Luke 2:14 - Iñupiatun Mumiksat Uqalugiksuat

¹⁴ Nanġaqtauli God qiḷaŋmiittuaq, suli nunami aŋuyautairrutiqaġli akunġanni iñuich ilaan iviġaumagikkaŋisa.

Luke 2:14 Iomraidhean Croise

Matthew 21:9

Tavra iñusalaich pisuaqtuat sivuani tamatkualu aquaguaqtuat nipaalaŋarut, Hosanna. Nanġaqtauli Iġñiŋa David. God-im piḷḷuataqtilliuŋ qairuaq pisivlugu Ataniq. Nanġaqtauli God.

Luke 1:79

Tamatkua paŋmapak taaqtuamiittuat sivuuġagivlugu tuqqun, iñuurraqsiñiaqtut qaummaġmi, ukpiġlutiŋ ilaanun, aasii ilaan iñuupkaġluta tutqiksilluta.

Luke 19:38

uqaqłutiŋ, God-im piḷḷuataqtilliuŋ Umialik qairuaq pisivlugu Ataniq. Nanġaqtauli God qiḷaŋmiittuaq tutqiutiqaqtitchiruaq.

Luke 2:13

Tavra tavraŋŋatchiaq isaġulik piqasiŋagaat isaġulisalaich nanġaqługu God, suli uqaqłutiŋ,

Luke 2:15

Isaġulgich qiḷaŋmuaniŋmata, imnaiḷiqirit uqaŋarut inmiŋnun, Aullaqtauvagut Bethlehem-mun tautugiaġlugu taamamna piruaq, Atanġum kilgutigikkaŋa uvaptiŋnun.

Luke 3:22

aasii Ilitqusiġiksuaq atqaŋaruq ilaanun timiqaqłuni tiŋmiatun. Aasii nipi tusaġnaŋaruq qiḷaŋmiñ, Ilivich piviuttaġivlutin Iġñiġigikpiñ, iviġaummatigilluataġikpiñ.

John 14:27

Qimaaqsikavsi tutqiqugivsi. Tutqigitchi uvaptun tutqiksuatun. Nunam iñuŋi tutqiutaitchut tutqiutipiamik tutqiutiqaqtirrutiptun ittuamik. Isumaaluutaittitchi iqsiñasiḷu.

John 17:4

Iḷitchuġipkaŋagiga kamanautin iñuŋnun naatchivḷuŋa piraksriutiŋnik uvamnun nunami.

John 3:16

God-im piviuttaġivaił̣ł̣ugich nunam iñuŋi aitchuutigiŋagaa Iġñitualuni, kiñaliqaa ukpiqtuaq iġñiŋanun tammaquŋił̣ł̣ugu aglaan iñuggutiqaquvlugu isuitchuamik.

Acts 10:36

Nalupqisuŋitchuŋa tusaaŋatilaavsiññik tusaayugaaġiksuanik sivuniqaqtuanik Israel-guruanun, ilaan piksraqtaaġivluta alġaqsruutigitquvlugu tutqiutiqaġumiñaqtilaaŋat God-mun Jesus Christ-guruakun, Atanġuruakun iñupayaanun.

Romans 5:1

Paŋmapak aŋuyautaiqsugut God-mun qanuq ukpiqtugut Atanipta Jesus Christ nalaunŋasipkaŋagaatigut sivuġaani God.

Ephesians 1:6

Tavraasii nanġaġlakput God, qanuq atqunapiaġataq nagliktuutiqpaqaŋaruq uvaptiŋnun, atausiŋŋuqataullasikamisigut piviuttaġiramiñun Iġñiġmiñun.

Ephesians 1:9

Qanuq God isumatupiaġataqtuaq suli kaŋiqsiŋavlugich supayaurat, salapqiŋagaa pisuutini uvaptiŋnun. Ilaan sivunniuġutigiŋakkaŋa iḷisimanaŋaitkaluaqtuaq sivuani, Christ-gum paŋmapak taŋŋiŋagaa.

Ephesians 2:4

Aglaan God naglikkutiqpaqaŋaruq uvaptiŋnun suli piviuttaġiqpaŋagaatigut.

Ephesians 2:7

Tainna pikami God piaqłuktautaipiaġataŋaruq uvaptiŋnun atausiŋŋuqatigipkaqamisigut Christ-mun, aasii taavruma iḷisimanaqsiñiaġaa isuitchuamun qanutun God naglikkutiqpaqaqtilaaŋa uvaptiŋnun.

Philippians 2:11

Suli iluqaġmiŋ iñuich iḷisimanaqsiḷugu uqallausiġiniaġaat Jesus Christ Atanġuniḷugu. Tainna pikparruŋ God-tauq Aapa nanġaqtauniaġmiuq.

Philippians 2:13

Qanuq God savaktuq iḷuvsiññi piyummasiqsuqłusi sunik ilaan pitqukkaġmiñik suli taŋŋiqsillavlugich.

Colossians 1:20

Suli Christ maqipkaġmagu auni, tuquvluni aŋarraurami, God-im iḷauraaliuŋagai aŋuyautaiqł̣ugich supayaat savaani, nunamiittuat qiḷaŋmiittuallu.

2 Thessalonians 2:16

Paŋmapaktuq qapiŋaisaaġusiaqaġitchi Ataniptiŋniñ Jesus Christ-miñ God-miḷḷu aapaptiŋniñ, piviuttaqsriŋaruaŋniñ uvaptiŋnik tilivḷugu Iġñini annautitquvluta, qapiŋaisaaqtuaqtiptiŋniñ ataramik, suli piyummatiqaqtitchiruaŋniñ quvianaqtuamik iliŋikta nagliktuutiqpaŋmikkun.

Revelation 5:13

Tusaaŋammiuŋa suli uumaruurapayauraq qiḷaŋmi nunamiḷu ataaniḷu nunam taġiumiḷu, uumaruurapayaallu sumipayaaq atuŋarut, Ilaanun taavrumuŋa aquppiruamun umialgum aquppiutaŋiñi Imnaiyaamullu illi nanġaun qiksiksraun, kamanaqsiḷġullu sapiġñaullu taimuŋa isuitchuamun.