Luke 2:34 - Iñupiatun Mumiksat Uqalugiksuat

³⁴ Suli Simeon qiññuaġutiŋagik quviasuunmik, suli uqallautivlugu Mary aakaŋa. Sivunniutauŋaruq una miqłiqtuq agvisauniaġnivḷugu annagniksraŋannun iñugiaktuat Israel-guruani, suli iñugiaktuat tammaġniksraŋannun. Suli pisigilugu ilaan suutilaaŋa, iñugiaktuat akiḷḷiḷiqsuġniaġaat uqaluŋmiŋni,

Luke 2:34 Iomraidhean Croise

Genesis 14:19

uqallautigaa piḷḷuatautiqaquvlugu, uqallakłuni, “Qanuqtuq Qutchigñiqtauruam God-im, savaŋaruam qiḷagmiglu nunamiglu, quviasaaġusiġḷiuŋ Abram!

Genesis 47:7

Tavra Joseph-gum aapani Jacob sivuġaanuutigaa umialgum. Jacob-gum qaitchiñiġaa umialik ilimiñiñ uqautivlugu piḷḷuatautiqaqsimaaquvlugu,

Exodus 39:43

Moses-gum qimilġuŋaniġaa iluqaan sunapayaaq aasii qiñiqługu savaaguŋatilaaŋat nalaułługu Atanġum piraksriutaatun. Tavraasii Moses-gum quviasaaġusiŋaniġaich.

Matthew 11:19

Iġñiŋa Iñuum qaiŋaruq niġivḷuni imiqłuniḷu allatun iñuktitun, aasii uvyauġiksi, Marra niġġiqsuruaq wine-tuqtiqpaglu, avilaitqataat tax-iñik katitchirit, piḷuusiqirillu. Suliqutauŋitchuq qanuq uqaġaluaġuvsi, qanuq isumaturuat iñuich puttuqsriḷḷagaat God-im isumattutaa.

Matthew 12:46

Jesus uqaġniaqtillugusuli iñuŋnun, aakaŋalu aniqatiiŋiḷu makitaŋarut siḷami, apiqsrivḷutiŋ uqaqatigisukługu.

Matthew 21:44

Aasii iñuk puukaqtuaq taavrumuŋa uyaġagmun kanuġġirauniaqtuq, aglaattauq taamna uyaġak kattaqinnikkumi iñuŋmik kanuġġiñiaġaa suksraunġipiaġlugu.

Matthew 27:63

aasii uqallakłutiŋ, Kamanaaq, itqaumarugut qanuq taimña sagluqinnikti iñuuŋŋaġmi uqaŋatilaaŋanik, Uvlut piŋasut pianikpata aŋiñiaqtuŋa.

Luke 2:35

salapqialugu qanuq isummatiqaqtilaaqtiŋ ilaagun. Aasiiḷi ilivich isumaaġutiqpaum nagliksaaqtiniaġaatin.

John 3:20

Qanuq iñupayaam piḷġusiqaqtuam pigiitchuamik uumigigaa qaummaq, suli qaiḷaitchuq qaummaġmun, piḷġusiñi satqummiġasugalugich.

John 5:18

Taamna pisigivlugu Jew-guruat tuqutchumalipiaŋagaat Jesus, kisian navguiñiŋa pitquramik Savaiññikun pisigisuŋaġnagu, aglaan pisigivlugulu taimmagu God Aapamiñik, nalliummatirualiñivḷugu God-mun.

Acts 13:45

Tavrali Jew-guruat tautukamisigik iñusalaich, killuqsraliŋarut, aasii qapiqtaqługich sut uqautigikkaŋi Paul-gum, suli uqamaqłuutivlugu.

Acts 17:6

Tavra paqinŋiññamisigik, kaliksraŋagaat Jason aniqatillu iḷaŋich sivuġaannun iniqpaum atanauraŋisa, pasivḷugik Paul-lu Silas-lu uqaqłutiŋ, Taipkuak iññuk tuavaalatchiññiktuk iñuŋnik sumiḷḷiqaa, aasiuvva iniqpaptiŋnuŋmiuk.

Acts 24:5

Una iñuk iḷitchuġigikput iññuqłuuvlugu, ilaan aullaqisuugai tuavaallatit Jew-guruani nunami iluqaani, aullarrauvluniḷu Nazarene-guruanun.

Acts 28:22

Aglaan uvva tusaasukkaluaqtugut qanuq isumaqaqtilaaġnik, iḷisimavluta sumipayaaq iñuich uqautigisuummatigik pigiitchuanik iḷauvigikkatin.

Acts 4:26

Umialgiḷḷu atanaurallu nunami kasimasuurut atautchimi itqanaiyaqłutiŋ akiḷḷiḷiqsuġuqługu Ataniq Christ-ŋalu.”

Acts 6:7

Tavra uqalua God-im siaminŋaruq, suli ukpiqtuat Jerusalem-mi iñugiaksisaiññasugruŋarut, suli iñugiapiaġataqtuat aŋaiyyuliqsiqpaich ukpiliŋarut.

Romans 9:32

Nalaunŋasipkaqtauŋaitchut qanuq nalaunŋasiñiatakłutiŋ kamagilugich pitqurat, ukpiġigaluaġnagu Christ. Aasii ukpiŋiññamiŋ putukkiñmatun piŋarut putukkisaunmun uyaġaŋmun.

1 Corinthians 1:23

Aglaan alġaqsruutigigikput Christ, kikiaktuurrauŋaruaq annaurri, Jew-guruat piavsaktautaat aasiiḷi qiññaqaqłuni asiḷiqqutitun Jew-guŋitchuanun.

Hebrews 7:1

Qanuq taavruma Melchizedek-gum, umialgata Salem, aŋaiyyuliqsiqpaŋan sapiġñaġniqsrauruam God-im, paaŋagaa Abraham utiqtuaq tuquġaqqaaqługich umialgich. Aasii Melchizedek-gum aŋaiyyutiŋagaa piḷḷuatautiqaquvlugu.

Hebrews 7:7

Iñuk tainna uqallallaruaq kamanałhaaqtuq taavrumaŋŋa uqallausiqaqtuamiñ. Kialiqaa taamna qapiġumiñaitkaa.

1 Peter 4:14

Quviasugitchi pisaaŋŋasiaqaġuvsi pisigilugu ukpiqtuaguniqsi Christ-mun, qanuq tainna pikpasi, sivuniqaqtuq God-im Ilitqusiġiksuaŋa qaiŋatilaaŋanik iḷuvsiññun salapqiiḷḷaruaq ilaan qaumanġanik.

1 Samuel 2:20

Tavra Eli-m aŋaiyyutiraġigaik Elkanah-lu nuliaŋalu, aasii uqallautivlugu Elkanah, “Atanġuptuq aitchuvsaaġlisik allanik miqłiqtunik siŋaiyaupkaġlugu una aġnaq inaŋiqsaġlugu taamna qaitchaqtik ilaanun.” Tainnaanigmatik tavra utiġaqtuk aimaaġvigmiŋñun.