simmausiġḷiuŋ taaqtuaq,” kaŋiqsipkaŋagaatigut aliuġnaqtuamik kamanautaanik Christ. Ilaimña ilaan simmausikkaŋa taaqtuaŋa uummatipta ilaan qaumaniġmiñik, uvaptiŋnun iḷitchuġipkaqługu ilaan qaumanini takunnaqaptigu Jesus kiiñaŋa.

1 Timothy 3:16

Kialiqaa piiḷaaġiyumiñaitkaa qanutun kamanaġniŋa kaŋiqsiñaiñŋaruam ukpiġikkapta. Christ qiñiġnaqsiŋaruq timiqaqłuni iñuktun, iḷumun inniŋagaa Ilitqusiġiksuam, tautuŋagaat isaġulgich. Ilaa alġaqsruutauŋaruq akunġanni nunauruat, ukpiġiŋagaat iñuich, mayuurrauŋaruq qiḷaŋmun.

Hebrews 12:21

Qanutun tatamaanaqtigiŋaruq tautukkaŋat Moses uqallallasimman, “Iqsitchakłuŋa uuliksiŋaruŋa.”

Revelation 18:1

Taavruma aquagun uvaŋa John tautuŋaruŋa allamik isaġuliŋmik atqaqtuamik qiḷaŋmiñ. Ilaa kamanaqtuamik ataniġnaqutiqaŋaruq, aasii nuna iluqaan qaummaġiksipkaŋagaa ilaan qaumaniġmiñik.

Revelation 20:11

Tavraniasi uvaŋa John tautuŋaruŋa aŋiruanik qatiqtuanik umialgum aquppiutaŋanik taavrumiŋalu aquppiruamik taapkunani. Ilaan sivuġaaniñ nunalu qiḷaglu piiŋaruk.