Luke 2:11 - Iñupiatun Mumiksat Uqalugiksuat

¹¹ Qanuq uumani unnuami aniruq annaurriksi, iniqpaŋani David, Christ-guruaq Ataniq.

Luke 2:11 Iomraidhean Croise

Genesis 3:15

Uumikkutigiiksinniaġivsik aġnaġlu; iluqasik kiŋuvaasik uumikkutigiiguuniaqtut. Kiŋuvaaŋata karugniaġaa niaqqun, aasiiḷi kiŋuvaaqpich kiiñiaġaa kimmiŋa.”

Genesis 49:10

Judah-m tigummiñiaġaa umialguruam ataniġnaqutaa, Suli kiŋuvaaŋich atanniqsimanniguuniaqtut. Nunaqpauruat qaġġirriñiaqtut ilaanun nanġautauruanik; Suli pullutiŋ sivuġaanun kamakkutiqaġlutiŋ.

Psalms 2:2

Umialiŋich aasii paaqłaŋasivḷutiŋ, Atanniqsuiriŋich atautchimukhutiŋ sivunniuġaqtut paaqłaŋaruanik Ataniġmun paaqłakługulu umialiksraqtaaġikkaŋaa.

Matthew 1:16

Jacob-li aapagigaa Joseph-gum, uiŋa Mary-m aakaŋa Jesus Christ-guruam.

Matthew 1:21

Iġñiqaġniaqtuq, aasii atchiġisigiñ Jesus-mik, qanuq ilaan annautiniaġai iñuŋni piḷuutiŋiññiñ.

Matthew 16:16

Simon Peter uqallaŋaruq, Ilivich Christ-gurutin, Iġñiŋa iñuuruam God-im.

Matthew 16:20

Tavrani Jesus uqautipiaġataŋagai iḷitchitqurani quliaqtuaquŋił̣ł̣ugich kimununnii Christ-guniḷuni.

Luke 1:43

Qanutun iviġaumakkusiaqaqtigivik aakaŋata Ataniġma ullakkumiñaġmaŋa.

Luke 1:69

Akunġanniñ kiŋuniŋisa David, God piksraŋaruq Iñuŋmik suaŋŋatiqaqtuamik annautiyumiñaqłuta.

Luke 2:26

Ilitqusiġiksuam iḷitchuġipkaŋagaa tuquniaŋiññivḷugu tautukkaluaġnagu Annaurri Atanġum tiliñiakkaŋa.

Luke 2:4

Tavraptauq Joseph aullaŋammiuq Galilee-miñ, iniqpaŋmiñ Nazareth-miñ, Judea-mun iniqpaŋanun David, atiqaqtuamun Bethlehem-mik, qanuq ilaa David-gum kiŋuniġivlugu.

John 1:41

Ilaan paqitqaaŋagaa aniqatini Simon, aasii uqallautivlugu, Paqinŋagikput Messiah (sivuniqaqtuaq Christ-mik).

John 1:45

Tavra Philip paqinŋagaa Nathanael, aasii uqallautivlugu, Paqinŋagikput iñuk Moses-gum pitqurani uqaqtiŋisalu God-im aglautiŋaraat. Taamnauruq Jesus Nazareth-miu, Joseph-gum iġñiŋa.

John 11:27

Martha-m kiuŋagaa, Aaŋ Ataniiq, ukpiqtuŋa Christ-gutilaaġnik, Iġñiŋa God-im, qaiyumaaŋaruaq nunamun.

John 20:31

Aglaan makua aglaagurut ilivsi ukpiquvlusi taamna Jesus Christ-gutilaaŋanik, Iġñiŋa God-im, aasii ukpiliġḷusi iñuggutinnaquvlusi ilaan suaŋŋataagun.

John 4:25

Aġnaq uqallaŋaruq ilaanun, Iḷisimaruŋa Messiah taggisiqaqtuaq Christ-mik qaiyumaaqtuq. Aasii qaigumi quliaqtuaġutiniaġaatigut supayaanik.

