Luke 2:41 - Iñupiatun Mumiksat Uqalugiksuat

⁴¹ Tavra Jesus aŋayuqaak aullaġaqtuk Jerusalem-mun ukiutuaġman niqinaqiviani Qulaurrusiqutikun Itqautim.

Luke 2:41 Iomraidhean Croise

Exodus 12:11

Niġiruksraġigiksi qilamiqsruġlusi, qanukkii annuġaaqtuŋaruksraurusi iglaugunnanik, aluġutituġlusi ayauppiaqaġlusiḷu. Tavra taamna Qulaurrusiqinikun Niqinaqivik qutchiksiḷiġutausaqługu uvamnun, Atanġuruamun.

Exodus 12:14

Itqautiqallaaruksraurusi ukiutuaqpan taaptumani uvlumi niqinaqivigilugu, itqautausaġlugu ilivsiññun, uvaŋa Atanġuruaq, qanuq savaŋatilaamnik. Quviasuutikun itqautigilugu taimuŋa.”

Exodus 34:23

“Piŋasuiqsuaġlugu ukiuq aŋutipayaat nanġaġiaqtaksraġigaanŋa, Atanġuruaŋa, God-iŋat Israel.

Leviticus 23:5

Qulaurrusiqivik, quvianġutiginiaqtaŋat qutchiksiḷiġlugu Ataniq, isagutiniaqtuq siqiñiq nipikpan akimiaġutaiḷaŋanni (14th) uvlut sivulliġmi tatqimi.

Numbers 28:16

Qulaurrusiqinikun Niqinaqiniq Ataniġmun atuġniaġiksi akimiaġutaiḷaŋanni (14th) uvlut sivulliġmi tatqimi.

Luke 2:42

Tavra Jesus qulit malġugnik ukiuniŋman, aullaŋalgitchuk piḷġusikaamiktun niqinaqiyaqtuqłutiŋ.

John 11:55

Tavra niqinaqivia Itqautim Qulaurrusiqiviŋmun Jew-guruani qalliŋaruq. Aasii iñugiaktuat nunamiñ Jerusalem-muŋarut sivuani niqinaqivium itqanaiyaġiaqłutiŋ, salummaksaġiaqłutiŋ inmiŋnik pitqurat pitqutaatigun.

John 13:1

Tavra sivuani niqinaqivian Itqautim Qulaurrusiqiviŋmun, Jesus iḷitchuġiŋaruq ikarraq tikisilaaŋanik aullaġviksrani mattumaŋŋa nunamiñ Aapamun. Aasii ilaan piviuttaġivlugich nanmiñiq piñi nunamiittuat piviuttaġiŋagai isuanun-aglaan.

John 2:13

Tavra Itqaivik Qulaurrusiqiviannik Jew-guruat tikiñŋaruq, aasii Jesus aullaŋaruq Jerusalem-mun.

John 6:4

Tavra Itqaun Qulaurrusiqiviŋmun niqinaqiviat Jews qalliŋaruq.

Deuteronomy 12:11

Ataniq naliġagniaqtuq inimik nanġaiviksravsigñik inmiñun, tavrani qaitkisigisi piraksriqsuutipayaatka: aitchuutit ikipkautaugaluaqpata allallu aitchuutisi, qulikuuġutisi qaisaksrautisiḷu suli aitchuutit nuimaruaġirasi unniqsuqłiutigiŋarasi aitchuutiginiaġnivḷugich Ataniġmun.

Deuteronomy 12:18

Aglaan ilvich miqłiqtutillu, piqatigilugich kivgasi tamatkualu Levi-m kiŋuvaaŋich iñuuniaqatigikkasii nunaaqqivsigñi, niġigisigisi aitchuutisi takkuani Atanġum God-ivsi, taaptumani inimi nanġaiviksraqtaaŋani Atanġum God-ivsi. Quviasuglusi taamna nalautitkisigiksi.

Deuteronomy 16:16

“Aŋutipayaaŋit nunagiravsi nanġaiyyaqtuksraurut Ataniġmun piŋasuiqsuaġutiŋ ukiumi nanġaiyyaġvikaaġiraġmignun: Qulaurrusiqivigmi, Kivluivigmi, Niqinaqivianiḷu Uqqirviich. Aŋutipayaaq tigumiaqtuksrauruq aitchuutiksraġmiñik

1 Samuel 1:21

Tikiḷgitchuq piviksraq Elkanah-lu iḷaniḷu Shiloh-mugutik aitchuiyyaġviksraŋat Ataniġmun ukiutuaġman pisuuraqtik suli ilaaguaqtauŋaruaq taamna aitchuutiksraq unniqsuqłiisigiŋarani.

1 Samuel 1:3

Ukiutuaġman Elkanah Ramah-muguumaruq aŋaiyyuyyaqłuni suli aitchuiyyaqłuni ikipkautinik Ataniġmun Sapiġñaqtuaq Shiloh-mi, Hophni-ḷu Phinehas-lu, iġñiŋik Eli-m, tavrani aŋaiyyuliqsiqpaumaruk Ataniġmun.