Luke 2:47 - Iñupiatun Mumiksat Uqalugiksuat

⁴⁷ Tavra iluqaġmiŋ tusaaruat ilaanik kamasuŋarut kaŋiqsisuġniŋanik kiggutiŋiñiglu.

Luke 2:47 Iomraidhean Croise

Psalms 119:99

Kaŋiqsiumałhaaqtuŋa iḷisaurrikkaluamniñ unnii, isumalaaġutigisuuvlugitkii piraksriqsuutitin.

Matthew 13:54

Aasii tikiññami ilaan nunamiñun, iḷisautiŋagai iñuich aŋaiyyuvianni. Iñuich aliuġutchaŋarut, aasii uqallakłutiŋ, Sumiñ uvvauna iñuk piññakpa inna isumattunmik makkuniŋalu aliuġnaqtuanik savaanik?

Matthew 22:33

Tavra iñusalaich tusaakamirruŋ taamna kamasuuttaqaŋarut iḷisaurrutiŋiñik.

Matthew 7:28

Tavra Jesus uqaŋaiġataġman taapkuniŋa uqaluŋnik, iñusalaich kamasuutiqaŋarut iḷisaurrutiŋiñik,

Mark 1:22

Tavra iñuich kamasuŋarut iḷisaurrutiŋigun, qanuq ilaan iḷisaurrutiŋi kamanaŋarut. Iḷisaurriŋaitchuq pitquranik iḷisaurritun.

Mark 11:18

Tavra pitquranik iḷisaurrit, aŋaiyyuliqsiqpaiḷḷu taamna tusaaŋagaat, aasii ivaqłiaŋarut qanuġlugu tuqutchukługu sivuuġagiliqł̣ugu, qanuq iñupayaat aliuŋarut iḷisaurrutiŋigun.

Mark 6:2

Tavra Jew-guruat Savaiññiŋat tikiñman, iḷisaurrirraqsiŋaruq aŋaiyyuviŋmi. Tavra iñugiaktuat tusaavlugu kamasuŋarut, uqaqłutiŋ, Sumiñ una iḷisimmatinikpa? Qanuqłuni isumattutinikpa? Qanuqłuni suli aliuġnaqtuanik piva?

Luke 2:18

Aasii iluqaġmiŋ iñuich tusaaruat imnaiḷiqiriniñ uqaluusiamiŋnik aliuŋarut.

Luke 2:46

Uvlut piŋasut pianiŋmata paqinŋagaak aŋaiyyuvikpaŋmi, aquppiruaq akunġanni iḷisaurrit pitquranik, naalaġnivḷugich apiqsruqtuqługiḷḷu.

Luke 4:22

Tavra iluqaġmiŋ uqautigilluataŋagaat, suli kamasuutigiŋagaich uqalulluatat uqautigiraŋi. Uqallaŋammiut, Uvvauna Joseph-gum iġñiġigaa.

Luke 4:32

Tavra iñuich kamasuutiqaŋarut iḷisaurriñiŋanik, qanuq ilaan uqaluŋi kamanaŋarut.

John 7:15

Jew-guruat aliuŋarut iḷisaurrutaagun uqaqłutiŋ, Qanuqłuni una iñuk iḷisimatigiva iḷisaurriqaŋaitkaluaŋŋaġmi?

John 7:46

Tigurit kiuŋagaich, Qaŋaunnii iñuk uqaŋaitchuq taavrumatun iñuktun.