John 4:42

Tavra uqallautiŋagaat aġnaq, Ukpiliŋaitchugut uqaluktin pisigigiññaġlugich, qanuq naalaġniŋagikput uvaptiŋnik, aasii iḷitchuġirugut ilaa iḷumutun Annaurriginiġaat iñuich.

John 6:69

Aasiiḷi uvagut ukpiliŋarugut, suli iḷitchuġianiŋagiptigiñ Piḷuutaitchuaġigaatin God-im.

John 7:41

Allalli uqallaŋarut, Ilaa Christ-gupiaqtuq. Aglaan iḷaŋich uqallaŋammiut, Christ qaiyumaaqpa Galilee-miñ?

Acts 10:36

Nalupqisuŋitchuŋa tusaaŋatilaavsiññik tusaayugaaġiksuanik sivuniqaqtuanik Israel-guruanun, ilaan piksraqtaaġivluta alġaqsruutigitquvlugu tutqiutiqaġumiñaqtilaaŋat God-mun Jesus Christ-guruakun, Atanġuruakun iñupayaanun.

Acts 13:23

Iḷaŋat David kiŋuniŋisa, Jesus, God-im unniqsuqłiisigiŋagaa annaurrigitquvlugu Israel-guruanun.

Acts 17:3

sivunniuġutivlugich, iḷumun itilaaġutivlugiḷḷu, Christ nagliksaaqtuksraupiaġnivḷugu suli aŋiluni tuqqunmiñ, uqaqłuniḷu, Taamna Jesus quliaqtuaġikkaġa ilivsiññun Christ-guruq.

Acts 2:36

Iluqapayauraġmiŋ Israel-guruat iḷisimaruksraurut nalupqisuŋaiġḷutiŋ, taamna Jesus kikiaktuutiraqsi aŋarrauramun God-im ataniġuqtitkaa, Christ-guqługulu.

Acts 5:31

God-im kamanaqsipkaŋagaa inillakługu taliqpiŋmi tuŋaanun Aullarriġuqługu Annaurriġuqługulu, iñuich Israel-guruat isumalitqikkumiñaqsivḷugich, piḷuutitiŋ suliqutigiŋaiqsaupkaġlugich itqaumayumiñaiġḷugich.

1 Corinthians 15:47

Iñuqqaaq nunamiñŋaqtauruq, nunam avyuaniñ. Iñulitqiun qiḷaŋmiŋŋaqtauruq.

Philippians 2:11

Suli iluqaġmiŋ iñuich iḷisimanaqsiḷugu uqallausiġiniaġaat Jesus Christ Atanġuniḷugu. Tainna pikparruŋ God-tauq Aapa nanġaqtauniaġmiuq.

Philippians 3:8

Isummatigiłhiñaŋiñmigitka tainna tamatkua kisiisa, aglaallu supayaat suksraallapiaġitka anniqsuutauŋaiqł̣ugich urriqatausaqpata anniqsuutaułhamaaqtuamun iḷitchuġivlugu Jesus Christ uvaŋa Ataniġa. Ilaa pisigivlugu isummatigiliġitka tamatkua iluqaisa iktaksratun, igiłługich anniqsuutauyumiñaiñmata, pigisukługu Christ,

Colossians 2:6

Tavra Christ Jesus Atanġum ukpiġutivsigun annautiŋammasi, iñuusiqaġitchi ataramik ukpiqsimaaġlusi ilaanun.

1 John 4:14

Aasii tautuŋakkaqput quliaqtuaġigikput Aapa tilisiŋanivḷugu Iġñiġmiñik Annaurrigipkaqsaqługu iñuŋnun.

1 John 5:1

Iñupayaaq ukpiqtuaq Jesus Christ-gunivḷugu Tiliraŋa God-im, miqłiqtuġigaa God-im, suli iñupayaaq piviuttaqsriruaq Aapamik piviuttaqaġmiuq miqłiqtuanik.