Luke 2:2 - Iñupiatun Mumiksat Uqalugiksuat

² Taamna atchiiñiq piqqaaŋaruq Quirinius atanauraumman Syria-mi.

Luke 2:2 Iomraidhean Croise

Matthew 4:24

Tavra Jesus tusaaŋagaat aliuġnaġniŋa siamiłłuni iluqaiññun nunaaqqiŋiñun Syria-m. Aasii iñuich qaġġirriŋarut ilaanun iluqaiññik naŋittuanik, tamatkuniŋa nagliksautiqaqtuanik qanusiḷimaanik naŋirrutinik kiiqsiuġutiniglu, iḷitqusiqł̣uqaqtuallu, qiiqsruġuuruallu, avatiŋiḷḷu tuquŋaruat, aasii ilaan iłuaqsiŋagai iluqaisa.

Luke 2:1

Taipkunani uvluni Caesar Augustus pitquraliŋaruq nunam iñupayauraŋi atanniqsimakkani atchiitquvlugich.

Luke 2:3

Tavra iñupayaat atchiiyaqtuaŋarut ilaisa nanmiñiq iniqpaŋmiŋñun.

Luke 3:1

Tavra una piŋaruq akimiaŋanni ukiut umialguniŋani Tiberius Caesar-m, Pontius Pilate kavanaupkaqługu Judea-mi, aasiiḷi Herod atanauraumman Galilee-mi, ilaan aniqataa Philip atanauraumman nunaŋiññun Ituraea-m Trachonitis-lu, suli Lysanias atanauraumman Abilene-mi.

Acts 13:7

Ilaa avilaitqatauŋaruq kavanauruamun qikiqtami Sergius Paulus-mun, puqiksuaguruamun. Kavanauruaq aiyugaaqłiŋaruq Barnabas-mik Saul-miglu tusaasukłuni uqaluanik God-im.

Acts 18:12

Tavra Gallio kavanaupkaqtillugu Greece-mi, Jew-guruat katinŋarut, aasii tigguġlukługu Paul qaġġisiŋagaat uqaqsitaaġviŋmun,

Acts 23:26

Claudias Lysias, Kamanaqtuamun kavanamun Felix-mun, paġlan.

Acts 26:30

Tavrani umialik kavanauruaġlu Bernice-lu iluqaġmiglu allat iñuich makinŋarut,

Acts 5:37

Aquagun suli Judas Galilee-ġmiu iñukpalliŋammiuq kisitchipkaqługich iñuŋnik, aasii maliksuktitchivḷuni iḷaŋiññik iñuich inmiñun. Ilaaptauq tuqutauŋammiuq, iluqaġmiglu maliġuaqtiŋi siaminŋarut.