Luke 2:4 - Iñupiatun Mumiksat Uqalugiksuat

⁴ Tavraptauq Joseph aullaŋammiuq Galilee-miñ, iniqpaŋmiñ Nazareth-miñ, Judea-mun iniqpaŋanun David, atiqaqtuamun Bethlehem-mik, qanuq ilaa David-gum kiŋuniġivlugu.

Luke 2:4 Iomraidhean Croise

Genesis 35:19

Rachel tuqumman, iḷuviŋagaat saniġaanun apqutim Ephrath-muksaġiam, paŋmami Bethlehem-guruam.

Genesis 48:7

Taamna tainna pigiga pisigivlugu aakan Rachel. Isumaaqpaŋaruŋa tuqumman nunaŋani Canaan, uŋasiŋitchuami Ephrath-miñ, Mesopotamia-miñŋaqtilluŋa. Iḷuviŋagiga taavuŋa saniġaanun apqutim Ephrath-muksaġiam.” (Ephrath paŋmami Bethlehem-mik pisuugaat.)

Matthew 1:20

Tavra taavrumiŋa isumalaaġutiqaqtillugu, Atanġum isaġulga niptaŋaruq ilaanun siññaktukun, aasii uqaqłuni, Joseph, kiŋunġuruatiin David-mun, sivuuġanak Mary-mik tuvaaqatiniksaġnipkun, qanuq ilaa siŋaiyaupkaŋagaa Ilitqusiġiksuam.

Matthew 2:23

Aasii iñuurraqsiŋaruq iniqpaŋani Nazareth, taamnaptauq uqautigiŋakkaŋat miqłiqtukun uqaqtiŋisa God-im taŋŋiqsauŋaruq inna, “Ilaa tairauniaqtuq Nazareth-miumik.”

Luke 2:3

Tavra iñupayaat atchiiyaqtuaŋarut ilaisa nanmiñiq iniqpaŋmiŋñun.

Luke 2:5

Joseph atchiiyyaqatigiŋagaa Mary, tuvaaqatiksrautini, siŋaiyauruaq.

Luke 4:16

Tavra Nazareth-muŋaruq iñuguġviŋmiñun, aasii aŋaiyyuviŋmuŋaruq piḷġusikaamisun Jew-guruat savairvianni. Tavra makinŋaruq taiguaġniaqłuni.

John 1:46

Nathanael-gum uqallautiŋagaa, Sunapayaaq nakuuruaq qaiyumiñaqpa Nazareth-miñ? Philip-gum kiuŋagaa, Qaiḷutin tautugiaġuŋ.

John 7:42

Bible uqaluŋich uqaŋaitpat Christ maŋŋuqaġnivḷugu David-mik, aasii qaiḷuni Bethlehem-miñ, nunaaqqimiñ David iñuuvigiŋaraaniñ?

Ruth 1:19

Iglauŋaruk tikiḷġataqhutik Bethlehem-mun. Tikiñmagnik nunaaqqim iñuŋich quviasuŋarut, suli aġnat uqaŋarut inna, “Uvvauna tavra Naomi?”

Ruth 2:4

Aaqagulimman Boaz tikiññiqsuq Bethlehem-miñ aasii paġlavlugi savaktini. “Atanġum itqatigilisi!” uqallaktuq. “Atanġum quviasaaġlisin!” iliŋisa kiugaat.

Ruth 4:11

Aullarriḷḷu allallu tavraniittuat uqallaktut, “Ii, iḷisimarauniaqtugut. Atanġum savagliuŋ tuvaaqatin piusimisun Rachel-mullu Leah-mullu, iñugiaktuanik miqłiqsiruaktun Jacob-mun. Umiallaksaqtutin kiŋuniiŋiññi Ephrath-gum suli qutchigutin iñuŋiññiñ Bethlehem.

Ruth 4:17

Aġnaŋisa taaptuma inaaqqim atchiŋagaat taamna nukatpiaġruk Obed-mik. Uqallautiŋagaich iñupayaat inna, “Aŋutaiyaaq aniruq Naomi-mun!” Obed aapaġuŋaruq Jesse-mun, aapauruamun David-mun.

1 Samuel 16:1

Ataniq uqallaktuq Samuel-mun “Qanutun imña qiñuniaqpiuŋ Saul? Umialiguŋaiŋagiga Israel-mun. Aglaan akkupak olive uqsruŋanik piḷutin Bethlehem-mugiñ, aŋunmun atiqaqtuamun Jesse-mik, qanukkii iġñiġutiiŋisa iḷaŋat umialiksraqtaaġigiga.”

1 Samuel 16:4

Samuel piŋaruq Atanġum pitqutaagun aasii Bethlehem-mukłuni, tavrani nunaaqqim aullarriŋisa ullaŋagaat uullaġruaqtun aasii apiġivlugu, “Aŋuyautaiḷaakun qaivich?”

1 Samuel 17:12

David iġñiġigaa Jesse-m, Ephrath-miuguruam Bethlehem-miñ Judah-miittuamiñ. Jesse iġñiqaġniqsuq tallimat piŋasunik, aasii taimani Saul umialgumman, ilaa aŋayuqaksraġuaniŋamaruq.

1 Samuel 17:58

Saul-gum apiqsruġaa, “Nukatpiaq, kia iġñiġivatin?” “Iġñiġigaaŋa kivgaqpich Jesse-m Bethlehem-miuguruam,” David-gum kiugaa.

1 Samuel 20:6

Aapan iḷitchuġikpan piisilaamnik niġġivigmi, uqallautisaġiñ qasiḷiñiḷuŋa qilamik aisukłuŋa Bethlehem-mun, uvvakii tikitchuq ukiutuaġman ikipkaivḷuta aitchuiñiqput uvagut aŋayuqaaġiiksuagut.